Albiste dira

Gizon bat atxilotu dute Salburuan bikotekideari eraso egitea egotzita

Larunbatean epailearen esku utzi zuten 42 urteko gizona. Emakumea osasun-zentro batera eraman zuten.

eitb.eus

2020/08/10 - 16:58

Azken eguneratzea

2020/08/10 - 17:04

Udaltzaingoak 42 urteko gizonezko bat atxilotu zuen ostiralean Gasteizko Salburura auzoan, genero-indarkeria delitu bat egotzita, Gasteizko Udalak prentsa ohar baten bidez jakinarazi duenez.

Joan den ostiralean, goizeko 11:00ak aldera, polizia-koordinaziorako zentralera deitu zuten, Dublin kaleko garaje batean, Salburuan, eztabaida bat entzun zutela kontatzeko. Beraz, patruila bat bertaratu zen. Biak elkarrizketatu ondoren, gizonezkoa atxilotu zuten eta larunbatean epailearen esku geratu zen. Gertaturikoaren ondorioz, emakumea osasun-zentro batera eraman behar izan zuten.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak, eta / edo deitu doako telefono hauetako batera: 900 840 111 (Euskadin) edo 016 (Estatu osoan). Fakturan ez dute arrastorik uzten, baina bai telefonoan. Beraz, ez ahaztu ezabatzea.