Frantziak urri amaiera arte luzatuko du ekitaldi handien debekua
Frantziako lehen ministroak, Jean Castexek, iragarri du 5.000 pertsona baino gehiago bilduko dituzten ekitaldiek debekatuta jarraituko dutela, gutxienez urriaren 30era arte, eta aurreratu du tokiko agintariekin hitz egingo duela maskaren erabilera leku irekietan beharrezkoa izatea ahalik eta gehien zabaltzeko.
Castex Montpellierreko ospitalean egon da, eta azken bi asteotan egoera epidemiologikoak "okerrera" egin duela ohartarazi du. Eguneko positiboen kopuruak gora egin du Frantziako Estatuan, baita ospitaleratutako pertsonen kopuruak ere.
Horren aurrean, lehen ministroak esan du "arduratzeko modukoa" dela egunean 25 berragertze berri atzematea, eta herritarren zein erakundeen laguntza eskatu du "pandemia hedatzeko arrisku handiari" eusteko.
"Oinarrizkoa da atzera-buelta bat eta beste konfinamendu bat ekiditea, eta hori gure eskuetan dago", esan du, Frantziako telebista publikoak aditzera eman duenez. Orain arte, pandemia hasi zenetik, 200.000 positibo eta 30.000 hildako zenbatu dituzte Frantzian.
Emmanuel Macron presidenteak ere Twitterren bigarren olatu baten arriskuaz egin du berba, eta kontuz ibiltzeko eskatu die herritarrei. "Epidemiak ez ditu oporrak hartzen: adi egotea eta prebentzio keinuei so egotea ezinbestekoak izaten jarraitzen dute", esan du Defentsa Kontseiluaren bilera egin eta gero.
Albiste gehiago gizartea
Istripu baten ondorioz ia hiru orduz itxita egon da A8 autobidea Usurbilen Bilborako noranzkoan
Auto baten eta kamioi baten arteko istripua izan da 17:15ean eta errepidea moztuta geratu da erabat eta auto ilarak sortu dira, inguruko errepideetan ere eraginez. Garabiek ibilgailuak erretiratu eta bidea garbituta, 20:20ean errei bat zabaldu dute eta 21:15an beste biak.
Frantziako nerabe batzuk hegaldi batetik atera dituzte "zalapartagatik", eta Israelek antisemitatzat jo du erabakia
"Oso jarrera gatazkatsua" zutela eta jokabide horrek ontziaren segurtasuna kolokan jartzen zuela ikusita, komandanteak ukatu egin zien ontziratzea 52 bidaiariri, horietatik 44 adingabeak eta 8 adinekoak (begiraleak), eta Guardia Zibilaren esku hartzea eskatu zuen, haiek hegazkinetik ateratzeko. Israelgo Gobernuak "antisemitismoari" egotzi dio, umeak juduak direlako. Irmo ukatu dute hori konpainiak (Vueling) eta Guardia Zibilak.
Adingabeak osteagatik ikertuko dute Juana Rivas, baina ostiralean semea aitarekin utziko duela espero da
Espainiako Gobernuko hainbat ministro eta Andaluziako presidentea kezkatuta agertu dira mutikoaren egoera psikologikoarekin. Bestalde, Rivasen seme zaharrenak kereila aurkeztu du aitaren aurka, anaia gaztearen borondatea hertsatzeko delitua egin dutelakoan.
Zenbait karabela portugaldar ikusi dituzte Kontxan, Zurriolan, Itzurunen, Lagan, Bakion eta Arenan
Marmoken presentziaz ohartarazteko bandera berezia jarri dute Gipuzkoako eta Bizkaiko hondartza horietan, baina sorosleek soilik pertsona bat artatu dute. Topatu dituzten marmokak txanpon baten neurrikoak dira, eta horien ziztadak ia ez du minik eragiten.
Abian da Euskal Encounter, 5.000 teknologia zale baino gehiago bilduko dituen hitzordua
Makrotopaketaren 33. edizioa uztailaren 24tik 27ra izango da, eta 200 jarduera inguru izango ditu publiko guztientzat. Lau egunez, BECeko 5. pabiloia komunitate digital handi bihurtuko da, milaka teknolgia zaleren gozamenerako.
Gasteizen izandako istiluetan gertatutakoari buruz bertsio kontrajarriak eman dituzte GKSk eta alkateak
Gazte Koordinadora Sozialistaren (GKS) arabera, "giro lasaian" egiten ari ziren ekimen baten aurka "kargatu" zuen Poliziak, eta 18:00etarako elkarretaratzea deitu dute, Andre Maria Zuriaren plazan. Maider Etxebarria Gasteizko alkateak, bere aldetik, atzoko gertakariak gaitzetsi ditu eta bere esker ona adierazi dio Ertzaintzari eta Udaltzaingoari.
Sare sozialak gorroto-mezu eta indarkeriarako deiez bete ziren Torre Pachecoko gertakarien ondoren
Arrazakeriaren eta Xenofobiaren Espainiako Behatokiak mota horretako 138.000 argitalpen baino gehiago zenbatu zituen uztailaren 6tik 22ra bitartean, eta ohartarazi du plataformek % 22 baino ez zituztela ezabatu.
Euskararen kontrako epaiei “batasunez” erantzutea eskatu dute 200 herri-ordezkarik baino gehiagok, Bilbon
Gorenak VOX alderdiari men egin eta Udal Legea garatzen zuen dekretuaren hainbat artikulu baliogabetu berritan, erantzun bateratua eman dute gaur, Bilbon, 200 bat alkatek, udal hautetsik eta euskalgintzako ordezkarik, “euskararen defentsan”.
Faxismoaren eta arrazakeriaren aurkako elkarretaratzea egin dute Irunen
Irungo Harrera Sarea herri plataformak salatu duenez, "azken hilabeteetan ideologia neonaziko hainbat taldek inpunitate osoz jardun dute Irunen", "gorroto diskurtsoa" gure kaleetan "barreiatuz" eta "hainbat gazte talde mehatxatuz".
200 alkate eta herri-ordezkarik ekitaldia egingo dute Bilbon, euskararen aurkako azken epaia salatzeko
Euskalgintzaren Kontseiluak deituta, 11:00etan bilduko dira Euskal Autonomia Erkidegoko Auzitegi Nagusiaren atarian alderdi eta sentsibilitate ezberdinetako ordezkariak euskararen inguruan Gorenak emandako azken epaiari erantzun bateratu bat eman asmoz.