Hainbat egun beharko dira hezurra langileetako batena den zehazteko
Josu Zubiaga Eusko Jaurlaritzako Segurtasun sailburuordeak iragarri duenez, igande honetan Zaldibarko zabortegian aurkitutako hezurra "pertsona batena da", eta auzitegiko medikuek DNA laginak hartuko dituztela adierazi du.
Halaber, lurperatutako bi langileen (Alberto Sololuze eta Joaquin Beltran) senideei "pazientzia" eskatu die sailburuordeak.
Datu horien berri eman dute Zubiagak eta Aitor Zulueta Natura Ondare eta Klima Aldaketa zuzendariak, oihal batean bildutako hezur luze bat aurkitu ostean.
Zubietak hondar bat aurkitu dutela azaldu du, eta, egiten ari diren analisietan, bai polizia zientifikoak, bai auzitegiko medikuak, "pertsona baten hezur-hondarra" dela zehazten dela.
Horrek eman zen lan hipotesietako bat "ona" zela esan nahi duela adierazi du, eta sei hilabete behar izan direla hara iristeko, "etxeak behetik hasten direlako, zimenduak jarri behar dira, segurtasuna bermatu behar da".
Goizeko zortziak jota zirenean ekin diete berriro bilatzeko lanei zabortegian.
23 metro zulatzea
Zubiagaren hitzetan, aurkitutako hezurra bere garaian baskula zenaren perpendikularrean zegoen, eta hura aurkitzeko 23 metro zulatu behar izan dituzte, zortzi solairuko eraikin baten parekoa.
Zehaztu duenez, hemendik aurrera, eremu hori "hondakin gehiago aurkitzeko aukera gehien dituen gunea" izango da, eta "modu kirurgikoagoan, kontu handiagoz" lan egingo da, "ez obrako indusketa bat, orain arte egin den bezala". Bestalde, aurkitutako hezurraren azterketa zientifikoa egingo da.
Gainera, Zubiagak "pazientzia pixka bat" eskatu die familiei, eta sei hilabete baino gehiagoko lanak "bere emaitza ematen ari dira", erantsi du.
Kazetarien galderei erantzunez esan duenez, auzitegiko medikuek dagozkien DNA laginak hartuko dituzte haiek identifikatzeko.
"Jatorriz DNA dago familiekin erkatzeko, baina aurkitutako hezurretik lagin nahikoak nola lor daitezkeen ikusi behar da", adierazi du, eta identifikazio prozesua "ez da azkarra izaten eta hainbat egun behar izaten dira", gaineratu du.
Ehun-hondakinei dagokienez, "erabat ezagutezinak" direla ohartarazi du, hondakin artean lurperatuta eta 70 graduko tenperatura duen gune batean sei hilabete eman ondoren.
Bilaketa lanak
Orain arte gorpuzkiak aurkitu direnean, nahiz eta gizakienak ez izan, horiek aurkitutako zonaldean lanak gelditu, mugatu eta analisiak egin dituztela nabarmendu du.
"Oraingoan giza hondarra denez, hondakinak zaindu egin behar ditugu, eta ezin da eremu horretan sartu orain arte erabili den tamainako makinekin. Arkeologia lan bat da", gaineratu du.
Bestalde, Aitor Zuluetaren esanetan, aurkikuntza otsailean zabortegian lanak hasi zituztenean egin zuten plangintzaren emaitza da.
Zure interesekoa izan daiteke
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.
Prostituitzera behartuta zeuden hiru emakume askatu dituzte Getxon
Bestalde, 36 eta 27 urteko bi emakume atxilotu dituzte, askatutako hiru lagunak prostituitzera behartzeagatik. Beste bi delitu ere egotzi dizkiete atxilotuei: droga trafikoa eta baimenik gabe botikak saltzea. Ikertzaileek egiaztatu dutenez, biktimek beren diru-sarreren % 50 ematen zieten arduradunei.
Andaluziako Juntak laguntza eskatuko dio Espainiako Gobernuari eta EBri denboraleek utzitako "milioiko euroko galerei" aurre egiteko
Marta ekaitzak zaparradak eta haize bolada gogorrak utziko ditu erkidegoan. Kezkagarria da, halaber, Guadalquivir ibaiaren maila, uste baita arratsaldean bere gorena harrapatuko duela. Denboralea tarteko, Sevilla-Girona eta Cadiz-Almeria futbol partidak bertan behera utzi dituzte.
Urtegiak eta errepideak gertutik zaintzen ari dira Caceresen, Malagan, Cadizen eta beste hamaika tokitan, Marta ekaitza dela eta
Andaluziako Juntak 350 gorabehera larri baino gehiago erregistratu ditu azken egunotan autonomia erkidegoko errepide sarean, eta, ondorioz, errepide asko eta asko itxi behar izan dituzte, Leonardo depresioak eraginda. Marta ekaitzak are gehiago okertu dezake egoera.
Pertsona baten gorpua berreskuratu dute Bilboko itsasadarrean, udaletxearen aurrean
Gorpua 10:30ak aldera aurkitu dute, eta berehala berreskuratu dute. Ertzaintzak ikerketa abiatu du gertatutakoaren nondik norakoak argitzeko.
%20EFE?fmt=webp-alpha&qlt=80)
Denboraleak atsedena eman du Andaluzian, hildako bat eta etxetik kanpo 8.000 pertsona utzita, baina okerrena iristear dago
Leonardoren ostean, Marta depresioa iritsiko da asteburuan, emariaren atalase gorrian 15 ibai baino gehiago dituen eremu batera.
Gizon bat atxilotu dute Gasteizen etxeko indarkeriagatik eta arma zuriz mehatxu egiteagatik
Gizona etxean gotortu da senide batzuekin eztabaidan izan ondoren. Emakume bat arin zaurituta eraman dute ospitalera.
Bilbo Handiko errepideak kolapsatuta egon dira, hiru autok eta kamioi batek talka egin ostean
Txorrierriko igarobidean gertatutako istripuaren ondorioz, bi errei itxi dituzte Donostiarako noranzkoan, eta ilarak BI-10 errepideraino iritsi dira.