MOEk dio ez dagoela frogarik mutazio baten ondorioz COVID-19a arinagoa denik esateko
Munduko Osasun Erakundeak (MOE) adierazi du oraindik ez dagoela ebidentzia zientifikorik Hego Koreako zientzialariek Asiako zenbait herrialdetan berriki identifikatu duten koronabirusaren mutazioak gaixotasun arinago bat edo hain hilgarria ez den bat eragiten duela egiaztatzeko.
Maria Van Kerkhove MOEko epidemiologo liderrak astearte honetan prentsaurreko batean baieztatu duenez, une honetan nazioarteko osasun erakundea espezialista talde batekin lanean ari da birusaren sekuentzia genetikoan gerta daitezkeen aldaketak ulertzeko.
"Mutazio berri bat dagoela iragartzen duen artikulu bat argitaratzen bada, horrek irakurlea beldurtu dezake, baina birusetan aldaketak uneoro izaten dira. D614G izeneko birusaren mutazioan aldaketak ikusi ditugu; otsailetik hona ibili den zerbait da, eta Europan eta Ipar Amerikan nagusi zen anduia, orain, Asiara itzuli da", azaldu du adituak.
Van Kerkhovek nabarmendu du birusa monitorizatzen jarraitu behar dela, aldaketak ulertzeko eta mutazio garrantzitsuak zein diren edo modu ezberdinean jokatzen duten zehazteko.
Herrialdeen arteko hilkortasun indizeetan dagoen aldeari dagokionez, heriotzak aldatzeko arrazoi ugari daudela adierazi du adituak. Hala, gogora ekarri du Hego Korean, adibidez, kutsatutako lehen pertsonak gazteak izan zirela, aurretik azpiko gaitz gutxiago zituztenak. "Orain arte, mundu osoko herrialdeen 75.000 sekuentzia genetiko baino gehiago daude eskuragarri, eta horrek jarraitu egin behar du", gaineratu du.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.