Ikasturte berrirako neurriak iragartzen ari da Jaurlaritza
2020-2021 ikasturtearen hasierari begira neurri zehatzak hartuko ditu gaur, ostirala, Eusko Jaurlaritzak, koronabirusak eragindako ezohiko egoera dela eta. Ildo horretatik, ikasgeletara itzultzea Jaurlaritzarentzat "lehentasunezko kezka" dela azpimarratu zuen asteartean Iñigo Urkullu jarduneko lehendakariak.
Testuinguru horretan, Euskadiko Babes Zibileko Planaren (LABI) baitan lehendakariari zuzendari bakar gisa laguntzen dion aholku-batzordearen bileran parte hartuko du gaur goizean Urkulluk. Hain zuzen ere, bilera 10:00etan hasiko da, Lehendakaritzan. Topaketa amaitzean, Nekane Murga eta Cristina Uriarte jarduneko Osasun eta Hezkuntza sailburuek prentsaurrekoa eskainiko dute, ikasturtearen hasierari begira hartutako neurri zehatzen berri emateko. Zehazki, 12:30ean egingo dute agerraldia, eta eitb.eus-en zuzenean jarraitu ahal izango da.
Atzo, osteguna, ikasgeletara itzultzeko neurriak jakinarazi zituen Espainiako Gobernuak. Besteak beste, 6 urte baino gehiago dituzten ikasle guztiek maskara derrigorrez jarri beharko dute eskola-zentroetan, ikasleen artean 1,5 metroko segurtasun-tartea egonda ere, eta hezkuntza aurrez aurrekoa izango da hezkuntza-sistemako maila eta etapa guztietan, DBHko 2. mailara arteko ikasleentzako aurrez aurreko eskola lehenetsita.
Alabaina, Eusko Jaurlaritzak abstenitzea erabaki du, "eskumenagatik, eta testuaren edukiaren gaineko iritzirik eman gabe". "Euskadik du erabaki horien inguruko eskumena; beraz, ez da zertan inorekin adostu behar", adierazi du Jaurlaritzak.
Ekainaz geroztik, Hezkuntza Sailak ikastetxe guztietara bidalitako protokolo bat eskura dutela nabarmendu zuen Urkulluk asteartean, eta protokolo hori "udan landu" ahal izan dutela gaineratu zuen.
Halaber, ekainetik gaur arte Hezkuntza Sailak 23 bilera egin dituela azpimarratu zuen, "hezkuntza-komunitateko, patronaletako, eskola publikoetako, ikastetxeetako zuzendaritzetako, elkarteetako eta era guztietako eragileekin".
"Hiru aukerekin ari gara lanean. Beste herrialde batzuetan eman den errealitateari ere erreparatzen ari gara, batez ere, Europari", azaldu zuen Urkulluk.
Zure interesekoa izan daiteke
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.
Prostituitzera behartuta zeuden hiru emakume askatu dituzte Getxon
Bestalde, 36 eta 27 urteko bi emakume atxilotu dituzte, askatutako hiru lagunak prostituitzera behartzeagatik. Beste bi delitu ere egotzi dizkiete atxilotuei: droga trafikoa eta baimenik gabe botikak saltzea. Ikertzaileek egiaztatu dutenez, biktimek beren diru-sarreren % 50 ematen zieten arduradunei.
Andaluziako Juntak laguntza eskatuko dio Espainiako Gobernuari eta EBri denboraleek utzitako "milioiko euroko galerei" aurre egiteko
Marta ekaitzak zaparradak eta haize bolada gogorrak utziko ditu erkidegoan. Kezkagarria da, halaber, Guadalquivir ibaiaren maila, uste baita arratsaldean bere gorena harrapatuko duela. Denboralea tarteko, Sevilla-Girona eta Cadiz-Almeria futbol partidak bertan behera utzi dituzte.
Urtegiak eta errepideak gertutik zaintzen ari dira Caceresen, Malagan, Cadizen eta beste hamaika tokitan, Marta ekaitza dela eta
Andaluziako Juntak 350 gorabehera larri baino gehiago erregistratu ditu azken egunotan autonomia erkidegoko errepide sarean, eta, ondorioz, errepide asko eta asko itxi behar izan dituzte, Leonardo depresioak eraginda. Marta ekaitzak are gehiago okertu dezake egoera.
Pertsona baten gorpua berreskuratu dute Bilboko itsasadarrean, udaletxearen aurrean
Gorpua 10:30ak aldera aurkitu dute, eta berehala berreskuratu dute. Ertzaintzak ikerketa abiatu du gertatutakoaren nondik norakoak argitzeko.
%20EFE?fmt=webp-alpha&qlt=80)
Denboraleak atsedena eman du Andaluzian, hildako bat eta etxetik kanpo 8.000 pertsona utzita, baina okerrena iristear dago
Leonardoren ostean, Marta depresioa iritsiko da asteburuan, emariaren atalase gorrian 15 ibai baino gehiago dituen eremu batera.
Gizon bat atxilotu dute Gasteizen etxeko indarkeriagatik eta arma zuriz mehatxu egiteagatik
Gizona etxean gotortu da senide batzuekin eztabaidan izan ondoren. Emakume bat arin zaurituta eraman dute ospitalera.