Nola jokatuko da ikastetxe batean COVID-19aren kasuak atzemanez gero?
Cristina Uriarte Hezkuntza sailburuak Eusko Jaurlaritzak 2020-2021 ikasturtearen hasierarako hartutako neurrien berri eman du gaur, Euskadiko Babes Zibileko Planaren (LABI) barruan Aholku Batzordeak bilera egin ostean.
Ikasle edo irakasle batek COVID-19arekin bateragarria den sintomarik badu, etxean geratu beharko du. Probak egin ondoren kasua baieztatzen bada, ikastetxea bere ESIarekin harremanetan jarriko dela azaldu du Uriartek, "eta uneoro Osasun Publikoaren jarraibideak jarraituko ditu".
Hezkuntza sailburuak zehaztu du zentro bereko hainbat pertsona agertzen direnean infekzio "aktiboarekin", kasu bakanak diren edo kutsatutakoen artean loturarik dagoen aztertuko dutela. Pertsona horien artean nolabaiteko harremanik identifikatzen bada, agerraldi bat bezala tratatuko da egoera hiru kasuetatik aurrera, eta zergatia bilatzeaz gain, pertsona horiek isolatzeko aukera aztertuko da.
Bestalde, lurralde bakoitzean Jarraipen Batzorde Tekniko bat ezarriko da, Osasun Publikoak eta Hezkuntzak osatua. Helburu nagusia egoera bakoitzaren jarraipena eta balorazioa egitea izango da, neurri batzuk edo aurreikusitako ekintzen modulazioa egin ahal izateko. Era berean, Hezkuntzarako COVID-Aholku Batzordea eratuko da.
Uriartek azaldu duenez, koronabirusa duten seme-alabak zaindu behar dituzten familientzat, Enplegu eta Gizarte Politikekin lanean ari dira, eta horrekin batera zaintzaileak kontratatzeko laguntzak handitzeko aukera, eta osasun larrialdian onartutako kontziliaziorako laguntzak ere bai.
Seme-alabak eskolara eramaten ez dituzten gurasoak egon daitezkeen aukera ere aztertu du, eta aurten absentismoaren balizko igoera aurreikusten duten ikastetxeetara jo dutela adierazi du, arreta "berezia" izan dezaten. Horrekin batera, gogorarazi du Ikuskaritza Zerbitzua dela jardun behar duena, "legez, haurrek ikastetxera joan behar dutelako".
Eskola-garraioari dagokionez, ikasleek beti eserleku finkoak izatea gomendatzen da, eta garraiatzen dituzten haurren zerrenda eta esertzen diren lekua idatzita jasotzea gomendatzen da.
Azkenik, ikasleek zein langileek uneoro maskara erabiliko dutela ezarri da, nahiz eta sei urtetik beherakoen kasuan ez den derrigorrezkoa, baina bai gomendagarria. Jantokiari dagokionez, "Ikasle kalteberak" dituzten ikastetxeetan zerbitzua lehenetsiko da.
Albiste gehiago gizartea
Barakaldo eta Santurtzi arteko tartea autobusez egingo da, Renfeko Aldirietako katenarian izandako matxura konpondu arte
Barakaldo eta Bilbo arteko zerbitzuak, baita Bilbo eta Muskiz artekoak ere, betiko moduan ari dira eskaintzen. Hala ere, Bilbo-Santurtzi ibilbidearen kasuan, trenak Barakaldoko Desertu geltokiraino bakarrik ari dira.
Euskadin adingabeei egindako sexu abusuen biktima ia denak (% 92) neskak dira, eta gehienak, 15 urtetik beherakoak
Save The Children gobernuz kanpoko erakundeak haurren kontrako sexu abusuen inguruko 88 epai aztertu ditu, 2019tik 2024ra bitartekoak. Halaber, kasu guztietan akusatua gizona zen.
Sindikatuek "propagandatzat" jo dute Osakidetzak Lehen Mailako Arretako 13 zentrotan psikologia zerbitzua eskainiko duela iragarri izana
ELA eta LAB sindikatuek ohartarazi dutenez, psikologo hauek "ez dute espezialitaterik, eta ezin izango dute tratamendurik diagnostikatu edo bideratu". Lehen Mailako Arretako osasun zentroetan psikologia zerbitzua ezarriko duen proiektu pilotua aurkeztu die Eusko Jaurlaritzako Osasun Sailak Osakidetzako sindikatuei. Osasun Sailak iragarri duenez, helburua "anbulatorioetako arreta emozionalaren irisgarritasuna hobetzea" da.
44 urteko gizonezko bat hil da Arrigorriagan, autoarekin BI-3723 errepidetik AP-68ra erorita
Lau metrotan behera erori da ibilgailua. Pertsona bakarra zihoan barruan, eta tokian bertan zendu da.
EITBren "Glaziarrak agurtzen" lanak aitortza lortu du nazioarte mailan, Venice TV Awards sarietan
Nazioarteko telebista-programen berrikuntza eta bikaintasuna saritzen dituzte Veneziako Telebista golardoek, eta Cross Platform Programming atalean izendatu dute proiektua, EITBk eduki berritzaile eta hainbat euskarritan emititzearen alde egindako apustua aitortuta. Glaziarrak agurtzen PRIMERANen, Euskal Telebistan eta ORAINen estreinatu zen, guztietan egokitutako lengoaia eta formatuak erabilita.
Osakidetzak psikologia zerbitzua emango du Lehen Arretako 13 zentrotan
Gipuzkoako lau zentrotan, Arabako bitan eta Bizkaiko zazpitan arituko dira psikologoak. Lehen Arretako gaixoen ongizate emozionalaren erreferente izango dira psikologo horiek, kasu arinenak ere artatuz, eta familia-medikuaren eta ospitalez kanpoko osasun mentala artatzeko zentroen arteko bitartekari moduan jardungo dute.
Aurkikuntza arkeologiko oso garrantzitsua Iruñean: Barbazan dorrearen barruan dagoen Kalonjeen atea
Iruñean, arkeologia aurkikuntza bat da albiste. Katedral ondoan dago eta Joseba Asiron alkateak eta urbanismo batzordeak bisitatu berri dute. Aurkikuntza ikusgarri eta garrantzitsuaz mintzatu da Iñaki Sagredo arkeologoa. Nahi izanez gero, bisita gidatua egiteko aukera dago.
Giza Eskubideen Behatokiak kereila bat bultzatu du 1974ko Asturiagako segadagatik
Behatokiak iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzengatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu-esplotazioa eta sexu-eraso saiakera bat egitea leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.