Hasiera mailakatua, musukoa denbora guztian eta irakasle gehiago ikasturte berrirako
Musukoa erabiltzea derrigorrezkoa izango da Lehen Hezkuntzako 1. mailatik aurrera (6 urte) Euskal Autonomia Erkidegoko ikastetxeetan, eta ikasturtea era mailakatuan hasiko da. Irailaren 7an hasiko dira eskolak Haur Hezkuntzan, Lehen Hezkuntzan eta Bigarren Hezkuntzako 1. eta 2. mailetan, eta 15ean, aldiz, DBHko 3. eta 4. mailetan eta Batxilergoan. Lan Heziketa irailaren 14tik aurrera hasiko da.
Gainera, zentro bakoitzak arduradun bat izango du, COVID-19arekin lotura dituen kontuak eramateko. Hezkuntza Sailak 1.000 irakasle kontratatzea aurreikusten du, laguntza behar duten zentroetarako.
Eusko Jaurlaritzak ikasturte berrira begira hartutako neurriak aurkeztu ditu Cristina Uriarte Hezkuntza sailburuak, EAEko Babes Zibileko Planaren Aholku Batzordearen (LABI) bileraren ostean.
Ikasturtearen hasiera
Azkenean, eskola egutegi berri bat onartu dute, ikasturtea era mailakatuan has dadin EAEn.
Ez da aldaketarik izango Haur Hezkuntzan, Lehen Hezkuntzan eta Bigarren Hezkuntzako 1. eta 2. mailetan. Irailaren 7an hasiko dute kurtsoa, ikastetxeek hasiera batean ezarri bezala.
DBHko 3. eta 4. mailak eta Batxilergoa irailaren 15ean hasiko dira.
Lanbide Heziketari dagokionez, data desberdinetan hasiko da irail osoan zehar, "tailerrak eta lantokietako praktikak antolatu beharra" dagoelako.
Musukoa denbora guztian
Hezkuntza eta Osasun sailek musukoaren erabilera "indartzea" erabaki dute. Derrigorrezkoa izango da Lehen Hezkuntzako 1. mailatik aurrera, 1,5 metroko segurtasun distantzia gorde arren. Haur Hezkuntzan ez da derrigorrezkoa izango.
Irakasleek beti erabili beharko dute.
Arduradun bana ikastetxe bakoitzean
Ikasketa zentro bakoitzean arduradun bat egongo da, COVID-19arekin zerikusia duten aferak kudeatzeko. Zentroko zuzendaritzarekin batera, Osasun Publikoarekin koordinatuta egingo du lan.
Gainera, ikastetxe bakoitzak erreferentziazko ESI (Erakunde Sanitario Integratua) bat izango du. Ikastetxea horrekin harremanetan jarri beharko da ikasle edo langileren batek positibo ematean. Ikastetxera ezin izango da inor joan sintomarik izanez gero.
Jarraipen Batzorde bat egongo da lurralde bakoitzean, eta astero bilduko da egoeraren bilakaeraren jarraipena egiteko eta neurriak hartzeko.
Kontratazio gehiago
Hezkuntza sailak "aparteko" 1.000 irakasle kontratatzea aurreikusi du, ikasle gehien dituzten ikasgeletako ikastetxeei laguntzeko.
Gainera, zentroetako beharren artean daude "segurtasuna eta higienea bermatzen duten materialak" eta "tresna teknologikoen errefortzua". Zentzu horretan, Eusko Jaurlaritzak 24.361 ekipo eramangarri erosi ditu, behar dituzten ikastetxeen eta familien esku jartzeko.
Higienea eta segurtasuna
Sailak higiene eta segurtasun materiala emango die zentroei, "hezkuntza-jarduera bermeekin garatu" ahal izateko. Gainera, garbiketa enpresekin hasieran aurreikusitako zerbitzua handitzea adostu du. Zentro guztiek garbiketako langileak izango dituzte goizeko ordutegian, komunen eta gainazalen garbiketa indartzeko.
Hezkuntzak hilero 500.000 musuko kirurgiko bidaliko dizkie zentroei. Horiez gain, ikasturte hasieran 800.000 musuko banatuko dituzte. Fisioterapeutak bezalako langile espezializatuentzat, beraien jarduerarako egokiak diren babes ekipamenduak banatuko dira.
Ikasturte berriarekin batera, termometro gehiago banatuko dira, eraikin bat baino gehiago duten edo ikasle gehiago dituzten ikastetxeei laguntzeko. Ekainean kontakturik gabeko termometro digital bana bidali zuten.
Gainera, Hezkuntzak 10.000 poto banatuko ditu irailaren lehen astean, eta 5.000 litro gel hidroalkoholiko hilero.
Aldaketak neurrietan
Espainiako Gobernuak eta autonomia erkidegoek 29 neurri eta 5 gomendio adostu eta hurrengo egunean aurkeztu du Eusko Jaurlaritzak protokoloa. Tartean, 6 urtetik aurrerakoek musukoa derrigorrez erabiltzea eta aurrez aurreko eskolak gutxienez DBHko 2. mailera arte ezartzea adostu zuten.
EAE abstenitu egin zen, Hezkuntza-arloko eskumena autonomia erkidegoarena dela eta Uriarteren saila bere plana prestatzen ari zela argudiatuta. Neurri batzuk berdinak izango zirela eta beste batzuetan aldaketak egongo zirela aurreratu zuen.
INFORMAZIOA OSATZEN ARI GARA
Zure interesekoa izan daiteke
15 urteko gazte batek sexu-erasoa salatu du Urduñan, Otxomaioetan
Ertzaintzako iturriek baieztatu dutenez, joan den asteburuan izandako zenbait gertaeren inguruko salaketa bat dago eta tartean adin txikikoak daude.
Lukas Agirreren amak "bidezko zigorra" eskatu du heriotzaren ardura leporatzen dioten bi akusaturentzat
Emozioari eutsi ezinda, Zuriñe Izkok "barruan duten indarkeria eta gorroto" horretatik aldentzea opatu die bi akusatu nagusiei.
Adingabeen suizidio-saiakerak % 22 handitu dira urteko batez beste azken hamarkadan
Pediatriako larrialdietako zerbitzuek ohartarazi dute haurren osasun mentaleko arazoek gorakada handia izan dutela, eta zenbait ospitaletan kasu horiek bikoiztu egin direla azken hamarkadan.
Lizarra ikastolako familiek D ereduko lau ikasgela mantentzea eskatu dute
Guraso talde batek kaleratutako manifestuaren arabera, aurrematrikulen kopuruak ahalbidetzen du datorren ikasturtean D ereduko lau ikasgela izatea HH3n: bina Lizarra ikastolan eta Remontival ikastetxe publikoan.
Abisu horia ezarriko dute euriteengatik, metro karratuko 60 litro arte pila daitezkeelako 24 orduan
Abisua gaur 21:00etan sartuko da indarrean, eta 24 orduz luzatuko da. Horrez gain, Eusko Jaurlaritzak bigarren abisua ezarriko du gauerako, itsasoa zakar ibiliko delako; izan ere, 3,5 metrorainoko olatuak altxatuko ditu.
Sare kriminal bat desegin dute Euskadin kriptodiruko inbertsio faltsuekin 400.000 eurotik gorako iruzurra egiteagatik
Sare sozialen bidez, biktimak bereganatzen zituen, eta kriptodiru-plataforma faltsuetan inbertitzeko konbentzitzen zituzten. Lau atxilotu daude, eta burua omen dena kartzelan sartu dute.
Auto ilarak izan dira N-1 errepidean, Beasain eta Arama artean, Gasteizerako noranzkoan izandako bi istripuren ondorioz
Lau autoren arteko istripua izan da aurrena, Beasasin eta Ordizia artean, eta autoak erretiratu badituzte ere, horrek eragindako auto-ilaretan txapa-istripu bat izan da, eta egoerak korapilatuta jarraitu du.
125 urte, Orion balearen kantua azkenengoz entzun zenetik
125 urte igaro dira euskal balearen azken alea harrapatu zenetik, Orion. Gaur egun, balea-arrantzaren azken pasarte hura mugarri sinboliko bihurtu da herriarentzat. Xabier Alberdi Itsas Museoaren zuzendari zientifikoak egun hartan gertatutakoa azaldu du, eta Euskal Herrian balea-arrantzuak izan zuen garrantzi historikoa azpimarratu du.
Ratioak jaistea eskatzen duen herri-ekimen legegilea iragarri dute Nafarroako eskola publikoaren aldeko plataformek
Nafarroako eskola publikoaren aldeko plataformen iritzian, ikasgeletan haur kopurua txikitzea ezinbestekoa da arreta hobetzeko, eskola porrota murrizteko eta aniztasunari arreta hobea ziurtatzeko. Hori dela eta, herri-ekimen legegilea aurkeztu nahi dute Nafarroako Foru Parlamentuan, ratioak jaisteko eskatuz. Hezkuntza komunitate osoari lankidetzarako deia egin diote. Hasteko, 7.000 sinadura behar dituzte ekimena ganberara eraman ahal izateko.
EAEk hamar aldiz handitu du gaitasun handiko ikasleen detekzioa azken bost urteotan
2019an 747 ikasle zeuden identifikatuta eta gaur egun 7.327 dira; igoera nabarmen hori eskola publiko zein itunpekoetan ezarritako detekzio goiztiarrerako ereduari esker lortu da.