Goranzko joera argia erakusten dute Osakidetzako ZIUko datuek
Denboran luzatzen eta mantentzen ari den etengabeko gorakada bizitzen ari gara pandemiaren bigarren olatu honetan. Hala erakusten du ZIUn COVID-19ak jota ospitaleratuta dauden pertsona kopuruaren bilakaerak, Osakidetzak EiTBri eskainitako datuen arabera. Datuok, gainera, oso arin egin dezakete okerrera.
Maiatza amaieran ia 200 pertsona zeuden ZIUn ospitaleratuta; egun, 33. Ez da pandemiaren lehen boladan izandako bezalako datua; halere, gorakada iraunkorra eta kezkagarria da. Izan ere, hazkunde hori oso nabarmena da uztailaz geroztik izandako datuei erreparatuta: uztailaren 20ko astean ez zegoen COVID-19a zuen gaixo bakar bat ere ez ZIUn; abuztuaren 28ko astean, berriz, 26.
Osakidetzak zabaldutako beste datu deigarrietako bat ZIUn ospitaleratutako gaixoen batezbesteko adina da. Apirilean ZIUn sartzen ziren pertsonen batezbesteko adina 64 urtekoa zen; abuztuan, berriz, 56 urtekoa. Hortaz, pandemiaren bigarren olde honetan pertsona gutxiago ospitaleratzen badituzte ere, gaixoen adinak behera egin du, hau da, gazteagoak dira.
Epe laburrean kolapso arriskurik gabe
Felix Zubia Donostia ospitaleko ZIUko medikuak Euskadi Irratian eskainitako elkarrizketan adierazi duenez, "ez dago osasun kolapsoa egoteko arriskurik", baina, ohartarazi du kutsatuen kopurua oso azkar egiten ari dela gora, batez ere bi arrazoiengatik: konfinamendua "modu okerrean egiten ari direlako edo zuzenean betetzen ez dutelako".
Beraz, oso garrantzitsutzat jo du PCR proben emaitzen zain gauden lehen istantetik etxean isolatzea, eta, noski, PCR horrek emaitza positiboa ematen duenean isolamendua zorrotz betetzea.
Albiste gehiago gizartea
Jose Mari Ustarroz eta Lekarozko 'Infernuko Gazta' Artzai Eguneko protagonista
4.950 euro ordaindu dituzte 44. Gazta Lehiaketako gazta irabazlearengatik. Euria ere izan den arren, Aralar Mendi Elkartea pozik agertu da aurreikuspen guztiak gaindituta, "txiki geratu" delako Uharte Arakil.
Bi txirrindulari ospitaleratu dituzte Nafarroan, pronostiko erreserbatuarekin, auto banak harrapatuta
58 eta 51 urteko bi gizonek kolpe larriak jasan dituzte eta Nafarroako Unibertsitate Ospitalera eraman dituzte bi zirkulazio-istripuren ondorioz, bata Eguesibarren gertatu da eta bestea Berriobeitin.
26.000 ikasle itzuliko dira eskolara astelehen honetan Ipar Euskal Herrian
Ikasleen %13k Seasko murgiltze ereduan ikasiko dute. Aurten, berrikuntza gisa, gaskoia erakutsiko diete Samatzeko ikasleei astean hiru orduz.
Cabrales gazta irabazlearengatik 37.000 euro ordaindu eta, ospatzen ari zela, lurrera erori zaio
Asturiasko Cabrales gazta batengatik 37.000 euro ordaindu dituzte, horrelako batengatik inoiz ordaindu den kopururik handiena. Lehiaketa Encarnacion Bada gaztagileak irabazi du, eta Ivan Suarez El Llagar de Colloto Oviedoko jatetxeko ostalariak erosi du.
Protestarako deia egin dute Yala Nafarroak eta BDZ Nafarroak, Israel taldea Vueltan aritzearen aurka
Vueltako hainbat etapatan antolatutako protesta ekintza baketsuekin bat egingo dute Yala Nafarroa plataformak eta BDZ Nafarroa mugimenduak. Izan ere, Vueltako pelotoia Nafarroan barrena ibiliko da datorren asteartean, Sendavivan hasi eta Larra-Belaguan amaituko den hamargarren etapan.
Bilboko Aireportuko suhiltzaileen kamioi bat Sondikako haur-parke batera erori da
Eusko Jaurlaritzako Segurtasun Sailak jakinarazi duenez, ezbeharra 06:20 aldera gertatu da, eta ez da inor zauritu. AENA enpresa publikoa istripuaren nondik norakoak aztertzen ari da, suhiltzaileak ere kudeatzen baititu.
212 urte, Ingelesek eta Portugaldarrek Donostia erre zutenetik
Urtero legez ekitaldi ugarirekin oroitu dute gertakaria. Goizean, esaterako, Donostiako Udalak lore eskaintza egin du Itxas atean goizeko elizkizunaren ostean, 1813 hartan hil ziren donostiarren omenez.
Suteen okerrena igaro da: Espainia alerta eta jarraipen fasera igaro da
Amaitutzat jotzen da Espainiako historia hurbilean baso-suteen gertakaririk tragiko eta suntsitzaileenaren faserik zailena: 300.000 hektarea baino gehiago erre dira, lau lagun hil dira eta 48 zauritu.
Palestinari elkartasuna adierazi diote Bilbon
Ongi Etorri Errefuxiatuak elkarteak bilkura egin du Bilbon. Palestinako herriari babesa adierazi diote bertan, eta haren aldeko aldarrikapenak egin dituzte.
Etxauriko gainean, Ziritzan, piztu den sutea kontrolpean dago
Haizeak sua bizitu duen arren, ez da arriskutsua izan inguruko etxebizitzentzat, nahiz eta Na-700 errepidea itxi behar izan duten bi noranzkoetan.