AP-8a itxi dute, Donostia parean, kamioi batek izandako matxuragatik

07:30ean kamioi batek matxura izan ondoren, AP-8 autobidea itxi behar izan dute, Donostia parean, Bilbora bidean, Trafiko Zuzendaritzak eitb.eus-i jakinarazi dionez.

Autobide horren 19. kilometroan izan da gertaera. Antza denez, kamioiari erregai-tanga puskatu zaio, eta gasolioz bete du errepidea.

Suhiltzaileak eta garabi bat ibilgailuak matxura izan duen tokira bertaratu dira, eta 07:50ean autobidea itxi dute. Horren aurrean, GI-20 errepidetik bideratu dute trafikoa.

Ondorioz, auto-ilara luzeak sortu dira.