Canovas, Vianako Printzea Saria: "Argazkilaritza bizitzeko modu bat da"
Carlos Canovas argazkilariak gaur jaso Vianako Printzea Saria eta, erabat hunkituta, emazteari eskaini dio, "bera nire aldamenean egoteak egin baitu posible ni hemen egon ahal izatea".
Maria Chivite Nafarroako Gobernuko presidenteak eman dio garaikurra, Erriberriko Frantziskotarren komentuan egin den ekitaldian. Foru Erkidegoko ereserkiarekin eman diote hasiera saioari, Nafarroako Orkestra Sinfonikoaren eskutik.
Foru Gobernuko hainbat ordezkarirekin batera, Canovasen gertukoak ere izan dira sari-emate ekitaldian, tartean, Juana Arlegui haren emaztea eta Javier Torrens Nafar Ateneoko presidentea. Hain zuzen, azken erakunde horrek proposatu zuen Canovasen hautagaitza.
Torrens arkitektoak hitza hartu duenean, argazkilariaren lana goratu du. "Argazkilaritzaren maisu dugu Canovas, argazkilarientzat eta zaleontzat eredu da eta biziki maite dugu, argazkilaritzaren artearen alderdi guztiak jorratu baititu", esan du.
Zure interesekoa izan daiteke
Ehunka lagun kalera atera dira Euskadin eta Nafarroan, etxebizitzaren negozioaren aurka
Etxebizitzaren aldeko protesta jendetsua egin dute Madrilen, eta greba orokorra prestatzen ari dira
Igandera arte luzatu dituzte euriteengatik EAEn gaurko ezarrita zeuden abisu horiak
12 lagun zauritu dira Errioxako taberna baten zati bat erorita, eta zortzi osasun zentroetara eraman dituzte
102 urteko emakume bat hil da eta 90 pertsona erreskatatu dituzte Albaceten, Madrigueras herrian izandako uholdeetan
Milaka pertsona kalera atera dira Madrilen, etxebizitza eskubidea aldarrikatzeko
Euriteek alerta egoeran izango dute Mediterraneoa asteburuan, hainbat abisu aktibo baitaude
Milaka pertsona kalera atera dira etxebizitza duina izateko eskubidea aldarrikatzera
Juntsen ezezkoak tentsioa areagotu du Solen, eta etxebizitzaren aldeko plataformek greba orokorra dute hizpide
