COVID-19aren biktimei omenaldia egin diete euskal erakundeek Gasteizen

COVID-19aren biktimak gogoratzeko eta familiei elkartasuna adierazteko omenaldia egin dute, Iñigo Urkullu buru dela, Gasteizen. Aurrerago omenaldi zabalagoa egin asmo du Eusko Jaurlaritzak.

AGENTZIAK | ERREDAKZIOA

2020/09/20 - 21:22

Azken eguneratzea

2020/09/21 - 15:45

Iñigo Urkullu lehendakariak gidatu du gaur Gasteize, COVID-19aren biktimen omenez egin den ekitaldi xumea. COVID-19aren biktimak gogoratzeko eta familiei elkartasuna adierazteko omenaldia 12:00etan hasi da, Gasteizko Sekuoiaren Parkean, musika pieza batekin.

Lehendakariaren hitzetan, "gogorra eta zaila" izango da susperraldi ekonomikoa, baita lan arlokoa ere, baina beharrezkotzat jo du emozioen alorrean eta bizikidetzan berreraikuntza. Horregatik, "guztion indarra, konpromisoa eta elkartasuna" eskatu ditu.

Eusko Jaurlaritzak antolatutako ekitaldia Arabako hiriburuan egin da, Sekuoiaren Parkean, aurrerantzean "Sempervirens Parkea" izango dena, 2.000 eta 3.000 urte artean bizi den zuhaitzari erreferentzia eginez. Pandemian hildakoen eta horien familiaren oroimenerako gune bilakatuko da. "1.800 hildakoak oroitu nahi ditugu, denak, banan-banan”, esan du.

Ekitaldian zehar, eta landatu berri duten sekuoiaren aurrean, lehendakariak esan du omenaldi honek "hildakoen familiek eta gertukoek bizi duten sufrimendua bizirik mantentzeko" balio izan duela, baina gaineratu du pandemiak irauten duen bitartean "konpromisoa eta elkartasuna" beharrezkoa direla.

Amaitzeko, gutako bakoitzaren barnera begiratu eta bizitakoa gogoratzeko gonbita egin du. "Oroimena eta tristura, batetik, etorkizuna eta itxaropena, bestetik," esan du. "Gaur hasten da udazkena, eta, gaurtik aurrera Gasteizko Udalari esker, hau "Sempervirens Parkea" izango da, oroimenaren eta itxaropenaren parkea" gaineratu du.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn uztailaren 16tik, eta Nafarroan, uztailaren 17tik. Iparraldean, "espazio publiko itxietan" derrigorrezkoa da uztailaren 20tik.

Zure interesekoa izan daiteke

Baso-suteei aurre egiteko larrialdi-faseko 1. egoera ezarri du Segurtasun Sailak

Eusko Jaurlaritzak arreta handiz jokatzeko eta suteak eragin ditzakeen edozein jarduera saihesteko eskatu die herritarrei, batez ere landa-eremuetan, basoetan edo landaredi lehorretik gertu.

Baso-sutea piztu da Aizkorri-Aratz natura parkean

Baso sutea piztu da Aizkorri-Aratz parkean. Dirudienez, ostiralean sortu zen sute txiki baten berpiztea da eta urrutitik da ikusgai.

Auto-ilarak BI-30 errepidean, Barakaldon, 8. kilometroan izandako istripu baten ondorioz

BI-30 errepidean, Barakaldo parean, izandako istripu baten ondorioz, auto-ilarak sortu dira Galdakaorako noranzkoan, errei bat itxi ostean.

Musikenek "arretaz" ikertuko du harpa irakasle batek ikasleei emandako tratua

Musikeneko Zuzendaritzak "kaltetua izan daitekeen edonori" jakinarazi dio "zentroaren arreta osoa" izango duela, eta, horretarako, ikastetxeak "eskura dituen bideen bidez harremanetan jartzeko" eskatu du.

San Joan surik piztuko ez den herrien zerrenda

Nafarroako Gobernuak San Joan surik ez egiteko gomendatu du. Eusko Jaurlaritzak ez du gomendio orokorrik eman eta herri bakoitza bere erabakiak hartzen ari da. Hala, Iruñean, Barakaldon, Urretxun, Zumarragan, Sopelan, Berangon, Gernikan eta Muxikan, besteak beste, ez da surik piztuko.

EHUko errektoreak ohartarazi duenez, kalifikazioak "ezin dira presio sozial, politiko edo mediatikoagatik zehaztu"

Joxerramon Bengoetxea EHUko errektoreak adierazi du kalifikazioak ezin direla zehaztu "presio sozial, politiko edo mediatikoagatik". Horrekin batera, USaPeko euskara azterketetan izandako zenbait notek eragindako polemikaren harira, esan du ikasleen eskubideak defendatzeak "ebaluazio-sistemaren inpendendentzia defendatzea" dakarrela.

Pedrosa sailburuak jakinarazi duenez, USaPeko euskara azterketan zeroen % 47 ebaluatzaile berak jarri zituen

Azterketa horretan jarritako 168 zeroetatik 108, 11. eta 12. epaimahaiek zuzendutako azterketei dagozkie; guztien % 64,3.

18:00 - 20:00

Berrikuspenaren ondoren, euskara azterketako zeroak murriztu egin dira, baina "igoera esanguratsurik gabe" kasu gehienetan

Unibertsitatera sartzeko proben behin betiko kalifikazioak argitaratu dituzte eta EHUko errektoreak balorazioa egin du: ebaluazio- eta berrikuspen-sistemaren alde egin du.

Haur-eskolak 13:00etan itxiko dira gaurtik aurrera, muturreko beroagatik

Haurreskolen Partzuergoak bere eskolak ohi baino goizago ixtea aurreratzea erabaki du, tenperatura altuak direla eta. Neurria datozen egunetan egongo da indarrean, kontrakoa erabaki arte.

Bi pertsona atxilotu dituzte Plentziako hondartzan, lapurretetan ari zirela eta udaltzainei erasotzeagatik

Halaber, Ertzaintza bi adingabe ikertzen ari da, igande honetan Plentziako hondartzan izandako gertakarietan parte hartu zutelakoan, hainbat lapurretarekin lotutako polizia-operazio batean.