447 kasu berrirekin eta %5eko positibitate tasarekin amaitu da astea EAEn
Eusko Jaurlaritzako Segurtasun Departamentuak jakitera eman duenez, 447 positibo berri atzeman zituzten atzo Euskal Autonomia Erkidegoan.
Guztira, 9.357 PCR proba egin dituzte azken 24 orduetan. Positibitate indizea %4,8eko izan da, OMEk gomendatzen duen %5a baino zerbait gutxiago eta bezperako %6koa baino baxuagoa.
Lurraldeka, 68 positibo atzeman dituzte Araban, 227 Bizkaian, 149 Gipuzkoan eta 3 kasu EAEtik kanpo bizi diren pertsonengan.
Ospitaleetako egoerari dagokionez, 25 pertsona ospitaleratuta behar izan zituzten atzo (bezperan 43) eta gaur egun 53 daude ZIUn (bezperan baino 4 gehiago).
Udalerriei buruzko informazioa eta RO indizea bihar, astelehena, berrituko dute.
187 kasu berri, bi hildako eta 10 ospitaleratu
Nafarroan 2.319 PCR proba egin ziren atzo eta 187 kasu berri atzeman zituzten. Hala, hainbat egunez positibitate tasa %10etik gora egon ondoren, %8,06ra jaitsi zen atzo.
90 eta 97 urteko bi emakume hil ziren, bestalde, eta 10 pertsona ospitaleratu zituzten, horietako bat ZIUn. Une honetan 206 pertsona daude orotara, ospitaleratuta, Nafarroan, COVID-19arekin, horietako 27 Zaintza Berezietan.
Ikuspegi geografikotik, Iruñean eta inguruan atzeman zituzten positibo berrien % 57, Tutera inguruan %14 eta Lizarraldean %6.
Adinari dagokionez, 15etik 29rakoak izan ziren gehienak (%26); 45etik 59ra hurrengoak (%23) eta 30etik 44era ondorengoak (21%). 14 urtetik beherakoak positibo berriak %12 izan ziren, 60tik 75 urtera artekoak %9 eta 75etik gorakoak ere %9.
Batez beste, 39,7 urtean dago kutsatu berrien adina. %44 gizonezkoak dira eta %56 emakumezkoak.
Bestalde, Nafarroako Gobernuak familiei gogorarazi die euren seme-alabak "kontaktu estutzat" hartzen direnean, koarentena bete behar duela. Kasu horretan SMS bat jasoko dutela jakinarazi diete, PCRrako eguna, tokia eta ordua jakinaraziz eta ez dutela eurek erreferentziazko euren zentroarekin harremanetan jarri beharrik.
Zure interesekoa izan daiteke
ELA, LAB eta Steilas kalera aterako dira Bilbon euskararen eskakizunaren alde
Mobilizatzea erabaki dute "euskaraz lan egiteko eta bizitzeko eskubidearen aurkako ofentsiba judizial, politiko eta sindikalaren aurrean".
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.