Bilboko eskola batek etxera bidaliko ditu COVID arauak betetzen ez dituzten ikasleak
Bilboko eskola alemaniarrak COVIDari aurre egiteko ezarri dituen arauak errespetatzen ez dituzten ikasleak bi egunerako etxera bidaliko ditu, diziplina eta pandemiarekiko kontzientziazioa landu asmoz.
Hala jakinarazi die Deutsche Schule Bilbaok gurasoei bidalitako barne ohar batean, "ikaslegoaren zati batek" ez dituela arauak betetzen ikusi eta gero. Barne komunikazio ohar bat dela baieztatu dio eskolak eitb.eus-i.
"Zuen seme-alabekin hitz egiteko eskatzen dizuegu, 2020.09.17tik aurrera arauak betetzen ez dituen ikaslea koarentena gelara eramango baitugu eta ordubete izango baituzue bere bila etortzeko. Eskola utzi aurretik, zuek aurrean zaudetela, zuzendaritzako kide batekin solasaldia izango du".
Arau-haustea egiten duen ikaslea bi egunerako bidaliko dute etxera: "egun hori eta hurrengoa", eta denbora horretan "ez du ikastetxetik ez eskolarik ezta etxeko lanik ere jasoko. Ikasleak arduratu beharko du eskolan eman dena jakiteaz".
Zirkularra gurasoei eskerrak emanez amaitzen da, "ulertuko duzuelakoan".
DSBilbao eskolako oharraren irudia bolo-bolo zabaldu da Twitterren, eta dozenaka mezu sortu ditu, ia guztiak ikastetxearen jarrera goraipatuz. Erabiltzaileren batek idatzi duenez, Iruñeko eskola batetik ere antzeko mezu bat bidali zuten aurreko astean.
2020-2021 ikasturtea hasi eta bi astera hartu dute erabaki hau ikastetxean; COVID-19a dela eta, EAEko 111 eskolatako 172 ikasgela isolatuta dauden garaian.
Azken 24 orduetan 598 kasu berri atzeman dituzte Euskal Autonomia Erkidegoan, horietatik 266 Bizkaian.
Zure interesekoa izan daiteke
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.
Igorreko Udalak loteriaren saria kobratu ez dutenen arazoa "lehenbailehen" konpontzea espero du
Gabonetako Loterian saria egokitu eta kobratu ezinik geratu diren ehundik gora lagunen salaketak jaso ditu jada Ertzaintzak. Igorreko errugbi taldeak iruzurra egin duen argitzeko ikerketa martxan da.