Alarma-egoeran ezarritako isunen inguruko lehen epaiek prozedura bermatu dute
Alarma-egoeraren baitan ezarritako isunen inguruko epaiketak abian dira Nafarroan. Epaileek banaka aztertuko dituzte kasu guztiak, isuna jaso duten herritarrek aurkezten dituzten arrazoiak aintzat harturik. Esaterako, aztergai dituzten epaietako bat hizpide harturik, etxetik kilometro bat baino urrutiago txakurra paseatzen zegoen gizon bati jarritako oisuna baliogabetu egin du epaileak, gizonak aurkeztutako helegitea balioetsiz. Beste epai batean, berriz, epaileak mantendu egin du arrazoirik gabe paseatzen zegoen gizon bati jarritako isuna.
Herritarren Segurtasunaren babesari buruzko martxoaren 30eko 4/2015 Lege Organikoan oinarrituko dira epaileak, prozedura zigortzaileak bermatuz.
Epaileen hitzetan, alarma-egoeran ezarritako Lege Dekretuaren aurka jardutea, "autoritatearen aurkako desobedientzia" gisa epaituko da.
Martxoaren 28an, Iruñeko Udaltzaingoak txakurra paseatzen zegoen gizon bati jarritako isunaren harira, helegitea balioetsi egin du epaileak, izan ere, Udalak berak ezin izan du egiaztatu gizon hori bere etxetik kilometro bat baino urrutiago zegoela; probek 850 metrotara zegoela baitiote.
Beraz, distantzia egiaztatzen duen probarik ez dagoenez eta debekuaren zehaztasun faltaren ondorioz, epaileak balioetsi egin du gizonaren helegitea.
Gauzak horrela, isuna baliogabetu egin du eta gizonak ordaindutako 300,50 euroak itzultzea agindu du. Gainera, epaiketaren gastuen ordainketa Iruñeko Udalari egotzi dio.
Inolako egiaztagiririk gabeko mugikortasunaren malgutasuna
Epaitegi Kontentzioso-administratiboko epailegiak Nafarroako Gobernuko delegazioaren alde egin du, martxoaren 18an, Udaltzaingoak Berriozarren jarritako salaketari dagokionez.
Goizeko 11.40ak aldera, agenteek salaketa jarri zioten 'La Chopera'ko bidean paseatzen zegoen gizon bati, eta honek, diabetikoa dela eta medikuak egunero ibili behar duela agindu ziola argudiatu zuen.
Epaileak, ordea, Lege Dekretuan halakorik jasotzen ez dela ziurtatu eta gizonak helegiterik aurkeztu ez zuela ikusita, isuna bere horretan mantentzea erabaki du. Gizonak ezin izan du inola ere egiaztatu medikuak tankera honetako baimenik eman zionik.
Zure interesekoa izan daiteke
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.