Alerta laranja euskal kostaldean eta abisu horiak euriagatik eta haizeagatik
Eusko Jaurlaritzako Segurtasun Sailak alerta laranja ezarri du ostiral eta larunbat honetarako nabigaziorako arriskuagatik. Horrez gain, bi abisu hori ezarriko ditu, euriagatik eta haize-ufada indartsuengatik, udazkeneko bigarren denboralea eragingo duen depresio bat Euskal Autonomia Erkidegotik (EAE) gertu baitago.
Euskalmet Euskal Meteorologia Agentziak jakitera eman duenez, Alex izena jarri dioten depresioak "neguan edo udazken bukaeran ohikoagoak diren tenperaturak" ekarriko ditu. Ildo horretatik, haize-ufada indartsuak eragingo ditu, eta toki askotan nabarmen jaitsiko dira termometroak.
Tenperatura maximoak 12-16 ºC artean kokatuko dira, eta baliteke ostiral honetan bertan elurra ikustea, lehen aldiz udazken honetan, 1.400 edo 1.500 metroko alueran.
Segurtasun Sailak nabigaziorako itsasaldeko arriskuagatik ezarri du alerta laranja, kostaldeko lehen bi milietan. Zehazki, ostiral honetako 21:00etatik larunbateko 24:00etara egongo da indarrean. Gainera, denboraleak marea biziekin bat egiten duenez, Euskadi abisu horian egongo da ostiraleko 17:00etatik larunbateko gauerdira arte, kostaldeko inpaktuagatik, 5-7 metro inguruko olatuak espero baitira.
Horrez gain, ostiraleko 12:00etatik larunbateko 12:00etara beste abisu bat ezarri du Segurtasun Sailak Kantauri isurialdean, batez ere kostaldean, prezipitazio iraunkorrengatik. Izan ere, metro koadroko 50 eta 60 litro artean pilatuko dira 24 ordutan. Zaparrada ugari eta noizbehinka trumoitsuak espero dira, eta baliteke ostiral gauean are nabarmenagoak izatea.
Ostiral gauean, gainera, beste abisu bat ezarriko dute haizeagatik, eta larunbat eguerdira arte egongo da indarrean. Mendebaldeko haize-ufadek orduko 100 kilometroko abiadura gaindi dezakete haizeguneetan, eta orduko 80 kilometrokoa haizeguneetatik kanpo.
Segurtasun Sailak ohartarazi duenez, "Depresioak azken ibilbidean izango duen ziurgabetasuna dela eta, baliteke aurreikusitako abisu horietako batzuk alerta laranjetara aldatzea ordu-tarte jakin batzuetan".
Albiste gehiago gizartea
Pertsona bat zauritu da Arrasateko etxebizitza eraikin batean izandako sute batean
Sua 23:30ak aldera piztu da San Josepe kaleko etxebizitza eraikin baten beheko aldean. Lehen unean, lau atari jendez hustu behar izan dituzte, baina hiru ataritako bizilagunak etxera itzuli ahal izan dira gauean zehar.
Pasaporteekin izandako arazoa konponduta, Saharako haurrak datorren astean iritsiko dira Euskal Herrira
Saharatik uda igarotzera etortzen diren haurrak aste honetan ziren iristekoak Euskal Herrira. Baina pasaporteekin izandako arazoen ondorioz, ezin izan dute hegazkinik hartu.
San Ferminetan legez kanpo saltzeko abanikoak, txanoak eta arropa atzeman dituzte aireportuan
Mila artikulu baino gehiago konfiskatu dituzte Noaingo aireportuan, tartean 500 abaniko eta 500 txano, ustez sanferminetan legez kanpo saltzeko.
Heldu zure paketea: erosketak itsu-itsuan egiteko eroaldia Bilbora iritsi da
Pakete misteriotsuen fenomeno europarra uztailaren 7tik 14ra helduko da Zubiarte merkataritza gunera. Esperientzia paregabea da, benetako ustekabeak lortzeko. Intuizioa eta zortea dira horretarko gakoak.
Motor-gidari bat zauritu da Muxikan, auto batekin talka egin eta ibaira erorita
Istripua 19:50ean gertatu da, motor batek auto baten aurka talka egin du N-635 errepidean, Muxikan, Gernikarako noranzkoan. Kolpearen ondorioz, motor-gidaria Mundaka ibaira erori da, Ariatza auzoaren parean.
Donostiako suhiltzaileen buruak dimisioa eman du, Fermin Muguruzaren kontzertuan semea sarrerarik gabe sartzeagatik
Donostiako suhiltzaileen zerbitzua bururik gabe geratu da oraingoz, Fermin Muguruzaren kontzertuan izandako jokabide txarragatik. Ander Gomezek dimisioa eman behar izan du Anoetako kontzertuan suhiltzailez jantzitako semea sarreratik gabe sartzeagatik.
Joxe Azurmendik euskal pentsamenduari egindako ekarpena azpimarratu dute Agirrebaltzategik eta Zulaikak
Filosofoa, saiogilea eta hainbat belaunaldirentzako erreferente intelektuala, Joxe Azurmendiren lanak Euskadiko pentsamendu kritikoa markatu du mende erdi baino gehiagoan. Azurmendik sekulako ondarea utzi du euskaran, ideietan... eta herria ulertzeko moduan.
Ehunka jarraitzailek omenaldia egin diote Diogo Jotari Liverpoolen, futbolari portugaldarra istripu batean hil ostean
Futbolari portugaldarra gaur goizaldean hil da, bere anaiarekin batera Espainian izandako auto-istripu batean. Hillsborogheko tragediaren biktimen oroimenez eraikitako memorialaren aurrean, Liverpooleko eta Evertoneko jarraitzaileek eta futbolzaleek aldare bat osatu dute, lore, bandera, bufanda eta kamisetekin.
Hernaniko Udalak zortzi gertakari arrazista eta eraso sexista bat antzeman ditu San Joan jaietan
Udalak azaldu du gertakari horiek gizartean gertatzen ari diren jarreren isla direla, eta aurreratu du herritarren kezkei erantzuteko eta bizikidetza sustatzeko neurriak eta espazioak jarriko direla martxan.
Iruñea sanferminetarako prest, pertsonako eta eguneko 125 eta 250 euro bitartean alokatzen diren balkoiekin
Entzierroak balkoi batetik ikustea negozio bihurtu den aukera bat da. Modan dago eta gero eta gehiago eskatzen dira. Hiriko eta inguruetako ostatuak ere datozen egunetan milaka pertsona hartzeko prestatzen ari dira.