Mario Iceta Burgosko artzapezpiku izango da, Bilboko Gotzaindegia utzita
Mario Iceta orain arte Bilboko gotzain izandakoak iragarri du Gotzaindegia utzi eta Burgosko artzapezpiku izango dela aurrerantzean, Euskadi Irratiak jakin ahal izan duenez. Aita santuak erabaki hori hartu ostean, astearte honetan eman dute ofizialki aldaketaren berri Vatikanoak eta Bilboko eta Burgosko gotzainek.
Fidel Herraez Vegasek 75 urte bete zituen egunean bertan, 2019ko uztailaren 28an, jakinarazi zion Frantzisko aita santuari Artzapezpikutza utziko zuela, eta urtebete geroago onartu dute haren eskaera.
Espainiar estatuko Elizan 20 apezpiku berri izendatu edo aldatuko dituzte datozen hilabeteotan, baina oraingoz Mario Icetarena da euskal Elizarako aita santuak sinatu duen aldaketa bakarra. Haren ordezkoa nor izango den, baina, ez dute oraindik argitu.
1965eko martxoaren 21ean jaio zen Iceta, Gernikan. Medikuntzan eta Kirurgian lizentziatu zen Nafarroako unibertsitatean, eta 1995ean Doktoretza lortu zuen bioetikari eta medikuntza etikoari buruzko tesi batekin. Geroago, Teologia Fakultatean filosofia eta teologia ikasketak egin zituen.
1999an, Teologia Moralean lizentziatu zen, Arabako gotzain izendatu baino bederatzi urte lehenago. Bilbora, baina, ez zen 2010eko abuztuaren 24ra arte iritsi. Hain zuzen ere, orduan hartu zuen gotzain kargua Bizkaiko hiriburuan.
Zure interesekoa izan daiteke
Bizkaiko bizilagun bat hil da eta zazpi senide zauritu, Biescasen izandako istripu batean
Istripua 14:15ak aldera gertatu da, N-260a errepidean. Familiako batzuk zihoazen auto batek aurrez aurre jo du kontrako noranzkoan zihoan beste batekin, eta atzetik zihoazen beste familiako kide batzuen autoak lehenengoaren aurka talka egin du.
Horrela grabatu dute segurtasun kamerek Arabako lurrikara
Arabako errepideetako segurtasun kamerek grabatu dute bart gaueko lurrikararen unea. Lurrikara laburra izan den arren, bibrazioa ikus daiteke horietako batzuetan.
Gizon bat atxilotu dute Gernikan, bikotekide ohia jipoitu, aizkora batekin mehatxatu eta ordu luzez atxikitzeagatik
50 urteko gizonak urruntze agindua zuen indarrean, pertsona beraren aurkako tratu txarren beste kasu batengatik. Erasotzailea espetxeratzeko agindua eman du udalerriko Guardiako Epaitegiak.
Miguel Angel Montes, Iruña Okako alkatea: "Ez da kalte pertsonalik ezta materialik izan, dena kontrolpean dago"
Gauerdia pasata, Iruña Okan epizentroa duen 4 graduko lurrikara batek Araba astindu du. Miguel Angel Montes alkateak berak adierazi duenez, ez da inolako kalterik izan herrian. Gainera, alkateak lasaitasuna helarazi du, Eusko Jaurlaritzako eta Arabako Foru Aldundiko adituen txostenak eta ondorioak jasotzeko zain.
Gutxienez lau pertsona hil dira Tenerife hegoaldean, itsas kolpe baten ondorioz
Gainera, desagertuta jarraitzen du oraindik pertsona batek, eta bilaketa lanek aurrera jarraitzen dute.
Sokonuskoa, kakao mexikarretik eta gozogile bilbotarren eskutik jaiotako turroia
Bizkaiko gozotegiak galtzak bete lan dabiltza Gabonetako gozokirik esanguratsuenetako bat prestatzen: sokonuskoa, 300 urte baino gehiagoko historia duen Bilbon egindako turroia. Mexikoko Santa Ana de Soconusco herritik datorkio izena, XVII. mendean bilbotar batek kalitate bikaineko kakaoa aurkitu zuenean.
Jaurlaritzak ohi baino bentzeno-maila altuagoa antzeman du Muskizen, baina esan du osasunerako "segurutzat" jotzen diren mailak direla
Joan den ostiralean, Petronorrek jakinarazi zuen isuria izan zuela Bizkaiko findegiko gasolina-depositu batean, eta berehala ezarri zituzten beharrezko kontrol-neurriak.
Pertsona bat hil da AP-15 autobidean, Castejonen izandako istripu batean
Azken 15 urteetako hildako kopururik handiena utzi du urteak Nafarroan, eta oraindik ez da amaitu. Jada 45 dira aurtengo hildakoak.
Antonio Aretxabala: "Euskadiko historiako lurrikararik handiena izan da"
Iruña Okan epizentroa duen 4 graduko lurrikara batek Araba astindu du astelehen honetan, abenduaren 8an. Radio Euskadin egindako elkarrizketa batean, Antonio Aretxabaleta geologo eta dibulgatzaile zientifikoak adierazi duenez, mugimendu sismikoa Euskadiko historiako handiena izan da. Gainera, lurrikarak agerian utzi du Araban orain arte ezezaguna zen faila bat dagoela. Zientzialariak nabarmendu duenez, ziur aski 1 eta 2 km arteko luzera izango du. Hala ere, oraindik atea irekita utzi behar zaio etorkizuneko ikerketei.
Etxerik gabeko 1.500 lagunek baino gehiagok egiten dute lo egunero kalean Euskadin, 2022an baino bi aldiz gehiagok
Horietako 10etik 7 hiru hiriburuetan bizi dira. Gainera, beste 2.700 etxegabe daude, baina gaueko harrera-zentroetan edo aterpetxeetan lo egiten dute. Gehienak gizonezkoak dira, eta atzerritarrak 10etik 8tan. Erdiak dio dirua edo ondasunak lapurtu dizkiotela, 10etik 4k irainak edo mehatxuak jasan dituela, eta 10etik 3k fisikoki eraso egin dietela.