Ez da egia 5G sareak eta 60 GHz-eko bandak birika-kolapsorik eragiten dutela
Gezurra da telefonia mugikorreko teknologien bosgarren belaunaldiak (5G) eta 60 GHz-eko bandak "arnas shocka edo garuneko hipoxia" eragiten dutela. Sare sozialetan zabaldutako zenbait mezuk odoleko oxigeno-fluxuan eragin kaltegarriak dituztela salatu dute.
Azken egunotan, Twitter eta Facebook sare sozialetan zabaldu diren mezuen arabera, 5G sarea "oxigenoa xurgatzen duen frekuentzia da", eta "60 GHz-eko bandak, berriz, hemoglobinari modu kaltegarrian eragiten dio eta odoleko ohiko oxigeno-fluxua hausten du".
Adierazpen horiek babesteko, egileek adierazi dute Espainiako Gobernuak "aitortu" egiten duela 2018ko ekainaren 13ko Estatuko Aldizkari Ofizialean (BOE) argitaratutako argitalpen batean, eta bertan adierazten denez, "oxigenoaren xurgapen handiaren ondorioz, banda horretan frekuentziak planifikatzeko baldintzak murriztu egiten dira".
"Gezur hutsa"
Francisco Vargas Osasun eta Irrati-frekuentzien Aholkuklari Batzorde Zientifikoko zuzendari zientifikoak adierazi duenez, "gezur hutsa da eta ez du inolako oinarri zientifikorik uhin elektromagnetikoek odoleko oxigenoa xurgatzen dutela esatea".
"Oxigenoaren xurgapen handia" dagoela dioen Espainiako Aldizkari Ofizialaren argitalpenari buruz azaldu du deskribapen hori uhin elektromagnetikoen igorpenaren "kalitatean eragina" izan dezaketen "interferentzietan" koka daitekeela. Beraz, komunikazioaren egonkortasuna baldintzatzen duen faktore bat da, ez teknologia horren erabileraren ondorio.
Vargasen ustez, mezu horiek zabaltzen dituztenek espektro elektromagnetikoa ezagutzen ez dutelako sortu da nahasmen hori, eta, ondorioz, frekuentzia guztiak orokortu eta "zaku berean sartu" behar izaten dituzte, "oso kaltegarria" dela justifikatzeko.
Epidemiologoak azpimarratu duenez, 5G teknologia ezaguna da, eta, orain arte egin den moduan, eta zientziak beti eskatzen duen arreta jarriz, ez da ezagutzen "inolako eraginik pertsonen osasunean". "5G garatu eta zabaltzean izango ditugun esposizio-mugak orain ditugun berberak izango dira", gaineratu du.
OMErentzat arrisku ezagunik ez
Osasunaren Mundu Erakundeak (OME) ere ez du arriskurik antzeman 5G teknologiaren erabileran, aurtengo otsailaren 27ko dokumentu batean azaldu duenaren arabera. "Orain arte, eta ikerketa asko egin ondoren, hari gabeko teknologiak ez du osasunean inolako ondorio kaltegarririk", adierazi du OMEk.
5G sareen hedapena COVID-19aren hedapenarekin lotzen duten albiste faltsu ugari daude, edo Europar Batasunari teknologia horrek osasunean dituen ondorio kaltegarriak baieztatzea egozten diotenak.
Salaketa horiek ez dute inolako funtsik. Alde batetik, 5G uhinek ezin dute birus batekin elkar eraginik izan. Bestetik, Europar Batasunak finkaturiko gehienezko esposizio maila osasunerako kaltegarria izan daitekeen zifra baino 50 aldiz txikiagoa da. Are gehiago, Europar Batasunak desinformazio horren aurka ohartarazi du.
Vargasek ondorioztatu duenez, ez dago alarmarako arrazoirik, ezta hau zerbait berria dela pentsatzeko ere, eta irrati seinaleak edota etxeetara Lurreko Telebista Digitala helarazten duen seinaleak bezalakoa dela azaldu du.
Zure interesekoa izan daiteke
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.
Ekainek eta bere familiak uste dute "oso eskasa" dela erasotzaileei ezarritako bi urteko espetxe-zigorra
Silvia Gomezek, 2021eko ekainaren 6ko goizaldean Basaurin eraso bortitza jasan zuen Ekain Perrinoren amak, uste du erasotzaileen aurkako epaia "ez dela nahikoa", eta ez dute baztertzen helegitea aurkeztea. Justiziak bi urteko kartzela-zigorra ezarri die 11 akusatuetako 10i.
Poliziak lehergailurik ez zuen maleta bat detonatu du Nafarroako Justizia Jauregian
Eztanda egitean, ikusi dute ez zela objektu arriskutsua, eta normaltasuna berreskuratu da inguruan. Ez dakite nola iritsi den objektua bertara.
Petrolio-konpainiek egunean 81 milioi euro gehiago irabazten dituzte Europar Batasunean gerra hasi zenetik, Greenpeaceren arabera
GKEak eskatu du konpainia horien aparteko irabazien gainean zergak ezartzeko, trantsizio energetikoa finantzatzeko eta kutsatzaile handiak zergapetzeko.
Ekain Perrinoren erasotzaile ia guztiei 2 urteko kartzela zigorra ezarri diete, gorroto-delituagatik
Eraso homofoboaren hamaika egileetatik hamarri 2 urteko espetxe-zigorra ezarri diete, eta hamaikagarrenari, 14 hilabetekoa. Denei 500 metroko urruntze agindua eta isunak ere ezarri dizkiete. Ekain Perrinori eraso bortitza egin zioten, 2021eko ekainean, Basaurin.
Lehengai gisa pipa-azalak erabiliz, bateria kargagarriak lortu dituzte EHUko ikertzaileek
Unibertsitateak jakinarazi duenez, ikerketak egiaztatu du biomasako materialekin egindako bateriek energia nahikoa biltegiratzeaz gain, karga eta deskargako 1.000 ziklo egin ditzakete. Aurkikuntzak aukera ekologikoagoak eskaintzen ditu "garestiagoak eta kutsagarriagoak" diren bateria tradizionalen aurrean.