Lau alerta maila ezartzea adostu dute Espainiako Gobernuak eta erkidego autonomoek
Koronabirusaren pandemiaren aurrean "erantzun bateratua" emateko asmoz, Espainiako Gobernuak eta erkidego autonomoetako agintariek lau alerta maila ezartzea adostu dute, Salvador Illa Osasun ministroak arratsalde honetan jakinarazi duenez.
Lurralde bat maila batean edo bestean kokatzeko irizpideak eta adierazleak ere adostu dituzte. Erabaki honen helburua erkidego guztiak koordinatuta aritzea dela adierazi dute. Edonola ere, erkidego bakoitzak beste hainbat neurri gehigarri hartzeko eskumena dauka.
Etxeratze-agindua ezartzeko aukerari buruz, baina, ez dute erabakirik hartu eta hurrengo bileran berriro aztertuko dute gaia.
Plan horren baitan, egoera larrian dauden lurraldeetan, besteak beste, funtsezkoak ez diren zerbitzuak –tabernak eta dendak, esaterako- beranduenez 23:00etan ixtea eta herritarrei etxetik ez ateratzeko gomendatzea adostu dute.
Osasun agintarien arabera, kutsatze gehienak familia eta lagun giroan ematen dira eta, ondorioz, harreman sozialak mugatzea "neurri eraginkorra" dela ebatzi dute, batez ere eremu itxietan.
Ildo berean, eraginkortzat jotzen dute "bizikidetza talde iraunkorretan burbuila sozialak" egitea edo etxetik derrigorrezkoa denean soilik ateratzea.
Horrez gain, ahal den heinean, jarduerak aire zabalean egitea gomendatzen dute, baita aireztapen egokia eta prebentzio eta garbiketa neurriak bermatzen ez dituzten establezimenduak ixtea edo edukiera murriztea ere.
Edonola ere, erkidegoetako gobernuek erabakiko dute zein neurri eta noiz ezarri, aurrez Osasun Ministerioari jakinarazpena bidali beharko badiote ere.
Dokumentua planteatzeko "moduak" ez zaizkio gustatu Jaurlaritzari
Onartutako dokumentua bilerara eramateko "moduak" ez zaizkiolako gustatu, Euskadi bozketan abstenitu dela adierazi du Gotzone Sagardui Osasun sailburuak; izan ere, "azken orduan" aldaketak egin dituzte, eta ez dute behin betiko erredakzioa oraindik ikusi.
"Dokumentua bilerara eramateko planteamenduarekin ados ez gaudela azaldu dugu, behin betiko erredakzioa ezagutu gabe, goizean bertan Osasun Publikoko Batzordeak landu duelako, eta zenbait aldaketa egin dituzte, baina ez genuen testua esku artean, gaurko bileran onartzeko", erantsi du.
"Nolanahi ere, ez dugu agiria errefusatu. Planteamendua egiteko moduengatik abstenitu gara", zehaztu du sailburuak.
Albiste gehiago gizartea
Aurkikuntza arkeologiko oso garrantzitsua Iruñean: Barbazan dorrearen barruan dagoen Kalonjeen atea
Iruñean, arkeologia aurkikuntza bat da albiste. Katedral ondoan dago eta Joseba Asiron alkateak eta urbanismo batzordeak bisitatu berri dute. Aurkikuntza ikusgarri eta garrantzitsuaz mintzatu da Iñaki Sagredo arkeologoa. Nahi izanez gero, bisita gidatua egiteko aukera dago.
Giza Eskubideen Behatokiak kereila bat bultzatu du 1974ko Asturiagako segadagatik
Iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzagatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu-esplotazioa eta sexu-eraso saiakera bat egitea leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtekoetara zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira talde biolentoetako kideak, Ertzaintzaren uruaren arabera
"Elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi zitzaizkien, eta azkenean liskarra gertatu zen. Ertzaintzaren buruak adierazi du atxilotuek ez dutela banda edo talde biolentoekin loturarik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.