Etxeratze-agindua ezartzeko aukera aztertzen ari da Espainiako Gobernua
Salvador Illa Osasun ministroak iragarri du Espainiako Gobernua prest dagoela erkidego autonomoekin batera etxeratze-agindua ezartzeko aukera aztertzeko. Halaber, kutsatzeen gorakada eteteko eta pandemia gainditzeko, mugikortasuna eta harreman sozialak murrizteko deia egin die herritarrei.
Gobernu bileraren ostean egindako agerraldian, Illak onartu du etxeratze-agindua aplikatzeko aukera mahai gainean dagoela, baina zehaztu du neurri hori indarrean jarri ahal izateko, aurrez alarma-egoera ezarri beharko litzatekeela Espainian edo erkidegoren batean.
Edonola ere, argi utzi nahi izan du ez dutela inolako erabakirik hartu, ezta balizko etxeratze-aginduaren ordutegia zein izan beharko litzatekeen aztertu ere.
Horrez gain, neurri hori ezartzeko erabakia hartu aurretik talde parlamentarioen iritzia jakin nahi dutela esan du; izan ere, Espainiako Gobernuak aldebakarrez aplikatu ahal du alarma-egoera 15 egunez, baina hortik aurrera neurria luzatu nahiko balu, Kongresuko alderdien babesa beharko luke.
Halaber, etxeratze-agindua eta alarma-egoera non ezarri beharko litzatekeen ere eztabaidatu eta adostu beharko luketela adierazi du.
BIDEOA: Zer da etxeratze-agindua? Juanjo Alvarez EHUko katedradunak zehaztasun guztiak eman dizkigu
Amaitzeko, Illak azpimarratu du gainerako herrialdeetan koronabirusari aurre egiteko hartzen dituzten erabakiak aztertzen dituztela eta Espainiako Gobernuak neurri guztiak eztabaidatzeko prest dagoela.
Bestalde, Pedro Sanchezek agindu du ez Espainiako Gobernuak ez duela etxeratze-agindurik ezarriko aurrez neurri hori erkidego autonomoekin eztabaidatu gabe.
Hori bai, koronabirusari aurre egiteko neurriak hartzerakoan gobernu autonomikoek Espainiako Exekutiboaren babesa izango dutela ziurtatu du.
Ildo horretan, eta Madrilgo Erkidegoaren kasuari aipu eginez, Sanchezek esan du ezinbestekoa dela Madrilgo Erkidegoak zer nahi duen argitzea.
"Lehenik eta behin jakin behar dugu zer den Madrilgo Gobernuak eskatzen diguna, etxeratze-agindua ezarri nahi duten ala ez esan behar dute", azpimarratu du.
Zure interesekoa izan daiteke
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendu-unitatea Estatuko zazpietako bat da, eta arrisku handiko infekzioei aurre egiteko etengabe entrenatzen dira bertako profesionalak.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.
Igorreko Udalak loteriaren saria kobratu ez dutenen arazoa "lehenbailehen" konpontzea espero du
Gabonetako Loterian saria egokitu eta kobratu ezinik geratu diren ehundik gora lagunen salaketak jaso ditu jada Ertzaintzak. Igorreko errugbi taldeak iruzurra egin duen argitzeko ikerketa martxan da.
52 apaizek Juan Carlos Elizalde gotzainaren aurka egin dute, “agintekeriaz” jokatzea leporatuta
Apaizetako baten arabera, seminarioaren “erdia kikoen esku” utzi du gotzainak. Elizalderen esanetan, apaiz batzuek “denbora gehiegi dute inkordiatzeko”.
Albiste izango dira: Duranako ikasturte amaierako bidaia, hantabirus agerraldia gurutzaontzian eta Igorren loteriaren saria kobratu ez dutenak
Gaurkoan Orain-en albiste izango direnen laburpena, bi hitzetan.