Jaurlaritzak COVID-19aren aurkako neurri berriak iragarriko ditu gaur
Eusko Jaurlaritzak nabarmendu duenez, Espainiako Gobernuak ezarri duen alarma egoerari esker, pandemiaren garapenari "arin eta urgentziaz" erantzuteko gai izango dira, eta hori horrela, gaur bertan neurri berriak iragarriko dituzte Euskadirako. 15:30ean hasi den LABIren bilera bukatutakoan, agerraldia egingo dute neurri berri horiek iragartzeko, eta eitb.eus-ek zuzenean emango du.
08:00etan hasi da, Lehendakaritzan, Bizi Berri Planaren jarraipen batzordearen bilera eta bertan erabaki dute Espainian ezarritako alarma egoera Euskal Autonomia Erkidegoan (EAE) nola aplikatuko den. 08:00etako bileran, egoera berria aztertuko dute ikuspuntu juridikotik.
Hala, LABIren bileran neurri murriztaile berriak erabakiko dituzte. Etxeratze agindua zer ordutan hasiko den edota pertsonen arteko topaketak zenbatekoak izango diren zehaztuko dute. Arratsaldean, ostera, neurri horiek iragarriko dituzte.
Bigarren kutsatze oldeari aurre egiteko neurri murriztaile "sendo" eta "argiak" iragarri ditu Jonan Fernandez Biziberri Planaren jarraipen batzordeko koordinatzaileak, batzordea bildu aurretik Euskadi Irratiko "Faktoria" programan egin dioten elkarrizketan. Jonan Fernandezek aurreratu duenez, Eusko Jaurlaritzak iragan astean onartutako neurri guztiak ahalbidetzen ditu marko berriak.
Neurri horiek ahal den "egokienak, proportzionatuenak eta orekatuenak" izango direla jakinarazi du Lehendakaritzak ohar baten bidez.
Alarma egoerak EAEko Gobernuari larrialdi egoerari azkartasunez erantzuteko behar duen "aginpidea" ematen diola adierazi dute.
"Ardura indibiduala eta kolektiboa" aldarrikatu ditu Jaurlaritzak eta neurriak ahalik eta proportzionalenak izango direla iragarri du.
Bizi Berri Planaren Batzorde Aholkularia egoera epidemiologikoa etengabe aztertzen ari dela gogorarazi dute eta alarma egoera aldarrikatu ondoren, batzordeak neurri berriak jarriko ditu, beraz, mahai gainean.
Iñigo Urkullu lehendakariak jada hitz egin omen du Bakartxo Tejeria Legebiltzarreko presidentearekin baita alderdi politiko ezberdinen buruekin ere.
Alarma egoera ezarri eta biharamunean Presidenteen Biltzarra egingo dute
Koronabirusaren bigarren olatuari aurre egiteko Espainiako Gobernuak alarma egoera ezarri eta biharamunean Presidenteen Biltzarra egingo dute. Bilera telematikoa izango da eta 10:00etan hasiko da.
Pedro Sanchez Espainiako Gobernuko presidenteak eta autonomia erkidegoetako presidenteek parte hartuko dute. Halaber, Ursula Von der Leyen Europako Batzordeko presidenteak ere batzarrean parte hartuko du.
Batzarrean aztergai izango dute pandemiaren ondorioei aurre egiteko Espainiak Europar Batasuneko funtsetatik datozen urteetan jasoko dituen 140.000 milioi euroak nola banatu. Autonomia erkidegoek zeresan handia izango dute diruaren banaketan eta horregatik deitu dute gaurko Presidenteen Biltzarra.
Albiste gehiago gizartea
Aurkikuntza arkeologiko oso garrantzitsua Iruñean: Barbazan dorrearen barruan dagoen Kalonjeen atea
Iruñean, arkeologia aurkikuntza bat da albiste. Katedral ondoan dago eta Joseba Asiron alkateak eta urbanismo batzordeak bisitatu berri dute. Aurkikuntza ikusgarri eta garrantzitsuaz mintzatu da Iñaki Sagredo arkeologoa. Nahi izanez gero, bisita gidatua egiteko aukera dago.
Giza Eskubideen Behatokiak kereila bat bultzatu du 1974ko Asturiagako segadagatik
Iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzagatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu-esplotazioa eta sexu-eraso saiakera bat egitea leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtekoetara zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira talde biolentoetako kideak, Ertzaintzaren uruaren arabera
"Elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi zitzaizkien, eta azkenean liskarra gertatu zen. Ertzaintzaren buruak adierazi du atxilotuek ez dutela banda edo talde biolentoekin loturarik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.