Bizikide ez direnen arteko bilerak debekatu ditu Nafarroak esparru pribatuan
Nafarroako Gobernuak debekatu egin ditu bizikide ez direnen arteko bilerak esparru pribatuan, eta eutsi egin dio 23:00etatik 06:00etara Estatu espainiar osoan deituta dagoen etxeratze-aginduari.
Bizikide ez direnen arteko bilerak azaroaren 4ra arte egongo dira galarazita, baina, salbuespen gisa hartuko dituzte bakarrik bizi diren pertsonak, menpekotasuna dutenak eta adingabeak. Kasu horietan bisita bat jaso ahal izango dute.
Javier Remirez Foru Gobernuko presidenteordeak eta Santos Indurain Osasun kontseilariak egin dituzte iragarpenok prentsaurrekoan.
Asteburu honetan, Nafarroak goia jo du. Larunbatean, 698 positibo zenbatu zituzten, eta, igandean, 500 (% 15,8ko positibotasun tasa).
Hala, aurretik hartutako neurriak (Nafarroaren itxiera perimetrala, ostalaritza establezimenduen itxiera eta sei pertsonatik gorako bileren debekua) gogoratu ostean, Santos Indurain Osasun kontseilariak ziurtatu du osasun egoera larria dela erkidegoan, eta "berehalako" neurriak behar dituztela.
"Gure nahia da sektore guztiak normaltasunera lehenbailehen itzultzea", esan du Javier Remirez presidenteordeak, ostalariekin izandako bilera bukatutakoan. Ildo berean gaineratu du 23:00etatik aurrera ezarritako etxeratze aginduak "polizien lana erraztu nahi duela", 22:00ak arte lan egiten dutela kontuan izanda.
Halaber, onartu du zaila dela lagun edo familiarteko hitzordu pribatuak kontrolatzea, baina kutsatze gehien eragiten dituzten bilerak direnez, "zuhurtziaz" jokatzeko deia egin die herritarrei. "Ez dago irtenbide bakar bat; bai, ordea, ekintza plan bat kutsatzeen hedapenari aurre egiteko", adierazi du Osasun sailburuak, positiboen tasa murriztea lehentasun gisa ezarrita.
"Bai ala bai 500 kasutik gorako langa horrekin bukatu behar dugu, birusaren bilakaera okerrera egiten ari baita. Horregatik, hartu ditugu neurri berriok eta baheketen aldeko apustua", nabarmendu du.
Indurainen arabera, ospitaletan ere nabari da kutsatzeek izandako gorakada: "401 pertsona daude ospitaleratuta; horietatik 50 zainketa intentsiboen unitatean. Zenbaki horiek asko adierazten dute".
Horren aurrean, azpimarratu du azkenaldian ospitaleratzeak altak baino gehiago izaten ari direla, gaixoetako asko larri daudela argi utzita. Gainera, aste bakarrean 25 pertsona hil dira COVID-19ak jota, Nafarroan.
"Horregatik guztiagatik eten behar ditugu kutsatzeak, eta horretarako beharrezkoa da osasun sisteman baita neurriak hartzea, dela kontingentzia planak egokituta, dela behar beste langile kontratatuta", bukatu du.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.