Araban eta Bizkaian haurrek seiko taldeetan entrenatu ahalko dute
Pandemia gelditzeko asmoz Eusko Jaurlaritzak ezarritako neurri murriztaileak kontuan hartuta, Bizkaiko Foru Aldundiak lehiaketak bertan behera utzi ditu eskola-kirolean.
Alabaina, taldean entrenatzea posible izango da. Gehienez sei partaide eta entrenatzaile bat egon ahalko dira. Eremu berean talde bat baino gehiago egon daiteke, betiere edukiera muga errespetatzen bada.
Halaber, ahalbidetuta egongo da entrenatzeko ondoko herrira joatea.
Kirol profesionalean eta erdi-profesionalean baimenduta egongo dira joan-etorriak entrenatzeko nahiz lehiatzeko. Ikusleen edukiera % 50era murriztuko dute. Toki itxietan gehienez 400 pertsona bildu ahalko dira, eta 600 aire zabalean. Hori bai, lehiaketa jokatzen den udalerriko bizilagunak soilik bertaratu ahal izango dira.
Horrez gain, arrauna, atletismoa, txirrindularitza edo automobilgintza bezalako kiroletan eremua eta ibilbidea zein izango den aurrez zehaztu beharko da, eta gehienez 600 ikusle elkartzea baimenduko dute.
Arabako Foru Aldundiak ere erabaki du eskola-kiroleko entrenamenduak mantentzean, arestian aipatutako sei pertsonako mugarekin.
Gipuzkoako Foru Aldundiak, berriz, eskola-kirola bertan behera uztea erabaki zuen joan den astean eta gaur baieztatu du erabaki horrek indarrean jarraitzen duela, "osasun-egoerak okerrera egin duelako".
Zure interesekoa izan daiteke
Irungo institutu batean diruaren truke ikasleei sexu harremanak proposatzea leporatzen dioten irakasleak akusazioak ukatu ditu, eta lan jazarpena salatu du
Fiskaltzak 22 urteko kartzela zigorra eskatu du irakasle horrentzat, 13 eta 15 urteko hiru adingaberi diruaren edo oparien truke sexu harremanak izateko proposamenak egitea egotzita.
Epaileak Amaya Zabarteren kasua artxibatu du, inpaktuaren jatorria egiaztatu ez duelako
Donostiako epaileak itxi egin du 2024ko martxoan jasandako lesioagatik irekitako auzia, eta familiak helegitea aurkezteko aukera du orain.
Epailearen arabera, Estatuko administrazioarena zen El Bocaleko pasabidea mantentzearen ardura, eta ikerketapean jarri ditu Trantsizio Ekologikoko bi funtzionario
Epailearen ustez, Estatuko administrazioa da martxoaren 3an Santanderko hondartza horretan istripua izan zen pasabidearen "kontserbazio-egoera eta mantentzea egokia bermatzeko arduradun bakarra", eta pasabide horretako eta beste batzuetako lanak "amaitu gabe" daudela. Sei pertsona hil ziren eta bat larri zauritu zen, martxoaren 3an, itsaso ondoko pasabidea behera etorrita.
Alokairuen eskaintza, amilduta: Bilbon eta Donostian % 70 baino gehiago murriztu da
Iruñean alokairuen eskaintza % 47 jaitsi da, eta Gasteizen % 26, Idealistaren arabera. Bilbon, etxebizitza baten bila dabiltzanen lehiak % 864 egin du gora bost urtean.
Ordu aldaketa: Bueltan da udako ordutegia
Martxoaren 28tik (larunbata) 29ra (igandea) bitarteko goizaldean, 02:00etan ordua aldatu egin beharko da, eta 03:00ak izango dira. Atseden hartzeko ordubete gutxiago egongo da. Egungo ordutegi ereduarekin jarraitzeko beharrak eztabaida sortzen du, batez ere bi arrazoi garrantzitsu direla eta: Osasuna eta energia kostua.
Futbol arbitro neska batek salatu du irainak eta mehatxuak bota zizkiotela partida batean, Basaurin
Bizkaiko Futbol Federakundeko lehiaketa batzordea gaur elkartzekoa da gertatutakoa aztertzeko eta balizko neurriak aztertzeko. Basauriko futbol taldeko jokalariak, teknikariak eta zaleak barne, irainka hasi zitzaizkion, talde bisitariak berdinketa (3-3) lortu eta gero.
BI-30 errepidean izandako istripu batek auto-ilarak eragin ditu Txorierrin eta Arrontegin
Ezbeharra goizean goiz gertatu da Erandion, eta errei bat itxi behar izan dute Galdakaorako noranzkoan. Ilara luzeak sortu dira.
EHUk unibertsitate-komunitatean errespetua eta bizikidetza indartzeko protokolo bat bultzatuko du
Ekimenak bitartekotza, partaidetza eta sentsibilizazio-neurriak izango ditu, eta komunitate osoaren ekarpenak jasotzeko plataforma digital bat izango du oinarri.
Albiste izango dira: Korrika zuzenean, krisi energetikoa eta Berdintasunerako Emakunde Saria
Orain-ek gaur landuko dituen albiste nagusien laburpena.
Korrika Gipuzkoan sartu da!
Atallu eta Araitz-Betelu atzean utzi eta Lizartzatik sartu da Korrika Gipuzkoan, Tolosaldean. Berastegiko udaleko ordezkariek sartu dute lekukoa Gipuzkoara. Ondoren, Galtzaundi Tolosako euskaltzaleen elkartearen txanda izan da. Mailopeko eta Tolosaldeako eskualdeak bat egin dute, Korrikaren alde. Gauean, besteak beste, Tolosa, Andoain, Hernani, Oiartzun eta Irun igarota, Nafarroara itzuliko da berriz ere eta goizaldeko 06:00ak aldera Beran izango dute.