Mila pertsona baino gehiagok metroaren aurka protesta egin dute Donostian
Satorralaia herri mugimenduak deituta, mila pertsona baino gehiagok manifestazioa egin dute larunbat honetan, Donostiako kaleetan, metro proiektuaren kontra protesta egiteko.
Mobilizazioa 12:00ak aldera abiatu da Artzai Onaren Plazatik, Koldo Mitxelena kultur etxearen ondotik, 'Orain da unea. Ardurak argitu. Metroa behin betiko gelditu. ¿Que mas tiene que ocurrir? Depuracion de responsabilidades. Metro ¡Paralizacion definitiva' lelopean.
Manifestariek segurtasun neurriak bete dituzte, euren arteko distantzia gordez. Besteak beste, Juan Karlos Izagirre eta Jon Markel Ormazabal EH Bilduko ordezkariek parte hartu dute mobilizazioan. Azpiegituraren aurkako leloekin banderak eta aterkiak eraman dituzte. Urbieta kalea, Askatasuna Hiribidea eta Elkanotik ibilbidea egin du protestak, Boulevard Zumardian amaitzeko. Bukaeran euskaraz zein gaztelaniaz manifestu bat irakurri dute.
‘Metro ez’, ‘metroa gelditu’ eta ‘Donostiak ez du metrorik behar’ bezalako leloak oihukatu dituzte manifestariek.
Manifestazioaren burua eta pankarta. Argazkia: EFE
Ane Gorostidi eta Marisa Urra Satorralaiako kideek azken adierazpena irakurri dute. Lanen “gainkostua” salatu dute; izan ere, azpiegitura “% 80 garestitu daiteke, eskandalu izugarria”.
Gainera, “erantzukizunak garbitzea eta makro-proiektua behin betiko gelditzea” eskatu dute, “izena gero eta zikinago duelako, eta biztanleriaren zati handi batek beharrezkoa ez dela uste duelako”.
Era berean, proiektuaren “zentzugabekeria” salatu dute, “begi-bistako ez-jakintasunarekin eta erdialdeko eta Amara auzoko lur-azpia ezegonkortzeko arriskua kontuan hartu barik” diseinatu dutelako.
“Hiriko garraio publikoa eta Euskotren sarea hobetzearen” aldeko apustua egin dute, metroa hiriaren erdialdetik pasatzeko “astakeria” egin beharrean, “’Topo’a Dbus lineekin koordinatuz”.
Bestalde, EAJren eta PSE-EEren Udal Gobernuaren “konplizitatea” salatu dute. Udala bultzatzen ari den “hiri eredua” zalantzan jarri dute, “negozioarentzako” sustatzen duelako, “bizitzarentzako ordez”.
Haizearen aurka ere borroka egin behar izan dute manifestariek. Argazkia: EFE
Zure interesekoa izan daiteke
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroei dagozkiela
Osakidetza hasi da kaltetutako 30 pertsonak, 25 haurtxo eta bost heldu, berriro inokulatzen. Tetrabalente eta hirukoitz birikoaz gaizki txertatutakoek, 75 bat lagunek, asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".