Umetan, udaleku batean, sexu abusuak jasan zituela kontatu du Maddalen Iriartek
Maddalen Iriarte EH Bilduko buruzagiak publiko kontatu du haurra zela, zazpi urte inguru zituela, sexu abusuak jasan zituela udaleku batean. Azaroaren 25ean ospatuko den Emakumeen aurkako Indarkeria Desagerrarazteko Nazioarteko Egunaren atarian "Ez naiz isilduko!" izeneko artikulua argitaratu du Vocento Taldeko egunkarietan. Abusuen biktima izan dela publikoki kontatzen duen lehen aldia da.
Vocento Taldeko egunkaria politika munduko buruzagien eta euskal erakundeetako kideen artikulu sorta argitaratzen hasi da azaroaren 25aren harira, eta Maddalen Iriarte izan da lehena.
Artikuluan dioenez, duela 50 urte inguru gertatu zen, udaleku batean. Ez du non gertatu zen eta nork egin zion kontatzen, baina gertaturikoak betirako markatu duela nabarmendu du: "Eta tatuaje honetarako ez dago laserrik! Hau ezin da ezabatu; edo nik ezin izan dut ezabatu". "Gaur egiten ari naizen eta beste noizbait egiten saiatu naizen ariketa honetan, oraindik eskuak dardarka jartzen zaizkit", azpimarratu du. Erasotzailea hilda dagoela aipatu du.
50 urte eta gero zergatik erabaki duen kontatzea ere azaldu du. Haren esanetan, era batera edo bestera, emakume guztiek jasaten dute indarkeria: "Ez dezagun pentsa beste batzuei gertatzen zaiela, beste leku batzuetan. Denoi gertatzen zaigu. Intimitatean edo ez oso urruti gertatzen da".
Salaketatik harago, emakumeenganako edozein indarkeria mota desagerrarazteko politika publikoak behar direla aldarrikatu du.
Iriarteren hitzetan, berdintasuna ez da gertatuko den zerbait, berdintasuna borrokatu egin behar da.
Zure interesekoa izan daiteke
Lurraldebusek Donostiatik Eskuzaitzeta industrialdera eta Zubietara doan linea berria estreinatuko du irailaren 21ean
Linea berriak industrialdeko langileei emango die zerbitzua, baita Zubietako espetxera joaten direnei eta Zubietara joaten diren Realeko zaleei ere.
Giro aparta Kontxako Banderaren bigarren jardunaldian
Kontxako Banderaren bigarren jardunaldiak jai giroz bete du Donostia, kolore ugariz. Familiek, gazteek eta beteranoek traineruen emozioa partekatu dute, eta ertzetatik animatu dituzte euren taldeak. Poza bereziki nabaria izan da Arraun Lagunak eta Orio taldeen zaleen artean, euren traineruen garaipena ospatu baitute.
Imsersoren bidaiak bihartik aurrera egongo dira eskuragarri Hego Euskal Herriko pentsiodunentzat
Nafarrentzat astelehenean abiatuko da plaza eskuratzeko epea, eta EAEko pentsiodunentzat, asteazkenean. Guztira, ia 900.000 plaza eskainiko dira penintsulako kostaldera eta uharteetara joateko edo bospasei eguneko bidaiatxoak egiteko.
Elon Musk bat dator Anthropic eta OpenAI lehiakideekin, adimen artifiziala moteldu behar dela
Anthropiceko Dario Amodeik adimen artifizialaren (AA) garapena moteltzeko eskatu zuen ostiralean, segurtasun arriskuengatik, eta eskaera horren alde egin dute lehiakideek, OpenAIko Sam Altmanek eta xAIren sortzaile Muskek. OpenAIko eta Anthropiceko liderrek iragarri dute ebaluatzaile independenteei beren sistemak ikuskatzea ahalbidetuko dietela, baina Muskek ez du hori argitu.
Ceutako 860 migratzaile baino gehiago aldi baterako instalazio egokitu berri batera eraman dituzte
Jaurlaritzak 4.300 plaza inguru izango ditu aldi baterako, eta datozen egunetan 6.000 plaza baino gehiago izango direla aurreikusi du.
AEBk Kuban ezarritako "setioa" salatu dute Bilbon, Silvio Rodriguezen kontzertuaren aurretik
Manifestariek Kubako eta hainbat herri zapalduren banderak eraman dituzte. "Nazio Batuetan urtero giza eskubideen urraketa masiboa gaitzesten den arren, gobernu gehienak geldi daude", salatu dute. "Argia eta Indarra Kubarentzat. Blokeoaren aurka, Energia Kubarentzat" kanpaina solidarioa babesteko ere balio izan du protestak.
Oihane Mateos Oria, duela gutxi hildako lankide eta laguna, gogoan izan du Dani Alvarezek Gasteizko FesTVal jaialdian
Aste gogorrak izan dira azken hauek Orain eta EITBko Albistegietako lantalde guztiarentzat. Dani Alvarez lankideak Gasteizko FesTVal jaialdian esan duen bezala, "bizitzako injustizia bategatik goizegi joan berri da Oihane Mateos Oria". Bere irribarrea, energia eta lanerako grina beti izango dira gure artean, ordea. Hemen Daniren hitzak gaur iluntzean, sari bat banatu aurretik.
Zarrakazteluko baso sutea eragindakoa ote den ikertzen ari dira
Garrak atzo piztu ziren Corral Nuevo inguruan, eta gaur arratsaldean egonkortu dituzte. Eremuan ez zegoen nekazaririk lanean, eta, hori dela eta, Foruzaingoak susmoa du nahita piztutakoa izan zela.
Bost gasolindegi Margaritan, 30 laguneko herrian, bizilagunen desesperaziorako
Gasteizko Margarita kontzejuan, bizilagunak kexu dira beste gasolindegi bat jarri nahi dietelako, bosgarrena bailitzateke. 30 bat biztanle diren herrixka honetarako sarbideak dagoeneko kolapsatuta daudela diote, eta gainera salatzen dute, kamioi gidariek ez dutela askotan oso gizalegez jokatzen.
Logroñon desagertutako 83 urteko gizon baten gorpua aurkitu dute Vianan
Hilotza Iruñeko Auzitegiko Institutu Anatomikora eraman dute, autopsia egin diezaioten.