Aurrez aurreko hezkuntza eten dute Trokoizko Geroa Eskolan, Araban
Irakaskuntza presentziala bertan behera utzi da astelehen honetan Geroa Eskola itunpeko ikastetxe pribatuan, Trokoizen (Araba), COVID-19 kasuak agertu direlako.
Hezkuntza Sailak baieztatu duenez, osasun irizpideen arabera hartu dute erabakia, Eusko Jaurlaritzak onartutako osasun gomendioei eta pandemiari aurre egiteko protokoloei jarraituz.
Ikastetxe honek Waldorf metodologiarekin irakasten du, eta lerro bakarra du Haur Hezkuntzan, Lehen Hezkuntzan eta Bigarren Hezkuntzan. Gasteiztik 10 kilometrora dago eta garraio zerbitzua dute. Ikastetxeko zuzendaritzak ez du inolako adierazpen edo zehaztapenik egin nahi izan aurrez aurreko jarduera bertan behera uztearen inguruan.
Zentroko ia ikasle guztiek egon beharko dute isolatuta, birusaren transmisioa "nahikoa handia" izan delako, Osakidetzak baieztatu duenez.
Ignacio Garitano Osakidetzaren Kontrol eta Zaintza Programako koordinatzaileak jakinarazi du ikerketa bat ireki dutela zentroan gertatu dena argitzeko. Aurreko irailean ere ikertu zuten zentroa, ez zituelako ikasleak musukoa eramatera behartzen.
Oraindik kutsatuen kopuru zehatza zabaldu ez badute ere, Garitanok esan du "ia ikasgela guztietan" dagoela koronabirusarekin kutsatutako ikasleren bat.
Osakidetzaren ordezkariak esan du zentro "barruan" gertatu dela transmisioa, eta "nahikoa handia" izan dela. Ondorioz, "ia ikasle guztiak" egon omen dira koronabirusa duen norbaitengandik gertu.
Kutsatutako ikasleen eta horien harreman estuen isolamenduak "ezinezko" egiten omen du aurrez aurreko eskolak ematea, Osakidetzako arduradunaren arabera.
Eskolen egoera
Hezkuntza Sailak eguerdian eguneratuko ditu datuak, baina joan den ostiralean 148 gela itxi zituzten COVID-19 kasuengatik, ostegunean baino 24 gehiago, hau da, % 0,84. Ikasgelen itxierak EAEko 97 ikastetxeri eragin zien, alegia, 13 gehiagori, eta une horretan ez zegoen bakar bat ere erabat itxita.
Azaroaren hasieran Eibarko Azitango Andre Mariaren Bigarren Hezkuntzako ikastetxe pribatuak ere bertan behera utzi behar izan zuen bere jarduera, pandemiaren ondorioz; lehena, ikasturte honen hasieran, irailaren hasieran, hainbat ikastetxe egoera horretan egon ondoren.
Zure interesekoa izan daiteke
Pertsona bat hil da eta beste bat desagertuta dago Biarritzeko itsasargiaren ondoko itsaslabar bat behera etorri ostean
Asteazken arratsaldean Biarritzeko Miramar hondartzaren eta itsasargiaren ondoan izandako luiziaren ondorioz lurperatuta geratu ziren bi pertsonetako baten gorpua berreskuratu dute larrialdietako taldeek.
Kantauri itsasoko ura 25,2 graduan dago, inoiz baino epelago
Ekainean, normalean, itsasoko ura 18 graduren bueltan egoten bada ere, gaur, ekainaren 24an, Donostiako Aquariumean egindako neurketak Kantauri itsasoko ura 25,2 gradutan dagoela erakutsi du, inoiz baino beroago.
Anne Baskaran Egido gasteiztarraren "Zuriaren, zure, gure... jaiak" izango da aurtengo Gasteizko jaietako kartela
Egileak azaldu du kartelak "Gasteizko jaiak bizitzeko dauden modu anitzak" islatu nahi dituela.
Ertzaintzak Euskadin erregistratutako gorroto delituak % 18 jaitsi dira 2025ean
Kasu horiei buruzko txostenaren egileek jaitsiera hori tentuz interpretatzeko eskatu dute, delitu asko ez baitira salatzen.
Sanferminek 516 ekitaldi izango dituzte, eta protagonismo handiagoa hartuko dute aurten haurrek eta auzoek
Asteazken honetan aurkeztu dute egitarau ofiziala, askotarikoentzako musika, jolasak, erakusketak, su artifizialak, kirol jarduerak, antzerkia, kalejira, ganadu-feria eta prozesioa biltzen dituena. Txupina uztailaren 6an jaurtiko dute, eta festak eztanda egingo du hilaren 14ra arte.
Bilbok badu kartela Aste Nagusirako: "Besarkada urdin bat Bilborentzat"
Juan Manuel Martinez Rodriguezen obra abuztuaren 22tik 30era ospatuko den Bilboko Aste Nagusiaren irudi ofiziala izango da.
"Naruto" anime japoniar arrakastatsua, estreinakoz euskaraz, EITBren PRIMERAN plataforman
Ostegun honetan, ekainak 25, estreinatuko ditu PRIMERANek lehen bost atalak. Guztira 52 kapitulu eskainiko ditu, ostiralero bost berri, lehen aldiz euskaraz bikoiztuta. Estreinaldiaren bezperan, EITBk aurrestreinaldi esklusiboa antolatu du Bilboko egoitzan. Gaur izango da, 18:00etan, Multibox aretoan, eta lehen lau atalak izango dira ikusgai.
"Ihesi, norbera izateko": Trumpen Amerikatik ihes egin eta Euskal Herrian bizi diren transen familien testigantzak jaso ditu EITBk
Seme-alaba transak dituzten zenbait familiak Estatu Batuak utzi eta Euskal Herrira etorri dira. EITBk haien lekukotasunak bildu ditu Ihesi, norbera izateko dokumentalean. Lehenengo erreportajeak asteazken honetako albistegietan ikusi ahal izango dira.
Osakidetzak eTXERTOA ezarri du txertoen kontrola eta segurtasuna hobetzeko
Sistema Bilbo-Basurtu ESIko zenbait zentrotan probatzen ari dira, eta txerto bakoitzaren funtsezko datuak automatikoki erregistratu ahal izango dira eman aurretik.
Bi pertsona zauritu dira Leioako ostalaritzako lokal batean izandako gas-leherketa baten ondorioz
Gertakariaren ondorioz, kaltetutako eraikineko bizilagunak etxetik atera behar izan dituzte, eta udal-teknikariak kalteak ebaluatzen ari dira, Iparragirre kalean.