Viralgeneko zuzendaria "itxaropentsu" eta "zuhur" mintzatu da txertoen inguruan
Javier Garcia Gogorro Viralgen enpresako zuzendari nagusiak itxaropena eta zuhurtzia uztartu ditu COVID-19aren kontrako txertoen inguruan galdetu diotenean. Haren esanetan, komunitate zientifikoak "lan handia egin du", baina itxaron egin behar da "prozesuak aurrera egin" eta birusaren ingurukoak "ikasi" arte.
Adegik eta Kutxabankek antolatuta modu telematikoan ospatu den lan gosarian parte hartu du Garcia Gogorrok.
Bere hitzaldian, Harvard Unibertsitatearen txertoaren ekoizpenean parte hartzen ari den enpresa donostiarreko zuzendariak lasaitasunerako deia egin du. Haren esanetan, gai "konplexua" da, izan ere, farmazia industriak bost edo zortzi urte behar izaten ditu txertoa garatzeko eta orain 12-18 hilabetetan egingo du. Gaineratu duenez, komunitate zientifikoa esandakoa betetzen ari da, baina zuhurtzia eskatu du birusaren inguruko hainbat kontu ezezagunak direlako.
Txertoak laster onartuko direla aurreratu du, segur aski, Gabonen aurretik. Ildo horretan, Pfizer eta Moderna etxeen txertoak urtarrila hasieran jartzen hasiko direla uste du. Halaber, Astra Zeneca edo Johnson & Johnson etxeen txertoak ere datozen hilabeteetan onartuko omen dira.
Garcia Cogorren ustez ona da enpresek elkarren artean lehiatzea eta txerto bat baino gehiago egotea, "beharrezkoak izango dira eta".
Edonola ere, txertoen inguruko emaitzak zuhurtziaz aztertzea eskatu du. Garrantzitsuena, haren hitzetan, txertoak "seguruak eta eraginkorrak" izatea da.
Txertaketa prozesuak hilabetean iraungo dituela onartu du. "Honek ez du esan nahi 'bihar txertoa jarriko didate, maskara kendu eta irteten hasiko naiz'. Zuhur jokatu behar da, trantsizio bat egongo da eta txertoek eragina dutela egiaztatu arte itxaron egin beharko dugu", ohartarazi du.
Viralgeneko zuzendariak azpimarratu duenez, txertoa "funtsezkoa da", baina "oraindik ez da birusa nahikoa ezagutzen, eta zuhur jokatu behar da". Hori dela eta, prozesu horren guztiaren eta txertoen inguruak ateratzen den informazio guztia jarraitzearen garrantzia azpimarratu du.
Azkenik gaia despolitizatu, testuinguru emozional batetik atera eta zientziaren eremura eramatearen alde egin du.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.