Covid-19aren antigorputzak atzemateko farmazietan eskuragarri dagoen testaren gakoak
Euskal farmaziak aste honetan hasi dira koronabirusaren antigorputzak detektatzeko lehen test azkarra jasotzen. Jendeari saltzeko merkaturatzen den lehena da, hori bai, medikuaren errezetarekin bakarrik eskuratu ahalko da. EAEko eta Nafarroako farmazietan banaketa astearte honetan hasi da, LOMHIFAR Lasarteko enpresaren eskutik.
Antigorputzak atzematen dituen testa da; hau da, infekzioaren eraginpean egon garen eta immunoglobulinak eta SARS-CoV-19 koronabirusaren aurkako antigorputzak garatu ditugun. Dena den, antigorputzen proba honek ezin du zehaztu une honetan COVID-19aren birusarekin kutsatuta zauden ala ez.
Botikariek azken egunotan ohartarazi dutenez, Covid-19a atzemateko proba honetako balizko positiboak PCR proba batekin baieztatu behar dira. Antigorputzen testa den aldetik, medikuaren agindua behar da. Gainera, gogorarazi dute errezeta eta emaitzek "beti eskatzen" dutela osasun-profesional baten interpretazioa eta esku-hartzea.
Mikrobiologo batzuen esanetan, "antigorputzak detektatzeko proben positibotasunak ez du pazientearen immunitatea bermatzen; beraz, emaitza edozein dela ere, guztiek babes-neurri berak betetzen jarraitu beharko dute".
Proba 10 minututan egiten da, hatz-mamiari ziztada bat emanda eta odola haurdunaldiko proba baten antzeko gailu batean aplikatuta, eta horrek erraztu egiten du norberak bere buruari proba egitea.
Nola funtzionatzen du?
Kitak honako hauek hartzen ditu barne:
- Eskuak ondo garbitzeko eskuzapitxo bat
- Ziztadarako bi lantzeta
- Odola jartzeko gailu bat
- Odolarekin nahasteko disolbatzailea
Lehenik eta behin, eskuak ongi garbitu behar dira kitak berak dakarren toallatxoarekin. Lantzetako segurtasun-muga kendu eta, hatza apur bat masajeatu ondoren, ziztatu egin behar da. Odola ateratzen hasten denean, gailuaren barruan gordeko dugu (marra beltzeraino bete behar da). Lortutako odola gailuaren ontzi txikira botatzen da, ondoren. Disolbatzailearen bi tanta gehitu ondoren, 10 minutu itxarongo dugu emaitza izateko (ez gehiago, ez gutxiago). 10 minututik pasatzen bada, baliteke emaitza zehatza ez izatea.
BIDEOA: Nola funtzionatzen du covid-19aren autotestak? (Originala gazteleraz)
CONTENIDO NO ENCONTRADO
LOMHIFAR Lasarteko enpresa arduratzen da test horiek emateaz EAEn eta Nafarroan, eta, enpresako arduradunak dioenez, produktua behar duten farmazia guztiak hornitzeko adina hornidura izango dute.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.