Nafarroako adinekoentzako egoitza berriek 130 pertsona hartuko dituzte gehienez
Adinekoen egoitza berriek 130 pertsona hartu ahal izango dituzte gehienez, eta kopuru hori 70era jaitsiko da desgaitasuna duten pertsonentzako zentroen kasuan, pertsona ardatz duen arreta-eredua txertatzen duen araudi berriaren arabera: Helburua, pertsonen autonomia indartzea da.
Gainera, plaza horien % 80 banakako logeletan egongo dira; zentro berriek gehienez 16 pertsonako bizikidetza-unitateak izan beharko dituzte, psikogeriatrien kasuan, 12. Bestakde, arreta behar duten pertsona bakoitzeko langile-ratioak handitu egingo dira, zerbitzu-motaren eta langileen eginkizunen arabera.
Gizarte Eskubideen sailburu Maria Carmen Maeztuk foru dekretu berriaren nondik norakoak azaldu ditu (Nafarroako Boletin Ofizialean argitaratu eta hiru hilabetera jarriko da indarrean), eta, esan duenez, arauak "aldaketa kualitatibo historikoa" ekarriko du, duela 29 urteko legedia eguneratuko baitu.
"Arreta-zerbitzuei dagokionez, mugarri baten aurrean gaude; izan ere, araudi berriarekin sistema "malguagoa" izatea ahalbidetuko du, erabiltzaileen beharrak kontuan hartuz eta haien beharretara eta bizitza-planetara egokituz" azaldu du sailburua. Horrek" aldaketa sakona ekarriko du Nafarroan dauden eta baimendu daitezkeen 552 zerbitzuen lan egiteko moduetan, kudeaketa-ereduetan eta egituran", gaineratu du.
Maeztuk azaldu duenez, proposatutako neurriek garrantzi berezia dute une honetan, etorkizunean ager daitezkeen covid-19aren antzeko egoeren aurrean segurtasun handiagoa eskaintzen dutelako.
Espazio berriak
Aurrerantzean, egoitzetako gehieneko plaza-kopurua mugatzeaz gain, azaleraren % 65, gutxienez, gehienez 16 pertsonako bizikidetza-unitateen inguruan egituratuko da. Etorkizuneko zentroek sukaldea, egongelak edo internet bezalako espazio komunak hartuko dituztela aurreikusten da, eta banakako logelen gutxieneko azalera 14 m2-koa izango da, eta 20 m2-koa, bikoitza denean.
Arauak zerbitzu motak arreta-modalitatearen arabera deskribatzen ditu, eta ez erabiltzaileen profilaren arabera, eta baldintza fisikoak, zerbitzu bakoitzak izan behar dituen oinarrizko prestazioak eta langileen ratioak ere ezartzen ditu.
Eskakizun berriek ez die gaur egun 13 000 pertsona inguru artatzen dituzten 525 egoitzei eragiten, baina, espazioei dagokienez, dauden zentroak araudira egokitu beharko dira etorkizunean egingo dituzten obretan. Filosofia berriari dagokionez, zentro batzuk arreta-eredu berria martxan jartzen ari dira dagoeneko.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.