Nafarroan herritarren % 14,3 kutsatu dira covid-19arekin; eta EAEn, % 8,3
Koronabirusarekin kutsatu diren pertsona kopurua % 14,3koa da Nafarroan eta % 8,2koa Euskal Autonomia Erkidegoan, Ene-covid seroprebalentziari buruzko laugarren ikerketaren arabera.
Test azkarren bidez atzemandako IgG antigorputzak garatu dituzten pertsonen zenbatekoa % 12koa da Araban, % 8,4koa Bizkaian eta % 6,4koa Gipuzkoan.
Hala dio Espainiako Osasun Ministerioak eta Carlos III Osasun Institutuak elkarlanean egindako azken ikerketak. Txostenaren xehetasunak, baina, datozen asteetan argitaratuko dituztela zehaztu dute.
Estatuari dagokionez, espainiarren % 9,9 gaixotu dira koronabirusarekin eta IgG antigorputzak garatu dituzte, 4,7 milioi pertsona, guztira.
Hirugarren ikerketaren arabera, uztailean herritarren % 5,2k garatu zituzten antigorputzak, hau da, bi milioi pertsona inguruk. Beraz, azken datuak kontuan hartuta, uztaila eta azaroa bitartean lehen olatuan beste lagun kutsatu dira koronabirusarekin Espainian.
Raquell Yotti Carlos III Institutuko zuzendariak azaldu duenez, gizonezkoen eta emakumezkoen artean ez dute ezberdintasunik antzeman. 10 urtetik beherako umeen kasuan, koronabirusarekin kutsatu diren zenbatekoa baxuagoa dela egiaztatu dute, eta gainerako adin tarteetan datuak antzekoak dira.
Horrez gain, azpimarratu du egun kasu positiboen % 60 inguru detektatzen direla eta lehen olatuan % 10 baino ez zirela. “Orain diagnostikorako teknika gehiago erabiltzen ditugulako gertatu da hori”, erantsi du.
Yottik ohartarazi du gaur publikatutakoak behin-behineko datuak baina ez direla eta beste hainbat faktore –erresidentzietako datuak, adibidez- kontuan hartuta osatu behar dutela ikerketa.
Antigorputzen galera
Bestalde, seroprebalentzia ikerketak agerian utzi du aurreko olatuan kutsatu ziren lagunen % 2,8ri IgG antigorputzak gutxitu edo desagertu egin zaizkiela. Beraz, pertsona horiek ez dira kontuan hartu, test azkarren bidez detekta ezinak direlako.
"Test azkarrak estatistikak egiteko erabili daitezke, hau da, momenturen batean infekzioa izan duzun jakiteko balio dezakete, baina ez birusa aktibo dagoen ala ez ziurtatzeko", zehaztu du.
Zure interesekoa izan daiteke
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.
Arabako eta Gipuzkoako etxebizitzetan lapurretak egin zituen gaizkile talde bat desegin dute
Estatu osoan indarra erabiliz 25 lapurreta egin izana egozten diete, eta Araban lapurreta bat egin ondoren atxilotu dituzte taldea osatzen omen zuten lau kideak.
Mugimendu sismikoak izan dira Andaluzian, denboralearen ondorioz
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.