Jaurlaritzako hainbat sail txertaketa kanpaina diseinatzen ari dira jada
Itxura guztien arabera, koronabirusaren aurkako txertaketa kanpaina abenduaren 27an hasiko da Europar Batasunean. Okerrik ezean, Europako Botiken Agentziak datorren astelehenean emango dio argi berdea Pfizerren txertoari, eta, horrela bada, txertaketa hilaren 27an hasiko da. Eusko Jaurlaritzak ez daki txertoaren zenbat dosi jasoko dituen, ezta txertaketa zein egunetan hasiko den ere.
Zehaztapen horien zain egon barik, lanean hasi dira jada Eusko Jaurlaritzako hainbat sail: Osasun Saila; Segurtasun Saila; eta Ekonomiaren Garapen, Jasangarritasun eta Ingurumen Saila. Hiru alorretako arduradunek kanpaina diseinatzeari ekin diote.
Jaurlaritzak ohar baten bidez azaldutakoaren arabera, Ertzaintza, Osakidetza eta Zibersegurtasuneko Euskal Zentroa harremanetan daude txertaketa kanpainaren urrats bakoitzaren "segurtasun eta prozedura fisiko eta informatikoak" zehazteko.
Zehazten den prozedurak txertoa garraiatu, bildu eta segurtasunez mantentzea bermatu behar du, eta baita osasun arloan txertaketa kanpaina "arrakastatsua" izatea ere.
Erizainak trebatzen hasi da Osakidetza
Hala, Osakidetzak formakuntza kanpaina bat abiatu du erizainen artean. Euskadi Irratiak baieztatu duenez, Gipuzkoan ostiral honetan bertan hasi dituzte trebakuntza saioak Donostia Ospitalean. Bizkaian, berriz, datorren astelehenean abiatuko dituzte.
Amaia Mayor SATSE sindikatuko bozeramaileak Euskadi Irratian azaldu duenez, ikastaro horretan jarraibideak emango dituzte. Besteak beste, txertoa nola kudeatu, nola kontserbatu edota jartzeko zenbat denbora duten ikasiko dute. Horren hitzetan, Europa mailako erregistro bat bete beharko dute erizainek, txertaketa ondo erregistratuta uzteko. "Covid-19aren aurkako txertoaren bi dosi eman behar direnez, oso ondo erregistratu behar da lehen dosia, hurrengoa, bigarrena, bere momentuan jartzeko", azaldu du.
Europa mailako errolda ezinbestekoa izango da txertoa nork eta noiz hartu duen jakiteko, SATSEko bozeramailearen esanetan.
Pfizer etxearen txertoa izango da EAEra iristen lehena. Hasiera batean, urtarrilaren lehen hamabostaldirako aurreikusita zegoen erizainen prestakuntza, baina Amaia Mayorrek esan bezala, dena ari da aurreratzen.
Iñigo Urkullu lehendakariak aste honetan bertan adierazi du EAEk urtarrilean koronabirusaren aurkako txertoaren 20.000 dosi jasoko dituela, eta covid-19aren aurkako txertaketa kanpaina "prozesu luzea" izango dela aurreratu du, 2021. urteko udazkenera arte irautea aurreikusi baitute. Lehendakariaren hitzetan, pixkanaka egingo da eta "progresiboa eta mailakatua" izango da.
Zure interesekoa izan daiteke
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbat lagun espedientatu dituzte Gasteizko bi diskoteketan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatako segurtasun-dispositibo banatan egindako prebentzio-operatiboetan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan erreskatatu dituzte, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.