Pandemiaren Zaintza eta Kontrol Programako koordinatzaile kargua utzi du Garitanok
Ignacio Garitanok Osasun Saileko pandemiaren Kontrol eta Zaintza Programako koordinatzaile kargua utziko duela eta Arabako Unibertsitate Ospitalean duen lanpostura itzuliko dela iragarri du arratsalde honetan osasun egoerari buruzko datuak emateko egin duen agerraldian.
"Arrazoi pertsonal eta profesionaletan oinarrituta dagoen erabaki zaila izan da", adierazi du. Eta bere lanbidea berreskuratzeko eta pazienteekin berriro harremanetan egoteko gogoa duela erantsi du. Bederatzi hilabetez aritu da Osasun Sailean covid-19aren pandemia kontrolatzeko lana koordinatzen.
Denbora tarte horretan Osasun Sailetik eta Osakidetzako lankideengandik jaso duen "konfiantza eta tratua" eskertu ditu. Pandemia kontrolatzeko programa abian jartzea eta koordinatzea "pribilegioa" izan dela nabarmendu du.
Neurriak zorrozteko deia herritarrei
Bestalde, Gotzone Sagardui Osasun sailburuak kutsatzeak ekiditeko neurriak zorrozteko deia egin die herritarrei, batez ere mugikortasunari dagokionez. Halaber, Araban, Bizkaian eta Gipuzkoan egoera "egonkortzen" ari dela ziurtatu du, baina hobekuntza horrek okerrera ez egitea "guztion esku" dagoela gaineratu du.
"Duela bi aste baino hobeto gaude, baina lanean jarraitu behar dugu datuak hobetu daitezen. Beraz, zuhurtzia handiz jokatzeko eta guardian segitzeko deia egiten dugu", berretsi du.
Medikamentuen Europako Agentziak Pfizer konpainiaren txertoari oniritzia eman diola eta, Sagarduik esan du txertaketa kanpaina lehendabiziko dosiak jaso eta berehala hasiko dela Euskal Autonomia Erkidegoan, baina oraindik datarik zehaztuta ez dagoela ohartarazi du.
Europar Batasunak milaka dosi erosi ditu eta herrialde guztietara banatuko ditu, baina EAEra zenbat iritsiko diren ez dakitela esan du. "Galdera asko ditugu argitzeko", erantsi du.
Edonola ere, txertoa eskuratzen dutenean, txertaketa kanpaina hiru lurralde historikoetan aldi berean abiatuko dutela agindu du, eta horretarako beharrezkoak diren baliabideak prestatzen ari direla azaldu du.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.