Gaur erabakiko du LABIk Gabonetarako neurri berriak ezarri ala ez
LABI gaur, asteartea, bilduko da egoera epidemiologikoa eta indarrean dauden neurriak aztertu eta, hastear dauden Gabonei begira, beharrezkoak badira, neurri berriak proposatu eta onartzeko.
Bi bilera egingo dira gaur. Horietako lehenengoa goizean izango da, eta Batzorde Teknikoa osatzen duten kideak daude deituta. Batzorde horretako kideek pandemiak azken egunotan Euskadin zein joera hartu duen aztertuko dute, eta, beharrezkotzat joz gero, hartu beharko liratekeen neurriak proposatuko dituzte.
Lehenengo bilera horren ostean, LABIren Aholkularitza Batzordeak, lehendakaria buru duela, Batzorde Teknikoak egindako proposamenak onartzen dituen erabakiko du, Lehendakaritzan 17:00etan hastekoa den bilera batean. Bileraren ondotik, agerraldia egingo dute (oraindik zehazteke dago nork egingo duen), eta agerraldi hori zuzenean jarraitu ahalko da eitb.eus-en.
Ahokularitza Batzordeko kideak, lehendakariaz gain, honako hauek dira: Josu Erkoreka, lehen lehendakariorde eta Segurtasun sailburua; Olatz Garamendi, Gobernantza Publiko eta Autogobernuko sailburua; Gotzone Sagardui, Osasun sailburua; Jokin Bildarratz, Hezkuntza sailburua; Javier Hurtado, Turismo, Merkataritza eta Kontsumo sailburua; Iñaki Berraondo, Osasun sailburuordea; Rosa Perez, Osakidetzako zuzendari nagusia; Ramiro Gonzalez, Markel Olano eta Unai Rementeria ahaldun nagusiak; Gorka Urtaran (Eudeleko presidentea), Juan Mari Aburto eta Eneko Goia, hiru hiburuetako alkateak; Denis Itxaso, Espainiako Gobernuaren ordezkaria EAEn; eta Jonan Fernandez, Covid-19aren Batzorde Teknikoko Koordinatzailea.
Horren guztiaren testuinguruan, Europar Batasuneko Alemaniako presidenteak deituta, EBko 27 herrialdeetako ordezkariek premiazko bilera izan dute astelehen honetan Erresuma Batuan atzemandako covid-19aren aldaera berriak eragindako krisiari aurre egiteko. Hegaldien eta herrialdearekiko beste konexio batzuetan murrizketak eragin ditu.
Iñigo Urkullu lehendakariak atzo adierazi zuenez, LABI Euskadiko Babes Zibileko Planaren Aholku Batzordeak astearte honetan hartuko dituen erabakiak Gabonetan "jendea ez lasaitzeko eta desinhibitzeko" izango dira.
Lehendakariaren esanetan, garai honetan gerta litekeen erlaxazioa "ez litzateke batere solidarioa izango, ez litzateke batere lagungarria izango pandemiari aurre egiteko".
"Geure buruari dei egiten diogu. Ez diogu gizarteari hirugarren pertsonan eskatzen, pluralean baizik: gu zaintzea eta besteak zaintzea, hori da esaten ari garena", azpimarratu zuen.
Horren harira, birusaren hedapenaren aurrean erantzukizuna eskatu zien guztiei, eta, ohartarazi zuenez, "lehen egunetik ez da txertorik egongo guztientzat".
"Hilabete batzuk beharko ditugu txertoak zati garrantzitsu bati emateko, 2021eko udan artaldearen immunitatea lortu arte, eta horrek behartzen gaitu pentsatzera txertorik onena gutako bakoitzaren prebentzioa dela, eta hartzen diren neurriak betetzen jarraitu beharko da", adierazi zuen.
Mezu horiek beste batzuk baino "onarpen gutxiago" izan dezakete, baina "errealitatearen printzipioan" oinarrituta daude.
Gainera, "ustez" egoera epidemiologiko hobeak zituzten autonomia erkidegoak "murriztaileagoak diruditen erabakiak hartzen ari dira" esan zuen, Euskadin jada horiek indarrean daudenean, eta Gabonetarako lurralde arteko kontseiluan egin zituen planteamenduak zorrotzagoak zirela gogorarazi zuen, baina bilera horretan planteatutakoak "adostasunaren mesedetan" onartu zituela gaineratu zuen.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.