Urtebete eta zortzi hilabete pisukideari sexu-erasoa egitea egotzita, Errenterian
Gizon bati urtebete eta zortzi hilabeteko kartzela-zigorra ezarri diote, Errenterian (Gipuzkoa) pisukideari sexu-erasoa egitea egotzita. Etxebizitzan hirugarren pertsona batekin bizi ziren.
Kasuaren epaiaren arabera, erasoa 2019ko ekainaren 28ko 21:00ak aldera gertatu zen aipatu etxebizitzan, erasotzailea biktimarengana zuzendu zenean "bere interes lizunak asetzeko asmoz". "Sexu-iradokizunak" egin ondoren, irainka hasi zitzaion, eskumuturretik heldu zion eta "gela batera arrastaka eramaten saiatu zen".
Gizonak lepotik "gogor" heldu eta ukabilkada bat eman zion bular aldean emakumeari. Biktimak aurre egin zion, eta akusatuak "bularrak ukitu zizkion" eta gauza bera egiten saiatu zen "atzealdean" ere, emakumeak "bere logelan babestea, kisketarekin ixtea eta telefonoz laguntza eskatzea lortu zuen arte".
Gertakari horien ondorioz, emakumeak ubeldura bat izan zuen lepoaren aurrealdean, ubeldura bat eta urradura bat ezkerreko besoaren aurrealdean, eta urradura bat ezkerreko bularrean; bost egun behar izan zituen sendatzeko.
Epaiketan zehar, auzipetuak gertatutakoa aitortu, eta Fiskaltzak eta akusazio partikularrak eskatutako zigorra onartu zuen; hori dela eta, urtebete eta zortzi hilabeteko kartzela-zigorra eta 120 euro ezarri dizkiote, sexu-erasoa eta lesio delitua egotzita.
Gainera, auzipetua ezingo da bost urtez biktimarengana hurbildu, 3.000 euro ordaindu beharko dizkio, eta beste bi urtez zaintzapeko askatasunean egon beharko du, behin zigorra beteta.
Hala ere, epailearen arabera, akusatuak ez du kartzela-zigorra bete beharko, baldin eta hurrengo bi urteetan berriro deliturik egiten ez badu eta emakumeari ordaindu beharreko kalte-ordaina ordaintzen badu.
Zure interesekoa izan daiteke
Posible al da adimen artifizialaren garapena gelditzea?
Adimen artifiziala garatzen duten enpresa nagusietako buruek galga jartzeko eskaria egin dute azken aste hauetan, gizakion kontroletik ihes egiteko arriskua izan dezakeela eta. Baina posible al da? Eta zergatik adierazten dute orain beldur hori? Hainbat aditurekin zalantza hauek argitu ditugu.
Sutea piztu da Derion, Loiuko aireportutik oso gertu
20:30 aldera sutea piztu da Derion, Loiuko aireportutik oso gertu. Sua San Isidro auzoko baso batean piztu da, Aiartza mendian, eta oraingoz ez du eraginik izan aireportuaren funtzionamenduan. Suhiltzaileak lanean ari dira garrak itzaltzeko.
Gizon bat hil da Laidatxu hondartzan (Mundaka)
Gizonezkoa uretatik atera behar izan dute sorosleek, eta suspertzen saiatu diren arren, bertan hil da. Ez dakite zerk eragin duen heriotza.
Aldaketa asteartetik aurrera, eta euria asteazkenerako zein ostegunerako
Astearte goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.
Zaldibiatik Ordiziarainoko bidea oinez egin dute dozenaka ikaslek eta gurasok, eskola garraioa ez kentzea eskatzeko
Iazko ekainean, Hezkuntza Sailak Zaldibiako ikasleen gurasoei jakinarazi zien 2026-27 ikasturtetik aurrera DBH3 eta DBH4ko gazteak eskola-garraiorik gabe geratuko zirela. Emandako arrazoia eskola batetik besterako distantzia izan zen.
Gustuko oporlekua lortzeko itxaropenez gerturatu dira Imsersoko lehen bidaiariak agentzietara
Nafarroan astelehen honetan hasi dira agentziak adinekoei zuzendutako bidaia horien erreserbak kudeatzen. Lehen egun honetan, Imsersorekin lehen aldiz oporretara joango direnek izan dute bidaia eskuratzeko aukera. EAEn asteazkenean hasiko dira.
EHUk urte akademikoa abiatu du, AAren arriskuez jakitun eta "eredu propioa" aldarrikatuz
Joxerramon Bengoetxea errektoreak azpimarratu du auzia ez dela adimen artifiziala "deabrutzea, harekiko erabateko mendekotasuna" saihestea baizik. Finantzaketari dagokionez, Juan Antonio Perez Iglesias sailburuak uste du "egingarria" dela bost urteko epean finantzazioa Europako mailara iristea.
Olarizuk agur esan dio udari, musika, babarrunak eta bertoko produktuak lagun
Iraganeko ohitura da Olarizukoa. Hiria mugatzen zuten mugarriak ikuskatzen hasi ziren agintariak, inguruko herriek lurra lapurtu ez zitzaten. XIX. mendearen erdialdean gertatu zen hori, eta gaur egun erromeria herrikoi bihurtu da tradizioa.
Emakume bat ikerketapean dago, Bilbon adingabe bat bahitzen saiatzeagatik
Adingabea lagunekin ari zen jolasten, eta banku batean eserita zegoen emakume bat hurbildu zitzaien. Senidea zela esanda, adingabea besotik heldu eta berarekin eramaten saiatu zen. Gurasoen lagun batzuek gertatutakoa ikusi zuten, eta adingabeari galdetu zioten emakumea ezagutzen ote zuen.
EHUk uste du lehendakariak ez diola "behar besteko balioa eman unibertsitate publikoari" ikasturte hasierako ekitaldian egoteari muzin eginez
Horixe adierazi du Ixone Fernandez de Labastida Arabako Campuseko errektoreordeak Radio Vitorian egindako elkarrizketa batean, Imanol Pradales lehendakariak ikasturte hasierako ekitaldietan Mondragon, Deustu eta EHU txandakatzeko hartu duen erabakiaren harira.