BioNTechi txertoen ekoizpena handitzen laguntzeko prest agertu da Europar Batasuna
Europar Batasuna (EB) prest dago BioNTech enpresa alemaniarrari covid-19aren aurkako txertoaren ekoizpena handitzen laguntzeko, munduko ekoizpen-ahalmen eskasiaren ondorioz gertatzen ari diren arazoen aurrean. Hala esan du Stella Kyriakides Europako Osasun komisarioak: "Gure ustez, mundu guztia txertaketaren erritmoari begira dago. Une honetan, botila-lepoa ez da eskaeren bolumenagatik sortu, baizik eta ekoizteko gaitasunik ez dagoelako munduan. Horixe gertatzen ari zaio BioNTechi".
BioNTech enpresak Pfizer estatubatuarrarekin garatutako txertoa da orain arte Europar Batasunean baimendutako bakarra, eta biztanle guztiak immunizatzeko eskasia dago une honetan. Horregatik, txertaketen moteltasunaren inguruko kritikak asko hazten ari dira, Alemanian eta Frantzian, batez ere. Pirinio Atlantikoetan, adibidez, txertaketa ez da hasiko astelehenera arte.
Egoera horretan, BioNTechek atzo iragarri zuen ekoizpen-gaitasuna handituko duela, eta egungo eskasia, neurri batean, Europar Batasunaren erosketa-politikari egotzi zion, prozesu hori munduko beste leku batzuetan baino motelagoa izan dela argudiatuz.
Europako Batzordeak 100 milioi euro eman zizkion BioNTech enpresari txertoa garatzeko eta 200 milioi dosi lotu zituen abenduan. 100 milioi dosi gehiago erosteko aukera ere badu.
Kyriakidesek gogorarazi duenez, Europar Batasunarekin kontratuak dituzten beste fabrikatzaile batzuen txertoak onartzear daude eta, hautagai guztiek oniritzia jasotzen badute, Europak 2.000 milioi dosi baino gehiago izango ditu eskuragarri. Bruselak lortutako dosiak modu proportzionalean banatzen dira gero herrialdeen artean.
Pfizer-BioNTech txertoaz gain, Europako Sendagaien Agentziak, hilabete honetan, urtarrilaren 6an hain zuzen ere, onartuko du Moderna estatubatuarrarena. AstraZenecak eta Oxfordek garatutakoak (Erresuma Batuan jada baimenduta dago), ordea, oraindik ez du EBn baimenik eskatu, baina laster egitea espero da.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.