MOEk Pfizerren txertoa baliozkotu du, "pauso bat" mundu osoan banatu ahal izateko
Pfizer eta BioNTech etxeek koronabirusaren aurka garatutako txertoaren larrialdiko erabilera baliozkotu du Osasunaren Mundu Erakundeak (OME), eta atea ireki dio aipaturiko txertoa munduko herrialde guztietan banatzeari. Duela urtebete pandemia hasi zenetik oniritzi hori jasotzen duen lehendabiziko txertoa da.
Baliozkotze horri esker, herrialdeek txertoa onartzeko beren prozesuak bizkortu ahal izango dituzte, txertoa inportatu eta jendartean banatzeko. Halaber, UNICEF edota Osasunaren Erakunde Panamerikarrari berau erosteko aukera ematen die, behar duten herrialdeetan banatzeko.
"Pauso oso positiboa da covid-19aren aurkako txertoa mundu osoan eskuragarri egotea bermatzeko. Baina nabarmendu nahi dut mundu osoan ahalegin handiagoa egin behar dela lehentasuna duten biztanleen beharrak asetzeko txertoen hornikuntza lortzeko", esan du Mariângela Simão Sendagai eta Osasun Produktuen Sarbiderako OMEren zuzendariorde nagusiak.
Hori dela eta, koronabirusaren aurkako txertoa garatzen ari diren konpainiei eskatu die OMEren esku utz ditzatela beren azterketak, txertoak ebaluatu ahal izateko. "Berebiziko garrantzia du munduko herrialde guztiak zerbitzatzeko eta pandemia gelditzeko beharrezkoa den hornidura kritikoa ziurtatzeak", gaineratu du.
Nazio Batuen Erakundearen arabera, Pfizer-BioNTech txertoak OMEk ezarritako ezinbesteko segurtasun eta eraginkortasun irizpideak betetzen ditu, eta covid-19ari aurre egiteko txertoa jartzearen onurak balizko arriskuak baino handiagoak dira.
Behin OMEk txertoa baliozkotu duenean, erakundeak bere sarea aktibatzen du tokian tokiko osasun agintariei txertoaren berri emateko.
Zure interesekoa izan daiteke
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.