Aintzane Pujanaren hilketa ikertzen jarraitzen du Ertzaintzak
Ertzaintzak Aintzane Pujana Echeverria 32 urteko donostiarraren hilketa ikertzen jarraitzen du. Urtarrilaren 1ean desagertu zen, eta astelehenean aurkitu zuten haren gorpua Aizarnazabalen (Gipuzkoa), kriminalitate-zantzuekin.
Ildo horretatik, Ertzaintzak herri horretako nekazalturismo bat miatu du azken orduetan, hildakoak bertan ostatu hartu zuela uste baitute. Halaber, hilotza agertu zen inguruan ere, Urola ibaian zein inguruetan, gertatutakoa argitzen lagun dezaketen aztarnen bila aritu dira ertzainak. Horrez gain, desagertuta egon zen egunetan zer egin zuen eta norekin egon zen argitzeko lanean ari dira.
Testuingur horretan, azken orduetan biktimarena izan daitekeen jertse gorri bat topatu dute. Rodrigo Gartzia Ertzaintzako zuzendariak Radio Euskadin azaldu duenez, hilotzak labanaz egindako zauriak ditu, baina azpimarratu du autopsiak argituko duela hilketa nola gertatu zen.
Zehazki, 11:00ak aldera topatu zuten Aintzaneren gorpua, Urola ibaitik gertu lanean ari ziren behargin batzuek.
"Aizarnazabalen jazotakoa ikertzen gabiltza, hilketarekin zerikusia duten pertsonak lehenbailehen epailearen aurrera eraman ahal izateko. Oraingoz, ordea, ez dugu inor atxilotu", zehaztu du Gartziak.
BIDEOA | Rodrigo Gartzia Ertzaintzako zuzendaria, Aizarnazabalgo krimenari buruz
Aizarnazabalgo Udalaren adierazpena
Bestalde, Aizarnazabalgo Udalak bere elkartasuna eta babesa helarazi dizkie Aintzane Pujanaren senideei eta lagunei une zail hauetan.
Ohar baten bidez, heriotza nola gertatu den ahalik eta azkarren argitzeko asmoz, Udalaren bitarteko guztiak Ertzaintzaren eskura jartzeko eta haiekin elkarlanean aritzeko prest agertu da Mari Carmen Agirre alkatea.
Zure interesekoa izan daiteke
Marta ekaitzak alertapean jarri du Estatuko hego-mendebaldea, euriteak, elurra, haizea eta olatuak tarteko
Leonardo depresioaren kolpea jaso ostean, Andaluzian eta Extremaduran euria gogotik egiten jarraituko du. Gaztela eta Leon eta Galizia ere alertapean izango dira, zaparradengatik, elurragatik eta kostaldeko arriskuagatik. Era berean, Madrilen eta Gaztela-Mantxan hainbat ibaik gainezka egin dezaketela eta, alerta ezarri dute. Asturiasen, azkenik, San Juan de la Arena herriko kai-muturrean desagertutako emakume baten bila ari dira.
Pertsona baten gorpua berreskuratu dute Bilboko itsasadarrean, udaletxearen aurrean
Gorpua 10:30ak aldera aurkitu dute, eta berehala berreskuratu dute. Ertzaintzak ikerketa abiatu du gertatutakoaren nondik norakoak argitzeko.
%20EFE?fmt=webp-alpha&qlt=80)
Denboraleak atsedena eman du Andaluzian, hildako bat eta etxetik kanpo 8.000 pertsona utzita, baina okerrena iristear dago
Leonardoren ostean, Marta depresioa iritsiko da asteburuan, emariaren atalase gorrian 15 ibai baino gehiago dituen eremu batera.
Gizon bat atxilotu dute Gasteizen etxeko indarkeriagatik eta arma zuriz mehatxu egiteagatik
Gizona etxean gotortu da senide batzuekin eztabaidan izan ondoren. Emakume bat arin zaurituta eraman dute ospitalera.
Bilbo Handiko errepideak kolapsatuta egon dira, hiru autok eta kamioi batek talka egin ostean
Txorrierriko igarobidean gertatutako istripuaren ondorioz, bi errei itxi dituzte Donostiarako noranzkoan, eta ilarak BI-10 errepideraino iritsi dira.
Indarkeria zantzuak dituen gizon baten gorpua aurkitu dute Ganguren gainaren inguruan
Ertzaintzaren lehen ikerketei esker jakin dutenez, Barakaldoko 60 urteko gizon bat da, eta asteazkenetik zegoen desagertuta.
Denis Itxasok 200 zuzkidura-bizitoki iragarri ditu Loiolako Erriberetarako, alkateak 400 iragarri ostean
Etxebizitza eta Hiri Agendako sailburuak "lanerako hipotesi gisa" planteatu ditu zenbaki horiek. Jon Insausti Donostiako alkateak bezperan adierazi zuten eraiki beharreko pisuak halako bi izango zirela.
Gizon bat atxilotu dute Madrilen, alaba adingabeari sexu erasoak egin eta sarean zuzenean emateagatik
Atxilotuak material pornografikoa eskaintzen zuen aplikazio batean, txanpon birtualen truke. Epailearen aurretik igaro ondoren, baldintzarik gabe espetxeratzeko agindu zuen, haur pornografia eta sexu erasoak leporatuta.
Pertsona bat atxilotu dute Arrontegiko zubitik oinez zihoala
Atxilotuak uko egin dio bertatik alde egiteari eta bere burua identifikatzeari, nahiz eta arrisku handia izan berarentzat eta gidarientzat.
Gorpu bat aurkitu dute Malagan, emakume bat ibaira erori zen tokitik gertu
Guztira, 8.000 pertsona ebakuatu dituzte Andaluzian Leonardo depresioaren ondorioz. Aurreko egunetan baino euri gutxiago egin du gaur, ostirala, baina asteburuari begira Marta izeneko depresio batek euri zaparrada mardulak eragingo ditu.