Madrilerako trenak eta hegaldiak bertan behera geratu dira elurragatik
Filomena borraskak sortutako elur ekaitzaren ondorioz, bertan behera geratu dira Euskal Herria Madril eta Bartzelonarekin lotzen duten trenak eta Madrilgo aireporturako hegaldiak.
Larunbatean Madrilera heldu eta bertatik irten behar ziren tren guztiak bertan behera utzi ditu Renfek, elurra eta hotzagatik. Neurri horiek Euskal Herritik etorritako tren bidaiei eragin die, eta gutxienez igande eguerdira arte egongo da indarrean. Gainera, Renfek Madrilgo aldiriak ere bertan behera utzi ditu.
Gainera, Bartzelona eta Donostia eta Bartzelona eta Bilbo arteko distantzia luzeko trenak ere bertan behera uztera behartu du eguraldi txarrak, Adifek esan duenez.
Aldirietako trenak normaltasunez ari dira ibiltzen Bilbon eta Donostian.
Bestalde, Madrilgo Barajas Adolfo Suarez aireportuak larunbateko operazio guztiak gelditu ditu, elur ekaitzak ikuspenari eta plataforma eta pisten egoerari eragiten dielako. Ondorioz, Bilbotik, Donostiatik eta Iruñetik irten beharreko hegaldiak bertan behera utzi dira.
AENAk Twitterren esan duenez, segurtasuna bermatzeko hartu dute aireportua ixteko erabakia, eta bidaiariei hegaldien egoera airelineekin kontsultatzea gomendatu die.
Jose Luis Abalos Garraio eta Mugikortasuna ministroak esan duenez, Barajasen normaltasuna itzultzea "baldintza meteorologikoen araberakoa" izango da, eta ordu honetan "argi dago ez dagoela aukerarik" horretarako. "Gauean pistaren bat prestatu ahal izateko aurreikuspenarekin lan egiten ari gara", esan du Abalosek.
Atletico-Athletic, elurragatik bertan behera
Elurtearen eraginez, Athleticen hegazkinak ezin izan zuen atzo Barajasen lur hartu, eta Bilboko taldea Bizkaira itzuli behar izan zuen. Ligak azaldutakoaren arabera, "denboraleak eragindako ezohiko egoeraren" eta "zelaia baldintza egokietan izateko arazoen" ondorioz gaur arratsaldean Madrilen jokatzekoa zen Atletico Madril-Athletic partida atzeratu egin dute.
Albiste gehiago gizartea
Sindikatuek "propagandatzat" jo dute Osakidetzak Lehen Mailako Arretako 13 zentrotan psikologia zerbitzua eskainiko duela iragarri izana
ELA eta LAB sindikatuek ohartarazi dutenez, psikologo hauek "ez dute espezialitaterik, eta ezin izango dute tratamendurik diagnostikatu edo bideratu". Lehen Mailako Arretako osasun zentroetan psikologia zerbitzua ezarriko duen proiektu pilotua aurkeztu die Eusko Jaurlaritzako Osasun Sailak Osakidetzako sindikatuei. Osasun Sailak iragarri duenez, helburua "anbulatorioetako arreta emozionalaren irisgarritasuna hobetzea" da.
44 urteko gizonezko bat hil da Arrigorriagan, autoarekin BI-3723 errepidetik AP-68ra erorita
Lau metrotan behera erori da ibilgailua. Pertsona bakarra zihoan barruan, eta tokian bertan zendu da.
EITBren "Glaziarrak agurtzen" lanak aitortza lortu du nazioarte mailan, Venice TV Awards sarietan
Nazioarteko telebista-programen berrikuntza eta bikaintasuna saritzen dituzte Veneziako Telebista golardoek, eta Cross Platform Programming atalean izendatu dute proiektua, EITBk eduki berritzaile eta hainbat euskarritan emititzearen alde egindako apustua aitortuta. Glaziarrak agurtzen PRIMERANen, Euskal Telebistan eta ORAINen estreinatu zen, guztietan egokitutako lengoaia eta formatuak erabilita.
Osakidetzak psikologia zerbitzua emango du Lehen Arretako 13 zentrotan
Gipuzkoako lau zentrotan, Arabako bitan eta Bizkaiko zazpitan arituko dira psikologoak. Lehen Arretako gaixoen ongizate emozionalaren erreferente izango dira psikologo horiek, kasu arinenak ere artatuz, eta familia-medikuaren eta ospitalez kanpoko osasun mentala artatzeko zentroen arteko bitartekari moduan jardungo dute.
Aurkikuntza arkeologiko oso garrantzitsua Iruñean: Barbazan dorrearen barruan dagoen Kalonjeen atea
Iruñean, arkeologia aurkikuntza bat da albiste. Katedral ondoan dago eta Joseba Asiron alkateak eta urbanismo batzordeak bisitatu berri dute. Aurkikuntza ikusgarri eta garrantzitsuaz mintzatu da Iñaki Sagredo arkeologoa. Nahi izanez gero, bisita gidatua egiteko aukera dago.
Giza Eskubideen Behatokiak kereila bat bultzatu du 1974ko Asturiagako segadagatik
Behatokiak iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzengatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu-esplotazioa eta sexu-eraso saiakera bat egitea leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.