Leioan agertutako eskeletoa 60 bat urteko gizon batena da, eta eskopeta tiroak ditu
ETBk jakin ahal izan duenez, Leioako (Bizkaia) Sarriena auzoan agertutako eskeletoa 60 bat urteko gizon batena da, eta eskopeta tiroak ditu.
Kriminalitate zantzuak egon litezke, baina ikertzaileek ez dute istripuaren hipotesia baztertzen. Gorpuak 20 bat urte daramatza zonaldean, izan ere, poltsikoetan pezetak eta euro-bihurtzaile bat topatu dituzte.
Gorpuzkiak Auzitegiko Medikuntza Institutura eraman dituzte dagoeneko, bihar, astelehena, autopsia egin dezaten.
Bitartean, Ertzaintza DNA aztertzen ari da, garai hartan desagertutako pertsonekin alderatzeko.
Larunbat arratsaldean gorpuzkiak agertu ziren Leioako zelai batean, eta Ertzaintza auzia ikertzen ari da. Argi faltak bilaketa bertan behera utzi zuen larunbat arratsaldean. Goizeko lehen orduan lanari heldu diote berriro, Segurtasun Sailak jakitera eman duenez.
Zelaia sasiz garbitzen ari zen partikular batek hezurrak aurkitu zituen larunbatean, 17:30 aldera, Sarriena auzoko lursail batean. Ertzaintza bertaratu egin zen eta zonaldea arakatu zuen.
Larunbat iluntzean, argi falta zela eta, bilaketa bertan behera utzi zuten, baina, esan bezala, goizean lanari heldu diote berriz. Helburua lagin gehiago bildu eta horiek aztertzea da, gorpuzkien jatorria zehazteko.
Zure interesekoa izan daiteke
Gorpu bat agertu da Zaratamoko Arkotxa auzoan, errepide ondoan
Igande arratsaldean aurkitu dute gorpua, abandonatutako hainbat industria-pabiloiren ondoan. Ertzaintzak ikerketa abiatu du gertatutakoa argitzeko.
Israelek "nazioarteko zuzenbidea urratu" duela salatu dute Iruñean
Elkarretaratzean, atxilotutako bi ekintzaileak askatzeko eta ontziei Gazara iristen eta laguntza humanitarioa ematen uzteko eskatu dute, besteak beste.
Putzu handiak egin dira Jundizko industrialdean euriteen ondorioz eta urak trenbidea zein errepideak hartu ditu
Iluntzean Gasteizen bota duen erauntsiak putzu ikaragarriak sortu ditu Jundizko industrialdean. Irun eta Madril lotzen dituen trenbideko zati bat urak hartu du. Industrialdeko errepideak ere hartu ditu urak, eta ibilgailuak kontu handiz igaro behar izan dute bertatik.
1.500 emakumek erasoak jasan dituzte Euskadin martxora arte, % 69,4k bikotekideek edo bikotekide ohiek eragindakoak
Delitu motaren arabera sailkatuta, ugaritu egin da familia barruko indarkeria —ez ditu bikotekideak edo bikotekide ohiak kontuan hartzen—. Guztira, 298 biktima izan dira martxora arte, hau da, aurreko urtean baino % 11,6 gehiago, Emakumearen Euskal Erakundeak (Emakunde) bildutako datuen arabera.
Astelehenean epaituko dute Baionako bestetan Eric Courdyren hilketagatik auzipetutako Jerome Verin boxeolari ohia
2024ko uztailaren 11n, Baionako bestetan, Eric Courdyri eraso egin zion Jerome Verin boxeolari ohiak, eztabaida baten ostean, autobus geraleku batean. Sei egun koman eman ondoren hil zen Courdy.
Foruzaingoak aisiarako bederatzi lokal erregistratu ditu Iruñerriko bost udalerritan
Operazioan, 20 akta ireki dituzte, drogak konfiskatzeagatik, eta hiru pertsona salatu dituzte, erresistentzia eta desobedientzia egotzita, eta beste bi, debekatutako armak eramateagatik.
Muskizen piztutako sutearen ondorioz 40 familia urik eta gasik gabe daude
Udalak behin-behineko komun batzuk jarri dizkie kalean, eta kiroldegira joan behar dute garbitasunetarako. Oinarrizko zerbitzu horiek lehenbailehen berreskuratzeko, buru-belarri ari dira lanean. Sua garajean hasi zen, eta Ertzaintzak gertatukoa ikertzen jarraitzen du.
Astelehen honetan hasiko da Maialen Mazonen ustezko hiltzailearen aurkako epaiketa
Hilaren 15era arte dago programatuta, eta herri epaimahaia osatuko duten herritarrak aukeratuta hasiko da. Akusazioek 45 urteko kartzela zigorra eskatzen dute ustezko hiltzailearentzat, Zigor Kodeak baimentzen duen zigorrik handiena.
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.
72 urteko mendizale bat hil da Serantesen
Bizkaiko mendiaren hegal batean aurkitu zuten hilda, hainbat orduz haren bila aritu ondoren.