Orratzik eta kargarik gabeko txertaketak, ‘Vacuna Show’ bideoaren gezurrak
eitb.eus-eko erabiltzaile batek sareetan bolo-bolo dabilen bideo batean jarri du arreta. Dokumentuak txertaketa ezbaian jartzen du. Txertoa jarri beharrean, txertaketa efektu optikoa dela aditzera ematen du bideoak, erabiltzaileak azaldu duenez.
Bideoak 4:14 minutuko iraupena eta 'Vacuna Show' izenburua du. 'The Simpsons' marrazki bizidun ospetsuen irudiekin hasten da dokumentua, eta mezu irmo batekin bukatzen da: "sorginkeriatik esnatu".
Covid-19aren aurkako Pfizer txertoaren ustezko irudi bat agertzen da bideoan, eta Txinan ekoizten ari direla esaten da. Baina txertoa ez dira Txinan egiten ari. Pfizer eta BioNTech konpainiak ekoizpen sare bat erabiltzen ari dira Alemanian, Belgikan eta Ameriketako Estatu Batuetan.
Era berean, politikarien ustezko txertaketa faltsuak azaltzen dira bideoan. Horrela, Kamala Harris AEBetako presidenteordea txertoa jasotzen ikus daiteke, baina orratzik gabe. Hala ere, bereizmen handiko bideo berak xiringaren orratza ikusteko aukera ematen du, maldita.es atariak zehaztu duenez. Beni Ben Muvchar Israelgo politikaria txertoa jasotzen agertzen da, baina orratz, karga eta xiringaren enboloa sakatu barik.
Gainera, covid-19aren aurkako txertaketan erabiltzen diren xiringetako orratzak desagertzen direla azken asteetan zabaldutako bideoan aipatzen den beste gezur bat da. Orratzak ez dira desagertzen; bilkorrak dira. 2015ean Munduko Osasun Erakundeak (MOE) orratz mota horiek erabiltzea eskatu zuen, osasun langileak babesteko.
Nancy Pelosi AEBetako Ordezkarien Ganberako presidentea bideoaren beste zati batean azaltzen da. Ustez txertoa tapoia jarrita jasotzen du AEBetako buruzagiak. Beste gezur bat da; izan ere, tapa gisa aurkezten dutena xiringaren beste zati desberdin bat da, orratzaren atzealdean dagoena.
Annastacia Palaszczuk Queenslandeko (Australia) lehen ministroaren irudiekin gauza bera gertatzen da, xiringa estalkiarekin agertzen baita. Txertoen aurkako teoria indartzeko erabili dituzte irudiak, eta politikaria txertoa jaso ez zuela argudiatzeko. Azkenik, Cristina Kirchner Argentinako presidenteordea beste argazki batean agertzen da, ustez “orratzik gabe” txertoa jasotzen.
Zure interesekoa izan daiteke
EHUk urte akademikoa abiatu du, AAren arriskuez jakitun eta "eredu propioa" aldarrikatuz
Joxerramon Bengoetxea errektoreak azpimarratu du auzia ez dela adimen artifiziala "deabrutzea, harekiko erabateko mendekotasuna" saihestea baizik. Finantzaketari dagokionez, Juan Antonio Perez Iglesias sailburuak uste du "egingarria" dela bost urteko epean finantzazioa Europako mailara iristea.
Olarizuk agur esan dio udari, musika, babarrunak eta bertoko produktuak lagun
Iraganeko ohitura da Olarizukoa. Hiria mugatzen zuten mugarriak ikuskatzen hasi ziren agintariak, inguruko herriek lurra lapurtu ez zitzaten. XIX. mendearen erdialdean gertatu zen hori, eta gaur egun erromeria herrikoi bihurtu da tradizioa.
Emakume bat ikerketapean dago, Bilbon adingabe bat bahitzen saiatzeagatik
Adingabea lagunekin ari zen jolasten, eta banku batean eserita zegoen emakume bat hurbildu zitzaien. Senidea zela esanda, adingabea besotik heldu eta berarekin eramaten saiatu zen. Gurasoen lagun batzuek gertatutakoa ikusi zuten, eta adingabeari galdetu zioten emakumea ezagutzen ote zuen.
EHUk uste du lehendakariak ez diola "behar besteko balioa eman unibertsitate publikoari" ikasturte hasierako ekitaldian egoteari muzin eginez
Horixe adierazi du Ixone Fernandez de Labastida Arabako Campuseko errektoreordeak Radio Vitorian egindako elkarrizketa batean, Imanol Pradales lehendakariak ikasturte hasierako ekitaldietan Mondragon, Deustu eta EHU txandakatzeko hartu duen erabakiaren harira.
Heriotzen kopurua jaiotzena baino ia bi aldiz handiagoa da EAEn
Heriotzak 6.253 izan ziren urteko lehen hiruhilekoan, aurreko urtean baino % 0,8 gutxiago, eta jaiotakoak bainoa 3.008 gehiago.
Espainiako Abokatu Kristauen Fundazioak hiru urteko espetxe-zigorra eskatu du Bernedoko udalekuen auzian ikertutako 15 kiderentzat
Gasteizko Instrukzio Epaitegiak gaur hartuko die deklarazioa 15 ikertuei, eta testuinguru horretan egin du iragarpena herri-akusazio gisa ari den elkarteak. Bestalde, euskal udalekuetako kideek adierazi dute ez dutela prozesuaren berri emango, adingabeen eskubideak babesteko.
Lanbide Heziketak ia 8.000 plaza gehiagorekin ekin dio ikasturteari, bi gradu bikoitz berrirekin
Ia 75.000 plaza eskaini dira eta oraingoz 51.000 ikasle pasatxok eman dute izena (matrikulatzeko epea urriaren 16ra arte egongo da zabalik). Ikasturte hasierako ekitaldian lehendakariak azpimarratu duenez, egungo LHa "Txapeldunen Ligan" dago eta hezkuntza sistema hobetzeko "ardura partekatua, autokritika eta autoestima" eskatu ditu.
Txinak konfrontazioa baztertu du AAren inguruko eztabaidan, eta "ongira bideratutako" teknologia defendatu du
Pekinek adimen artifizial ireki eta inklusiboaren nazioarteko araubidea eskatu du, eta ohartarazi du mehatxu-diskurtsoek eta "asmo txarreko lehiak" haren gobernantza oztopatzen dutela.
Uda beteko tenperaturak astea hasteko : gaur 30 graduak gaindituko dira aste erdian udazken giroari bide eman aurretik
Nafarroako hainbat tokitan, Iruñean eta Erriberan kasu, termometroak 35 graduraino iritsiko dira gaur. Bihar goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera.
Normandiako Lehorreratzetik Markinara: Abelek Bigarren Mundu Gerrako kamioneta bat du egurra garraiatzeko
Bigarren Mundu Gerrako kamioneta bat dabil Markina-Xemeingo mendietan. Abel Ibarluzea jabeak egurra garraiatzeko eta beste baserriko beste zenbait lanetarako erabiltzen du. Garai batean, Euskal Herrian ohikoa zen AEBko armadaren gerra-ibilgailu hauek ikustea. Gaur egun, Abelena da geratzen den bakarrenetako bat.