Gasteizen, Getxon, Santurtzin eta Hernanin murrizketa gehiago dituzte gaurtik aurrera
Euskal Autonomia Erkidegoko 63 udalerrik ezin izan dituzte tabernak eta jatetxeak ireki astearte honetan covid-19aren pandemiaren bilakaera dela eta. Udalerri horietan ere, ez da eskola-kiroleko entrenamendurik izango.
Osasun Sailak jakitera eman duenez, azken 14 egunetan 100.000 biztanleko kasu positiboen 500eko intzidentzia-tasa metatua gainditu duten udalerriak honakoak dira: Gipuzkoan, Andoain, Azpeitia, Hernani, Lasarte-Oria, Orio, Pasaia, Tolosa, Urnieta, Villabona, Zumaia eta Zumarraga; Bizkaian, Abanto, Arrigorriaga, Balmaseda, Zornotza, Bermeo, Bilbo, Derio, Durango, Elorrio, Galdakao, Gernika-Lumo, Gueñes, Getxo, Lekeitio, Markina-Xemein, Mungia, Muskiz, Ortuella, Santurtzi eta Trapagaran; Araban, Gasteiz eta Agurain.
Bestalde, neurriak aplikatzeko beharra duen egoera epidemiologikoa bizi duten 5.000 biztanletik beherako udalerrien zerrendan, ondorengo udalerriak daude: Gipuzkoan, Aizarnazabal eta Zestoa; Bizkaian, Ajangiz, Arrieta, Bakio, Forua, Gamiz-Fika, Munitibar, Iurreta, Kortezubi, Laukiz, Loiu, Jatabe, Muxika, Mundaka, Gizaburuaga, Lantaron, Zamudio eta Ziortza-Bolibar; Araban, Arratzua-Ubarrundia, Berantevilla, Erriberabeitia, Iruña Oka, Bastida, Guardia, Lantziego, Legutio, Donemiliaga, Villabuena eta Zuia. Horien egoera epidemiologikoak ostalaritza ixtea eskatzen du, Gotzone Sagarduik zuzentzen duen sailaren esanetan.
Osasun Sailak zerrenda bat argitaratuko du astelehenero eta ostegunero, murrizketa berezi horiek jasango dituzten "eremu gorriko" udalerriak zeintzuk diren zehazteko. Ebazpen horiek indarrean jarraituko dute, harik eta beste ebazpen batek azken aldaketak jasotzen dituenera arte. Osasun sailburuordeari horren kontrako errekurtsoa aurkeztu ahalko zaio, hilabeteko epean, ebazpena argitaratu eta hurrengo egunetik aurrera.
Albiste gehiago gizartea
Oraindik ere ikusten da ostiraleko sutearen ke arrastoa Gasteizko LEA-Lascaray enpresan
Gasteizko LEA-Lascaray enpresaren atarian hau da gaurko irudia. Oraindik ke arrastoa ikus daiteke, ostiraleko zoritxarreko sutearen ondorioz. Sugarrak kontrolpean dituzte, baina guztiz amatatu gabe daude oraindik. Enpresa erabat suntsituta geratu da, baina jabeek berreraiki egingo dutela jakinarazi dute.
Nico Williamsen irudia ezabatu dute ezezagunek, Barakaldon margotu zieten muraletik
Pintaketa bat agertu da Athleticeko jokalaria agertzen zen espazioaren gainean: "Joan edo geratu, errespetua galdu duzu". Bartzelona Futbol Klubaren balizko fitxaketarekin lotuta egon daiteke erasoa. Muralaren egilea oso haserre agertu da eta Athleticetik adierazi dute "Carlos Lopezen muraletik Nico Williamsen irudia ezabatu dutenek" ez dutela "Athletic ordezkatzen".
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.