Sei pertsona hil dira eta 228k positibo eman dute Nafarroan

Heriotza horietako lau atzo jazo ziren, eta bi aurreko egunetan.

Baheketa masibo bat. Artxiboko argazkia: EFE

EITB MEDIA

2021/01/28 - 09:59

Azken eguneratzea

2021/01/28 - 21:24

Sei pertsona gehiago hil dira Nafarroan koronabirusarekin, lau atzo eta bi aurreko egunetan, Foru Gobernuak jakinarazi duenez. Gainera, azken 24 orduetan beste 228 kasu positibo zenbatu dituzte. Orotara 1.882 PCR egin dituzte, eta 1.243 antigeno test, eta horietako % 7,3 izan dira positibo.

Atzo hildakoak 81 eta 83 urteko bi gizon eta 85 eta 97 urteko bi emakume dira. Era berean, aurreko egunetan 65 eta 93 urteko bi emakume hil ziren.

Osasunbidearen arabera, atzo 19 pertsona ospitaleratu behar izan zituzten Nafarroan; horietako bi, Zainketa Intentsiboetan.

Kasu positibo berrien batez besteko adina 39,3koa da, eta, generoari dagokionez, % 56 emakumeak dira, eta % 44, gizonak.

Orotara, 190 pertsona daude ospitaleratuta Foru Erkidegoan koronabirusagatik (atzo baino bat gutxiago): 32 Zainketa Intentsiboetan, 139 geletan eta 2 etxeko zaintzarekin.

Covid-19aren pandemiak 1.273 positibo berri utzi ditu Euskadin azken orduetan, aurreko egunean baino 169 gehiago. Kopuru hori ez zen EAEn ematen azaroaren 12tik. Covidaren positibotasun tasa % 8,2ra igo da, proba diagnostiko gutxiagorekin. Gainera, Gipuzkoak Bizkaiko eta Arabako bideari jarraitzen dio, eta gune gorrian sartzen da, transmisio handia duelako.

Espainiako Gobernuak beste 34.899 kasu berri atzeman ditu gaur, eta azken orduetan 515 heriotza izan dira Estatuan. Gainera, 100.000 biztanleko inzidentzia 889koa da, atzo baino 10 puntu gutxiago, beraz, kutsatzeen erritmoa mantsotzen ari da.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, espazio publiko itxietan, garraio publikoan eta udalerri eta hiri nagusietan da derrigorrezkoa.

Albiste gehiago gizartea

Arantzazura eraman dituzte jada Donostian kalean bizitzen egon diren Maliko 50 migratzaileak

Gurutze Gorriak Oñatira eraman ditu gaua Donostian igarotzen zuten Maliko migratzaileak, aldi baterako ostatu batera. Amara auzoan kalean zeuden 50 afrikarrei Arantzazuko aterpean eman diete ostatu, asilo eskaria bideratu bitartean. Ostiral honetan eraman dituzte Amara Berri ikastetxe publikotik, Donostiako Kofradien plaza ondotik.

Joxe Mari Kortaren Bidetik Fundazioak amaiera eman dio bere ibilbideari, enpresaburua hil eta 25 urtera

Gaur 25 urte bete dira ETAk Joxe Mari Korta enpresari zumaiarra hil zuenetik. Haren familiak eta lagunek omenaldi xume bat egingo diote Arroako hilerrian. Urteurren borobil honekin bat eginez, bukatutzat emango da berak ordezkatzen zituen balioetatik abiatuta sortutako fundazioaren lana.

Bidarten chikungunya bigarren kasu autoktonoa antzeman dute, tigre-eltxoek transmititzen duten gaixotasuna

Ipar Euskal Herriko autoritateek herria fumigatuko dute larunbat goizaldean, abuztuaren 9an, 03:00etan.

18:00 - 20:00

Gizon bat atxilotu dute Bilbon, Atxuri auzoko eraikin bateko fatxadari su emateagatik

Suak ez du inor zauritu. Sutea telefono mugikor batekin grabatzen topatu dute inguru horretan atxilotutako gizona.

Aner Uriarte Bilboko epaile dekanoak ukatu egin du euskararen aurkako epailerik dagoenik: "Asmakeria bat da"

Lan-eskaintza publiko batzuek ezarritako euskara-baldintzak aldatu dituzten azken epaiei dagokienez, Aner Uriarte Bilboko epaile dekanoak ukatu egin du justizia-administrazioan euskararen aurkako ideia "hitzartua" dagoenik.

Gasteizko Mugimendu Feministak "intentsitate handiko" bi sexu-eraso salatu ditu ostegun gauean

Elkarretaratzea larunbat honetan izango da, 20:00etan, Andre Maria Zuriaren plazan. Azken erasoak salatzeaz gain, erasotzaileengan jarri nahi dute arreta.

Detalle de la vértebra cervical infantil de un niño o niña de entre 2 y 5 años con marcas de corte que evidencian prácticas de canibalismo por parte de sus congéneres.

Neolitoko kanibalismoaren aztarna berriak aurkitu dituzte Atapuercan

Ikertzaile talde batek gutxienez 11 pertsonaren aztarnak aurkitu ditu Atapuercako aztarnategian. Azaldu dutenez, aztarnek 5.700 urte inguru dute, eta larrutu, hezurra eta haragia bereizi, kozinatu eta kontsumitu izanaren markak dituzte.

Atun gorria gizentzeko Getariako uretan Aztik eta Balfegok dituzten kaioletan lehenengo 50 hegalaburrak sartu dituzte

Hegalaburraren lehen 50 aleak Getariako gizentzeko itsas haztegiko bi kaioletan daude dagoeneko. Tunidoak sardina eta berdel izoztuekin elikatuko dituzte urriaren amaierara arte, eta hil horren amaieran sakrifikatuko dituzte. Hartuko dituzten kiloak gantza dira, atunaren haragian sartzen den koipea.

Donostiako Amara auzoan kalean bizi diren 50 pertsona migratzaileei Arantzazun ostatu emango diete

Gipuzkoako Foru Aldundiak, Donostiako Udalarekin lankidetzan, aldi baterako ostatu bat prestatu du Oñatin.

Edurne eta Zeledon Txikiren jaitsierak Andre Maria Zuriaren plaza bete du txikien egunean

Aiora Diaz, Los Alegrios kuadrillako 12 urteko neska, eta Eñaut Saenz de Viteri, Galtzagorri kuadrillako 10 urteko blusa, izan dira aurtengo Edurne eta Zeledon Txiki. Eguerdian, txupinazoarekin batera, Zeledon Txikiren eta Edurneren panpinak San Migel elizako dorretik jaitsi dira. Ondoren, Aiora eta Eñaut elizako balkoira itzuli dira eta, handik festaz gozatzeko deia egin diete Gasteizko haur guztiei.