Alberto Martinez, medikua: "40 urtez azpikoak dira ZIUetan dauden gaixoen % 35"
Gurutzetako ospitalean bi gune berri atondu dituzte koronabirusa izan gabe zainketa intentsiboak behar dituzten gaixo larriak artatzeko. "Egunero hazten ari da ZIUetan sartzen diren gaixo kritikoen kopurua", azaldu du Alberto Martinez Ruiz Gurutzetako ospitaleko Anestesia eta Bizkortzeko zerbitzuburuak Radio Euskadiko "Boulevard" saioan egin dioten elkarrizketan.
Nahiz eta aurreikuspenak "onak ez izan" eta "ospitaleratzeen hazkundeagatik kezkatuta" agertu, Gurutzetan bosteko kontingentzia eskalan hirugarrengoan daude gaur egun eta, ondorioz, "oraindik ere jarduteko tartea" dutela azpimarratu du.
Iazko martxotik, "gaixo kritikoen oheak % 30 hazi dira. Orain, 8 ohe gehiago ireki dira", azaldu du Martinezek, eta "beharrezkoa den heinean Zainketa Intentsiboko Unitate berriak irekitzeko prest" daudela gaineratu du. Zainketa Intentsiboko Unitate horiek dituzten baliabideak gainerakoetakoak bezalakoak omen dira (bonbak, arnasgailuak, ...) eta tratamenduaren bermea ere, berdina.
Gurutzetako ospitalean, "Koronabirusaren Erresuma Batuko aldaeraz kutsatuta dagoen gaixo bat" dute Bizkortze zerbitzuan. Ildo horretan, lasaitasun mezua helarazi nahi die herritarrei: "Aldaera britainiarrak ez du zailtasunik sortzen diagnostikoan, ezta zaintza mailan ere".
Gaur egun Zainketa Intentsiboetako Unitateetan ospitaleratutako gaixoaren profila martxokoa baino "gazteagoa" da. "Badago gaixo talde bat, gazteak barne, aurretik patologiarik izan gabe ere gaizki heltzen dena. Ez dakigu zergatik batzuk gaizki dauden eta beste batzuek, ostera, ez duten sintomarik". Gurutzetako Anestesia eta Bizkortze zerbitzuburuak adierazi duenez, "Zainketa Intentsiboetako Unitateetan ospitaleratutako gaixoen % 30-35 inguru 40 urtetik beherakoak dira".
Martinez Ruizen iritziz, kontuan hartu beharreko bi kontu daude: "Batetik, sintomarik gabeko gaixo batek bere etxean bakartuta egon behar du, bestetik; positibo batekin harreman zuzena izan duen batek, PCR negatiboa izanda ere, bere etxean isolatuta egon behar du 10 egunez, gainerako herritarrak arriskuan ez jartzeko".
Alberto Martinezen hitzetan, lehen olatuan Estatuko biziraupen tasarik altuena izan zuten Gurutzetan, besteak beste, gaixo kritikoen unitateak egokitzen jakin zutelako. Gaineratu duenez, horrek eragin zuen "hilkortasuna % 20 ingurukoa izatea". Madrilgo ospitaleetan, gaixo kritikoentzako espaziorik ez zegoenean, "hilkortasuna % 40-50ekoa izan zen".
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.