Urkulluk espero du LABIren hurrengo bileran neurri zorrotzagoak hartu behar ez izatea
Iñigo Urkullu lehendakariak espero du Euskadiko Babes Zibileko Planaren (LABI) otsailaren 12ko bileran neurri zorrotzagoak hartu behar ez izatea, "baina covid-19aren pandemiaren bilakaerak esango du murrizketak indartzea beharrezkoa den ala ez". Azken lau egunetako joerak erakutsi du egoera "egonkortu" egin dela Euskal Autonomia Erkidegoan.
Lehendakariaren esanetan, datorren asteko ostiralean bilduko da LABI, eta beharrezkoa balitz bilera aurreratzeko asmoa erakutsi du asteazken honetan. Aurretik, baina, mahai teknikoak erabakiko du EAEn neurri berriak ezarri ala ez.
Aste Santuari buruz, Urkulluk azpimarratu du une honetan zaila egiten zaiola horretan pentsatzea: "Goiz da mugikortasun askea ekar dezakeen edozertan pentsatzeko, kutsatzeek gora egin dezaketela kontuan izanda. Espainiako estatuan 100.000 biztanleko 800 kasu daude". Horrekin lotuta, adierazi du 500 kasutik jaisteko denbora beharko dutela, eta azpimarratu du "egoera on batera" iristeko 60ra arte jaitsi behar direla kutsatzeak.
EAEko datuak "egonkortzen" ari direla onartu du (667,9 kasu 100.000 biztanleko azken 14 egunetan), baina "zuhurtziaz jokatu beharrean gaude". "Horregatik, euskal erakundeek egun batzuk itxarongo dute datuen bilakaera aztertzeko", azaldu du.
"Orain gure lehentasuna ez da indarrean dauden neurriak malgutzea; halere, baliteke aurrerago murrizketa batzuk arintzea. Datuek hobera egin eta neurri zorrotzagoak hartu behar ez izatea nahiko nuke. Hori da gure itxaropena", bukatu du Urkulluk.
85 heriotza aste bakarrean
Covid-19ak jota, 85 pertsona hil dira Euskadin azken astean, urtarrilaren 25etik 31ra, Eusko Jaurlaritzako Osasun Sailak emandako datuen arabera. Aurreko astean baino lau pertsona gutxiago hil dira.
Zure interesekoa izan daiteke
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.