Iritsi dira Oxford-AstraZenecaren txertoaren 1.600 dosi Ipar Euskal Herrira
Pfizer-BionTechek eta Modernak jada urratutako bide beretik, Oxford-AstraZenecaren covid-19aren aurkako txertoa baimendu zuen Sendagaien Europako Agentziak iragan astean, eta gaur bertan iritsi dira lehen dosiak Ipar Euskal Herrira.
Ordu zehatza ezagutzera eman ez bada ere, 1.600 dosi iritsi dira larunbat honetan Baionako ospitalera eta beste horrenbeste edo gehiago helduko dira, gainera, datozen egunetan.
50 urtez azpiko osasun langileei jarriko dizkiete txerto horiek, ez soilik ospitalean lan egiten dutenei, eta bihar bertan, igandea, hasiko dira txertaketak. Helburua, lehenbailehenen, osasun langile guztiak babestuta izatea da.
Ipar Euskal Herriko txertaketen datu ofizialik ez badago ere, otsailaren 2ra bitartean, 23.000 pertsonatik gora txertatu dituzte Pirinio Atlantikoetako Departamentuan. Lehen taldeetan daude 50 urtetik gorako osasun langileak, 75 urtetik gorako biztanleak, zahar etxeetako egoiliarrak eta patologia larriak dituzten gaixoak.
Arabara, Bizkaira, Gipuzkoara eta Nafarroara, astelehenetik aurrera
Espainiar Estatura ere gaur arratsaldean iritsi dira Oxford-AstraZenecaren txertoaren lehen dosiak. Osasun Ministerioak zehaztu duenez, 196.800 dosi iritsi dira, AstraZenecak Madrilen duen biltegian gordeko dira eta astelehenean hasiko dira autonomia erkidegoetara bidaltzen.
18 eta 55 urte bitartekoak txertatzeko erabiliko da AstraZenecaren formula eta lehen lerroan ez dauden osasun langileekin hasiko dira inokulazioak. Beste bi txertoek bezala, bi dosi behar ditu honek ere, baina 21 eguneko tartean jarri beharrean, 4 eta 12 aste utzi behar dira bi dosien artean. Hala, bigarren dosi hori 10. eta 12. asteen artean jartzea hobetsi du Espainiako Osasun Batzordeak.
Otsailean zehar 1.810.575 dosi bidaliko ditu AstraZenecak Espaniara, 1.779.579 Pfizer-BionTechek eta 412.000 Modernak. Guztira, 4 milioi dosi pasatxo izango dira. Martxoan, berriz, beste 2.750.040 dosi bidaliko ditu Pfizerrek eta AstraZenecak eta Modernak ere bidalketekin jarraituko dute.
Espainiako Gobernuaren aurreikuspenen arabera, Espainiako biztanleriaren % 70 immunizatuta iritsiko da udara, 33 milioi pertsona baino gehiago, alegia. Horretarako, baina, txerto kopuruak nabarmen gora egin beharra dauka eta horretan lagun dezakete laster Europan onar daitezkeen beste txerto batzuk: Sputnik V, Janssen, Novavax eta Curevac daude, besteak beste, hautagaien artean.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.