Lehen lerroan ez dauden sanitarioak txertatuko ditu Espainiak AstraZenecaren dosiekin
AstraZeneca konpainiak Espainiara bidaliko dituen lehen dosiak txertaketa estrategiaren bigarren eta hirugarren taldeetan sartzen ez diren osasun-langileentzat izango dira, hau da, lehen lerroan ari ez direnentzat. Hala erabaki zuen, atzo, erkidego guztietako ordezkariak biltzen dituen Espainiako Gobernuko Lurralde Arteko Osasun Kontseiluak.
Atzokoan, baina, ez zuten erabaki txerto horiek zein adinetatik aurrera jartzen hasiko diren, eta gaur batzartuko dira, berriro, gai hori aztertzeko. Europako herrialde nagusiek dagoeneko iragarri dute AstraZenecaren txertorik ez dietela jarriko 65 urtetik gora herritarrei, txertoaren eraginkortasuna adinekoengan ez baitago probatuta. 18 eta 55 urte bitartekoekin egin zituzten entsegu klinikoak, eta Medikamentuen Europako Agentziak adin tarte horretarako eman zion oniritzia Oxford Unibertsitateak eta konpainia farmazeutiko britainiarrak elkarlanean ondutako txertoari.
Txerto hori 65 urtetik gorakoei ez jartzea erabaki dute, besteak beste, Alemaniak eta Frantziak. Italiak eta Belgikak, berriz, 55 urteraino jaitsi dute adin muga. Espainiako Gobernuak, bere aldetik, orain arte zehaztu du 80 urtetik gorakoei Pfizer-BioNTech eta Moderna konpainien dosiak jarriko dizkieetela.
Fernando Simon Osasun Larrialdietarako Espainiako Koordinazio Zentroko zuzendariak asteon esan duenez, "oso litekeena" da AstraZenecaren txertoa "gazteagoei" bideratzea Espainian, "baieztapen zientifikoek hala aholkatzen dutelako".
"Egun, esku artean dugun informazioaren arabera, entsegu klinikoak ez dira egin 55 urtetik gorakoekin. Beraz, AstraZenecaren txertoa adin horretatik beherakoei jartzea da zuhurrena", nabarmendu du.
Hilabete honetan, covid-19ari aurre egiteko Europan baimenduta dauden hiru txertoen lau milioi dosi jasoko ditu Espainiako Gobernuak; horiekin, bi milioi herritar txertatzea aurreikusi dute, Espainiako Estatuko herritarren % 4 inguru. Txertaketa kanpaina gorabehera handiekin hasi bada ere, udarako herritarren % 70 immunizatuta egotea espero du Pedro Sanchezen Gobernuak.
Zure interesekoa izan daiteke
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Herri Urratsek Senpere bete du Seaskako ikastolen alde
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa da nagusi goizetik arratsera, baina aldarrikapenak ere presentzia nabarmena du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.