100 positibotik behera zenbatu dituzte Nafarroan, hilabeteren ostean
Nafarroan nabarmen egin du behera kutsatze kopuruak. Larunbat honetan 87 covid-19 kasu atzeman dituzte, bezperan zenbatutako positiboen (171) ia erdia.
Positiboen tasa, berriz, % 3,7an dago, eta guztira 2.350 proba egin dituzte (1.991 PCR eta antigenoen 359 test) Nafarroako osasun sistema publikoan, Foru Gobernuak jakinarazi duenez. Ospitaleen egoerari buruz zehaztu du 187 gaixo daudela covid-19k jota, eta hiru pertsona hil direla.
Hain zuzen ere, 74 urteko gizon bat eta 88 urteko bi emakume dira hildakoak. Emakumeetako bat duela egun batzuk zendu zen. Orotara, 1.055 heriotza izan dira covid-19arekin lotuta Nafarroan.
Bestalde, larunbatean sei ospitaleratze berri izan dira; horietako bat bera ere ez ZIUn.
Zonaldeka banatuta, Iruñerriak ditu kasu gehien (% 46). Lizarran positiboen % 9 pilatu dira, eta Tuteran % 6. Gainerako kasuak (% 39) Nafarroa osoan zehar daude banatuta.
Adin-tarteka, 45 eta 59 urteko bitartekoen artean izan du eraginik handiena covid-19ak azken egunotan (kasuen % 29). Gertutik jarraitzen dio 15 eta 29 urtekoen tarteak (kasuen % 21). Batezbesteko adina 43,5 urtetan dago.
Aipatzekoa da, halaber, positiboen % 59 gizonezkoak direla, eta % 41 emakumezkoak.
Osasunbideak emandako datuetan oinarrituta, 187 pertsona daude ospitalean covid-19ak jota (atzo baino bost gutxiago). ZIUn, berriz, 32 gaixo daude (atzo bezain beste), eta 15 lagunek etxean jasotzen dute arreta. Gainerako 140 pazienteak logela arruntetan daude.
Txertaketari dagokionez, 617 dosi jarri zituzten larunbatean. Horrek esan nahi du 34.497 direla dagoeneko gaur arte jarritako txertoak. Txertaketa prozesua, baina, 11.069 pertsonak amaitu dute, bigarren dosia hartuta.
Kasu berriak 632ra jaitsi dira EAEn
Covid-19aren pandemiarekin lotutako 632 kutsatze berri atzeman dituzte Euskal Autonomia Erkidegoan azken 24 orduetan, bezperan baino 315 gutxiago. Guztira, 10.104 proba egin dituzte, eta positiboen tasa % 6,2tik % 6,3ra igo da.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.