AstraZenecaren txertoa lehen lerrotik kanpo dauden osasun-langileengana irits liteke
Gotzone Sagardui Osasun sailburuari elkarrizketa egin diote astelehen honetan Radio Vitorian, eta bertan kontatu duenez, Espainiako Gobernua gaur hasiko da Astrazenecaren txertoaren ia 200.000 dosi erkidegoei banatzen; EAEk 9.000 dosi jasotzea espero du. Oxfordek eta AstraZenecak garatutako txertoaren dosiekin, hortaz, hiru dira dagoeneko EAEn jartzen ari diren txerto-dosiak.
Orain, txertoa nori emango dioten zehaztea faltako litzakete. Euskal Autonomía Erkidegoa Osasun Batzordearen irizpenaren zain dago, baina, itxura guztien arabera, lehen lerroan lan egiten ez duten eta 55 urte baino gutxiago dituzten osasun-langileentzako izango da, Gotzone Sagardui Osasun sailburuak Radio Vitorian azaldu duenez.
Nolanahi ere, Osakidetzak "agertoki guztiak prest" dituela ziurtatu du eta asteburu honetan mugakide diren erkidegoekin harremanetan egon dela esan du sailburuak.
80 urtetik gorakoak
Espainiako Prebentzio Medikuntzako Elkartearen gomendioen arabera, gizentasun morbidoa edo Down sindromea duten 70 urtetik gorako pertsonak dira txertoa hartzen hurrenak. Dena dela, sailburuak esan du EAEren asmoa 80 urtetik gorakoekin jarraitzea dela.
Egoera epidemiologikoari dagokionez, Osasun sailburuak esan du beheranzko joera ikusten hasi direla, baina prozesu motela izango dela. Ospitaleratzeen kopurua oraindik handia da, Sagarduiren hitzetan, eta, horregatik, jaitsiera hasten dela baieztatzen bada, oraindik bi aste faltako lirateke, gutxienez, ospitaleko presioak behera egiteko. Sagarduik gaineratu du 200era ez direla iristen koronabirus kasuak, baina gora egingo duela ohartarazi du.
Ostiral honetan LABIa bilduko da, eta gaur gune gorritik irten edo sartuko diren herrien zerrenda ezagutuko dugu. Bestalde, Eusko Jaurlaritzak eguerdira arteko epea du ostalariek lokalak ixteari jarritako helegiteari alegazioak aurkezteko. Gotzone Sagarduik ohartarazi duenez, itxiera eragozten bada, egoera korapilatu egingo da.
Zure interesekoa izan daiteke
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.
Arabako eta Gipuzkoako etxebizitzetan lapurretak egin zituen gaizkile talde bat desegin dute
Estatu osoan indarra erabiliz 25 lapurreta egin izana egozten diete, eta Araban lapurreta bat egin ondoren atxilotu dituzte taldea osatzen omen zuten lau kideak.
Mugimendu sismikoak izan dira Andaluzian, denboralearen ondorioz
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.