LABI teknikoak pandemiaren bilakaera aztertu eta balizko neurriak proposatuko ditu
EAEko Justizia Auzitegi Nagusiak eremu gorrian dauden udalerrietako tabernak eta jatetxeak zabaltzeko baimena eman ondotik, gaur bilera egingo du LABIren Batzorde Teknikoak. LABI teknikoak pandemiaren bilakaera aztertuko du, ondoren, LABIren Aholku Batzordeari proposamena igortzeko. LABI teknikoaren proposamena jasotakoan, bihar goizean, 09:00etan, batzarra egingo du LABIren Aholku Batzordeak.
LABIren Aholku Batzordearen bileraren osteko prentsaurrekoa zuzenean jarraitu ahalko da eitb.eus-en.
Ostalari batzuek beren taberna edo jatetxeak zabaldu dituzte, baina beste batzuek, berriz, bihar Eusko Jaurlaritzak hartzen duen erabakiaren zain egotea erabaki dute.
Dena dela, bilera horien atarian, Eusko Jaurlaritzak iradoki du litekeena dela murrizketak bere horretan uztea. Bingen Zupiria Eusko Jaurlaritzako bozeramailearen esanetan, egun indarrean dauden neurriak murriztaileak dira dagoeneko. Ildo horretan, mezua bidali die herritarrei. Horren esanetan, murrizketen helburua ez da sektore bat bera ere izorratzea.
Eusko Jaurlaritzaren azken dekretuaren espiritua mantentzen dela azpimarratu zuen atzo Bingen Zupiriak, eta ostalaritzari eragiten dioten neurriak gogorarazi zituen.
Ostiraleko LABI politikoak neurri guztiak berrikusiko ditu, ez bakarrik ostalaritzari dagozkionak. Ostalaritza alde batera utzita, eskola kirolaren eta mugikortasunaren inguruan erabaki dezakeenak piztu du arreta.
LABIren hurrengo bileran neurri zorrotzagoak hartu behar ez izatea espero duela adierazi zuen Iñigo Urkullu lehendakariak iragan astean.
EAEko Justizia Auzitegi Nagusiaren erabakiak eztabaida piztu du
EAEko Justizia Auzitegi Nagusiaren erabakiak hautsak harrotu ditu. Albistea ezagutu zen egun berean, Bingen Zupiria Eusko Jaurlaritzako bozeramaileak "bereziki larritzat" jo zuen Euskal Autonomia Erkidegoko Justizia Auzitegi Nagusiak osasun kontuak baloratzea.
Zupiriak esandakoaren ildo beretik mintzatu zen Gotzone Sagardui Osasun sailburua ere. Eusko Legebiltzarrean egindako agerraldian esan zuen EAEko Justizia Auzitegi Nagusiaren autoak ahuldu egiten dituela Eusko Jaurlaritzak osasuna zaintzeko dituen tresnak.
Ostalaritzaren sektorea, berriz, pozik agertu zen ebazpenarekin.
Adituek, bestalde, uste dute ez dela ostalaritza irekitzeko garaia.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.