Emakume bat oso larri dago Azagran bikotekideak "oso gogor" jo ostean
Emakume bat oso larri dago bere bikotekideak "oso gogor" eraso egin ostean, Azagran (Nafarroa). Gizona atxilotu dute genero indarkeriagatik. Biktima Nafarroako Ospitalegunera eramen dute helikopteroz.
Foruzaingoak esan duenez, gizon bat bere kabuz joan da Lizarrako polizia-etxera, bere bikotekidea hil zuela uste zuela esanez.
Biktima "oso gogor" jo du gizonak, baina emakumea bizirik zegoen udaltzainak bertaratu direnean. Helikopteroz eraman dute ospitalera.
Ustezko erasotzailea Lizarrako polizia etxean dago, atxilotuta ,epailearen esku geratzeko zain.
Errioxako Gobernuak ohar batean jakitera eman duenez, erasoaren biktima Errioxako Osasun Zerbitzuko erizaina da.
Elkarretaratzea
Nafarroako Gobernuak genero indarkeria kasua "irmo gaitzetsi eta errefusatu" du. Azagrako Udalak elkarretaratzea deitu du igande honetarako 12:00etan. Javier Remirez Foru Exekutiboko presidenteordeak eta Eva Isturiz Nafarroako Berdintasun Institutuko zuzendariak protestan parte hartuko dute.
Horrela, "emakumeen aurkako indarkeria mota guztien" aurkako arbuioa azaldu nahi du Nafarroako Gobernuak. "Emakumeen bizitza, askatasun, duintasun eta erabateko herritartasunaren kontrako indarkeria mota guztiak bukatzeko konpromiso irmoa", agertu du Foru Exekutiboak.
Horregatik, Nafarroako Gobernuak erakundeei, gizarte eragileei eta herritarrei elkarretaratzean parte hartzeko dei egin die, "indarkeria matxista aho batez errefusatzeko eta emakume biktimari babesa adierazteko".
Albiste gehiago gizartea
Gasteiz eta Bilboko aireportua lotzen dituen autobus linea berria abian da
Lehenengo autobusa 4:30ean irtengo da Gasteiztik, eta, azkena, 21:45ean. Loiutik lehen eta azken zerbitzuak, berriz, 6:30ean eta 23:30ean izango dira, hurrenez hurren.
Aske utzi dute apirilean Bilbon gizon bat indarkeriaz hiltzeaz akusatutako gizona, kautelazko neurriekin
Ertzaintzak atzo atxilotu zuen 30 urteko gizasemea, hilketaren ustezko egilea zelakoan. Baliteke atxiloketa gehiago egitea, jakinarazi dutenez.
Gizon bat espetxeratu dute Donostian emakume bat jo eta bortxatzeagatik
Gertakariak larunbat gauean izan ziren, Udaletik baieztatu dutenez.
TAO zerbitzua, udan: Bilbo, Donostia, Gasteiz eta Iruñean izango diren aldaketa nagusiak
Bilbon, larunbatetan eta jaiegunetan zerbitzua bertan behera geldituko da, eta abuztutik arratsaldetan gauza bera gertatuko da. Gasteizen, abuztuaren 4tik 31ra bitartean ez da zerbitzua ordaindu beharko. Aitzitik, Donostian larunbat arratsaldeetara eta igande eta jaiegunetara zabalduko da, eta Iruñean, sanferminetan, eguneko 24 orduetan ordaindu beharko da.
Erretzea debekatuta, Iparraldeko parke eta hondartza publikoetan
Eskola inguruak, autobus geltokiak eta kiroldegiak ere debeku horren barruan daude. Hala ere, tabernetako terrazetan ez da debekua ezarri, eta neurriak ez die bapeagailu eta antzekoei eragiten.
Gizon bat atxilotu dute Bilbon, apirilean izandako hilketa baten egilea delakoan
Bilboko ertzain-etxean dago, atxiloturi, beharrezkoak diren izapideak amaitu zain.
Bero-boladan ondo lo egiteko aholkuak
Carla Pia Arabako ESIko Loaren Unitateko neurofisiologoak adierazi duenez, bero-boladetan jende askok okerrago egiten du lo, maila zentralean gure tenperatura jaitsi egin behar delako lo hartzeko, eta egun hauetako beroarekin zailagoa da. Arropa gutxiagorekin edo estali gabe lo egitea gomendatzen du, nahiz eta pertsona batzuei kosta egiten zaien.
Min kronikoa duten pertsonen kopurua igo egin da Euskadin, eta, horrekin batera, opioideen erabilera
Euskadin, 370.000 pertsonak pairatzen dute egunero min kronikoa, eta opioideen erabilera bikoiztu egin da sei urtean. Gorakada horrek alarma guztiak piztu ditu, eta botika horien abusua osasun publikoko arazo bihurtzen ari da. Adituek ohartarazi dute premiazkoa dela paradigma aldatzea: min iraunkorra tratatu bai, baina mendekotasuna saihestuta.
EHUk irudi berria aurkeztu du, Chillida Lekun
Chillidak bere garaian egin zuen "kontzeptu unibertsala"ri eutsi dio EHUk, baina marka sinplifikatu du "argiagoa eta gogoratzeko errazagoa egiteko, eta komunikazio inguru berrietara egokitzeko". Horrez gainera, EHUren ereserkia izango den abestia ere aurkeztu dute. Luca Fanelli eta Jone Uria irakasleek egin dute, eta Leire Berasaluzek abestu du.
Osakidetzak 67 lagun artatu ditu azken 10 egunetan, tenperatura altuen ondorioz
Osasun Sailak jakitera eman duenez, 55 pertsona horietatik 37 ospitaleetara nahiz osasun zentroetara eraman behar izan dituzte. Gipuzkoan jazo dira kasu gehienak (40), eta ekainaren 24, 28 eta 29an izan dira beroarekin lotutako intzidentzia kasu kopururik handienak.