Eguzkik isurketa kutsakorrak salatu ditu Urumea eta Bidasoa ibaietan
Eguzki talde ekologistak aste honetan Urumea eta Bidasoa ibaietan, Gipuzkoan, isurketa kutsakorrak izan direla salatu du. Larunbatean Urumean, Donostian, ikusitako "isurketa kutsakor berri baten" berri eman du Eguzkik, eta astean zehar Irunen beste bat ikusi zutela ere esan du.
Talde ekologistak salatu du oraindik "gehiegi" direla "ibaiak edozer irensten duela" sinetsi nahi dutenak, eta isurketen inguruan dagoen "zigorgabetasun ia erabatekoa" salatu du.
Larunbat arratsaldean, "fuel edo bestelako hidrokarburo batek sortutako orban handi bat" ikusi zuen taldeak Martutenen (Donostia), eta 112 (SOS Deiak) zenbakiari ohartarazi zion.
Isurketa Urumea ibaian. Argazkia: Eguzki
Ordu batzuk beranduago, beste orban ikusi zuen handik gertu, Loiolan. Azaldu dutenez, irudiak "nahiko adierazgarriak" dira.
Gainera, aste honetan Irunen, Gal ondoan, beste isurketa bat izan dela ere salatu dute.
Isurketa Irunen. Argazkia: Eguzki
Talde ekologistak gogorarazi du isurketa bat ikusten denean 112 zenbakira abisua ematea dela eraginkorrena, "protokoloak lehenbailehen martxan jar ditzaten".
Eguzkik "ingurumenaren aurkako arau-hauste eta delitu hauek bistaratu behar direla" uste du, eta horregatik, "segimendua" egiten saiatzen dira. Horregatik, 112 zenbakiari deitu ondoren, Eguzkiari abisua ematea eskatu diete isurketa baten berri dutenei.
Zure interesekoa izan daiteke
Zangozan desagertutako 84 urteko emakume baten gorpua aurkitu dute
Bilaketa hasi eta gutxira, 20:00ak aldera, desagertutako 84 urteko emakumearen gorpua aurkitu dute. Heriotzaren arrazoia argitzeko ikerketa abiatu du Foruzaingoak. Vadoluengoko San Adrian elizaren inguruan topatu dute haren gorpua.
Elkarbizitza arazoak bainularien eta erabiltzaileen artean Euskal Herriko portuetan
Uretara salto egitea ohikoa da Euskal Herriko portuetan, debekatuta dagoen arren. Hori dela eta, bizikidetza-arazoak sortzen ari dira. Zenbait portutan jokabide arriskutsuak ikusten dira eta kalteak izan dira ontzietan. Eusko Jaurlaritzak egoeraren larritasunaz ohartarazi du, eta 2.000 eta 12.000 euro arteko isunak ezar daitezkeela gogoratu du.
Euri eskasiak hilabete eta erdi aurreratu du transhumantzia Nafarroan
Pirinioetatik Bardearako bidean, Enrique Ballent artzain transhumantearekin izan gara. 1.800 buruko artaldea gidatuko du, bazka bila. Izan ere, klima aldaketaren kontraesanak tarteko, jateko gehiago dago basamortuan goi mendietan baino.
Oiartzunen ustez pistolarekin egindako hiru lapurreten egilea atxilotu dute Hondarribian
23 urteko gaztea espetxeratu egin dute. Lapurretetan erabilitako arma fogeo-pistola bat zela egiaztatu dute.
Gizon bat atxilotu dute Getxon, kalean emakume bati sexu erasoa egiten harrapatu ostean
Erasoa 05:00etan jazo da, Algorta auzoan, San Inazio jaietan. 19 urteko biktima Gurutzetako Ospitalera eraman dute. Algortako Mugimendu Feministak eraso matxista salatzeko bilkura egin du igande arratsaldean.
Auroroek Andre Maria Zuriaren jaien etorrera iragarri dute
Urtero bezala, Gasteizko hirigunea eta Alde Zaharra zeharkatu dituzte zaindariaren omenezko kantuekin, jai-giroari hasiera emanez.
Testigantza berriek agerian utzi dituzte Mitikako zaindariek Kerman Villate hil aurretik behin eta berriz egindako erasoak
Gasteizko diskoteka horretako segurtasun-langileek Kerman hil aurreko hilabeteetan egindako eraso jakin batzuen berri eman dute lau gaztek Radio Euskadin, esklusiban, erreportaje batean. Kasu guztiak Ertzaintzaren aurrean salatu zituzten.
Bizkaiko Aldundiak zisterna kamioiak eramango ditu Karrantzara ur hornidura bermatzeko
Astelehenetik ostiralera, 250 metro kubiko garraiatuko ditu egunero foru erakundeak Enkarterriko udalerriko hornidura bermatzen laguntzeko.
17 urteko gizonezko bat atxilotu dute Gipuzkoan, adingabeak estortsionatzen zituen 764 Sarearen Espainiako buruzagitzat jota
Ertzaintzak, Esquadra Mossoek eta Guardia Zibilak elkarlanean egindako operazioan atxilotu dute, 2026ko urtarrila eta apirila bitartean ikastetxeen, udalen eta beste erakunde batzuen aurkako mehatxu ugari bidali izana egotzita.
Ikuskizunetako teknikariek abuztuaren 5erako deitutako grebarekin bat egingo dute Gasteizko txosnek
45 ikuskizun izango dira txosnetan, eta, horrez gain, beste hamaika proposamen kolektibo ezberdinen eskutik. Dozenaka kolektibok eta ehunka boluntariok dihardute egunotan auzolanean txosna gunea egokitzen. Testuinguru horretan, ikuskizunetako eta ekitaldietako teknikariek abuztuaren 5erako deitutako greba egunarekin bat egingo dute.